ကြက်ဖကြီးဗေဒင်အခန်း
မကြာမီကြရောက်တော့မဲ့ တရုတ်နှစ်သစ်ဟာ ကြက်ဖကြီးကို ကိုယ်စားပြုတယ်။ တရုတ်ရိုးရာဗေဒင်အရအကောင်ပေါင်းတစ်ဆယ့်နှစ်ကောင်ရှိတဲ့အထဲက နာမည်ကြီးအကာင်တကောင်ပါ။
ဒါကြောင့်ပဲကြက်ဖကြီးနှစ်ကို ကြိုဆိုရင်း ကြက်ဖကြီးအကြောင်း လေ့လာမိတယ်။ ကြက်ဖကြီးဗေဒင်အခန်း ဆိုပါတော့။
တရုတ်ရိုးရာမှာ ရေ၊ မြေ၊ ရွှေ၊ မီး၊ သစ်သား ဆိုတဲ့ ဓါတ်ငါးပါးရှိသေးတယ်။ ဒီဓါတ်တွေထဲက မီးဓါတ်ကြီးစိုးတဲ့ မီးကြက်ဖကြီးလို့ ဆိုတယ်။
ဒါကြောင့်တရုတ်ရိုးရာဗေဒင်အရ ဒီနှစ်မှာမွေးသူတွေဟာ လူတွေကိုဦးဆောင်သူ၊
အလွန်တက်ကြွသူ၊ ရိုးသားသူ၊လူတွေကြားမှာ ထင်ပေါ်သူဖြစ်ပါသတဲ့။ အရာရာကို
စူးစမ်းသူ၊ အလုပ်ကျိုးစားသူ၊ ရဲရင့်သူမို့ ကိုယ့်ကိုကိုယ်လည်းအပြင်မှာတကယ်ရှိတဲ့
ကြက်ဖကြီးတွေလိုပဲ အားလုံးရဲ့ကြားမှာ စွဲဆောင်မှုရှိစွာ
တင့်တယ်နေလိုသူပေါ့။ ကြက်ဖကြီးတွေက သူတို့ကို အများက ဂရုစိုက်တာလည်း
အလွန်ကြိုက်သတဲ့။ သူတို့ပြောတာကို နားမထောင်ရင်တော့ အလွန်စိတ်ဆိုးကြသတဲ့။
သူတို့ထင်သလို လုပ်တတ်လွန်းလို့ တခြားသူအတွက် မမျှော်လင့်တဲ့
အနှောက်အယှက်တွေတောင် ဖြစ်တတ်လို့ ဂရုပြုရမယ်လို့ ဆိုတယ်။
ဘယ်သူမဆို မိမိမွေးတဲ့အကောင်နှစ်ကိုရောက်ရင်
အနည်းနဲ့အများ ဒုက္ခတွေနဲ့ ရင်ဆိုင်ရတတ်တယ်။ ဒါကြောင့် ကြက်ဖနှစ်သမားတွေ
ပိုပြီးဂရုစိုက်ရမယ်။ ဒါပေမဲ့ ကောင်းကင်မှာ ကြယ်ကောင်းနဲ့ကြယ်ဆိုး
နှစ်လုံးက အမြဲအပြိုင်ထွန်းလင်းတာမို့ သတိပြုတဲ့လူအတွက် မကောင်းတာ သက်ရောက်မှုနည်းပါမယ်တဲ့။ ငွေကုန်တာများမယ်။ ဝင်ငွေထွက်ငွေ ကြည့်သုံးရမဲ့နှစ်ပေါ့။
ကြက်ဖနှစ်မှာမွေးသူတွေဟာ ကျန်းမာရေးကောင်းကြတယ်။ အားကစားလည်းအလွန်ဝါသနာပါကြတယ်။ နေမကောင်းလည်းခဏပဲ၊ အာကစားလုပ်ပြီးပြန်ကောင်းမှာပါတဲ့။
ကြက်ဖတွေအတွက် ကံကောင်းတဲ့နံပါတ်က ၅,၇,၈ ဖြစ်ပြီး တရုတ်လရဲ့ လေးရက်မြောက်နဲ့ နှစ်ဆယ့်ခြောက်ရက်မြောက်တွေက ကံကောင်းတဲ့ရက်တွေပါတဲ့။ရွှေရောင်၊အညိုရောင်၊အဝါရောင်တွေက ကံကောင်းတဲ့အရောင်တွေဖြစ်ပြီး တောင်အရပ်နဲ့အရှေ့တောင်အရပ်က ကံကောင်းတဲ့အရပ်ဒေသတွေပေါ့။ တရုတ်လတွေဖြစ်တဲ့ ၂လ၊ ၅လ၊ ၁၁လပိုင်းတွေမှာလည်း ကံကောင်းနိုင်ပါသေးတယ်။
ကြက်ဖနှစ်မွေးသူတွေ ရှောင်ရမှာက အနီရောင်ကိုရှောင်၊ ၁,၃,၉ ကိုရှောင်၊
အရှေ့အရပ်ကိုရှောင်၊ တရုတ်လတွေဖြစ်တဲ့ ၃လ၊၉လ၊၁၂လပိုင်းတွေမှာ
အလုပ်အကိုင်ကြီးတွေရှောင် ရမယ်တဲ့။
ကြက်ဖတွေက လူအများနဲ့ဆက်ဆံရတဲ့အလုပ်မှန်သမျှနဲ့အဆင်အပြေဆုံးမို့ အလုပ်ရှာရင် ဒီလိုအလုပ်မျိုးက အကောင်းဆုံးပါပဲတဲ့။ အားကစားကိုအလွန်နှစ်သက်တတ်သူ တက်ကြွသူကြက်ဖကြီးတွေမို့ အားကစားအလုပ်လည်းကောင်းပါသတဲ့။
ကြက်ဖကြီးနဲ့အသင့်တော်ဆုံးဖူးစာရှင်တွေက နွားနဲ့မြွေဖြစ်ပြီး ကြွက်၊ယုန်၊မြင်း၊ဝက်တို့ကို မရွေးသင့်ပါဘူးတဲ့။
လေ့လာမိသလောက် ရေးပြတာပါ။ မောင်လူပေတတ်လို့မဟုတ်။ လိုတာလေးတွေရှိရင်လည်း ဖြည့်ဖတ်ပေးပါ။ ကြက်ဖနှစ်သစ်မှာ မြန်မာပြည်သူပြည်သားအပေါင်း ကျန်းမာရွှင်လန်းကြပါစေ။
ချစ်ခြင်းအားဖြင့်
မောင်လူပေ
No comments:
Post a Comment