ဘိုက်ပူလွမ်းချင်း
အသက်နှစ်ဆယ်ကျော်အရွယ်ရှိသူတိုင်း ရန်ကုန်ရောက်ဖူးကြရင် ဘိုက်ပူလို့ခေါ်တဲ့ ချက်ပလက်ခေါင်းတိုကြီးတွေ စီးဖူးကြပါလိမ့်မယ်။ (ဘိုလိုကတော့ ရှယ်ဘလေပေါ့။ လူပေတို့ကတော့ ဗမာပီပီ ငပိသံနဲ့ ချက်ပလက်လို့ခေါ်ရမှ အာတွေ့ပါတယ်။)
အဲဒီကားကြီးတွေက ဒုတိယကမ္ဘာစစ်မှာ အမေရိကန်စစ်သားတွေ သယ်လာတာတဲ့ဗျ။ ဟုတ်မှာပေါ့။ အင်္ဂလိပ်ပြည်မှာ ချက်ပလက်မှ မရှိတာကိုး။ အမေရိကန်စစ်သားတွေပြန်တော့ ကျန်ခဲ့တဲ့စစ်ကျန်ကားတွေပေ့ါ။ ၁၉၄၅ဝန်းကျင်ကဆိုတော့ ခုဆို နှစ် ၇၀ကျော်လောက်ရှိပြီ။
မောင်လူပေတို့ကျောင်းသားဘဝမှာ ဒီကားကြီးတွေနဲ့မိတ်ဆွေတွေဖြစ်ခဲ့ရတာ။ ကားကြီးတွေက အဲဒီအချိန်မှာ နှစ်လေးဆယ်ကျော် အသက်ရှိနေပြီ။ ဗမာ့နည်းဗမာ့ဟန်နဲ့ လက်ပူတိုက်ထားတဲ့ ဒီကားကြီးတွေက လမ်းပေါ်က ခရီးသည်တွေကို မီးခိုးမဲတွေထုတ်လွှတ်ရင်း တဟဲဟဲအော်မည်ကာ သယ်ပို့ရှာခဲ့တယ်။ အဲဒီခေတ်က ၄၅လိုင်းတို့၊ ၃၉လိုင်းတို့က ဘိုက်ပူတွေ ကြီးစိုးခဲ့တဲ့လိုင်းတွေပါပဲ။
ကားဂီယာတံနောက်မှာ သစ်သားထောက်ကလေးနဲ့။ ဂီယာတခါပြောင်းတိုင်း ဒေါက်နဲ့ထောက်ထားရတယ်။
ဆီ၊ရေ၊လေ၊ဝိုင် လို့ ရေးထားတဲ့ သစ်သားဘော်ဒီကားကြီးကို မောင်းတဲ့ ကားဆရာတွေကလည်း ကျွမ်းသလားမမေးနဲ့ပဲ။ သံဘော်ဒီတွေ သံခြေးစားကုန်လို့ သစ်သားအိမ်ဘော်ဒီဖြစ်၊ ပြူတင်းပေါက်မှန်တွေကွဲကုန်တော့ လက်နဲ့ဆွဲတင် ဆွဲချရတဲ့ သစ်သားပြူတင်းပေါက်တွေဖြစ်၊ ဆိုဖါခုံတွေ ဆွေးမြေ့ကုန်တော့ သစ်သားခုံတွေဖြစ် နေပေမဲ့ ဆေးအထပ်ထပ်သုတ်လို့ သစ်လွင်တောက်ပလို့ပါ။
ကားကြီးပေါ်မှာလည်း ညွှန်ကြားချက်တွေရေးထားသေးရဲ့။ 'ခေါင်းမပြူရ။' 'လက်မထုတ်ရ။' ' ဆေးလိပ်မသောက်ရ။' ' ခါးပိုက်နှိုက် သတိပြုပါ။' ' ကွမ်းတံတွေး မထွေးရ။' ' လူလိုသိပါ။' ' ထသွားပြန်ကြည့် ကျန်ရှိပစ္စည်းတာဝန်မယူ' စသည်နဲ့ အစုံပါပဲ။ ဆီ၊ရေ၊လေ၊ဝိုင် နားမှာထိုင်ပြီးကားမောင်းတဲ့ကားဆရာအတွက်က ' ခရီးသည်များ၏ အသက်သည် သင့်လက်ထဲမှာရှိသည်' တို့။ 'ဖြေးဖြေးမောင်းပါ' တို့။ 'ရှေ့ကားကို ကျော်မတက်ရ' တို့။ ရေးထားသေးတယ်။ ပြောမဲ့သာပြောတာပါ။ အလွန်နှေးတဲ့ဘိုက်ပူကြီးက ဘယ်ကားကိုမှ ကျော်မတက်နိုင်ရှာပါဘူး။ သူ့ကိုသာ နောက်ပေါ် ဟီးနိုး၊ဘီအမ်တွေက ကျော်တက်သွားတာပါပဲ။
ဒီဘိုက်ပူကားတွေ ခုချိန်မှာတော့ ကားသင်္ချိုင်းမှာ ရောက်နေကြရှာပြီ။ ကျွန်တော်ခဏရောက်ရှိနေထိုင်တဲ့ ဆန်ဖရန်စစ္စကိုမှာလည်း ဘိုက်ပူဆန်ဆန် ရှေးဟောင်းဘတ်စကားတွေရှိတယ်။ သူတို့ကတော့ အခုချိန်ထိ ခရီးသည်တွေကို ပို့ဆောင်ပေးနေတုန်းပါပဲ။ တိုးရစ်တွေစိတ်ဝင်စားတဲ့အထဲမှာ ဒီကားတွေလည်းပါတယ်။
ဆန်ဖရန်လို့ပြောလိုက်ရင် တိုးရစ်တွေပြေးမြင်တာက ကေဘယ်လ်ကားကြီးတွေပေါ့။ ကေဘယ်လ်ကြီးက လမ်းအောက်မှာ မော်တာဆွဲအားနဲ့ ရွေ့နေပြီး ကားက ဒီကေဘယ်လ်ကြိုးကြီးနဲ့ ချိတ်ထားကာ ရွေ့လျှားပါတယ်။ ကားရပ်ဖို့က ကေဘယ်လ်နဲ့ချိတ်ထားတဲ့ ချိတ်ကို ဖြုတ်လိုက်ရင် ကားရပ်သွားတယ်။ ကမ္ဘာမှာ နောက်ဆုံးလက်ကျန် လူနဲ့ထိမ်းမောင်း၊ရပ်ရတဲ့ ဘတ်စကားကြီးတွေပါ။ ကားမှာ ဘာစက်မှမပါပဲ ကေဘယ်လ်ကြိုးနဲ့ချိတ်ဆက်ပေးမဲ့မောင်းတံတစ်ချောင်း၊ ဘရိတ်တံတစ်ချောင်း ပဲပါပါတယ်။
ကားဟွန်းလည်းမရှိသေးတဲ့ခေတ်မို့ ခေါင်းလောင်းသံတဒေါင်ဒေါင်သံနဲ့ သွားနေတာပါ။
တစ်နာရီမှ ကိုးမိုင်ခွဲနှုန်းပဲ ကေဘယ်လ်ကြိုးက ရွေ့တဲ့အတွက် ဒီကားကြီးတွေကလည်း ဒီနှုန်းပဲသွားလို့ရတယ်။ ဒီလောက်နှေးတဲ့ ဘတ်စကားစီးဖို့ တစ်ခါစီး ခုနှစ်ဒေါ်လာပေးရသဗျ။ လူတန်းစီပြီး လက်မှတ်ဝယ်စီးနေကြတာပါ။ စီးသူတွေကတော့ တိုးရစ်တွေချည်း အများစုပါ။ မတ်တတ်တွေရပ်ပြီး ခြေနင်းခုံမှာ တွဲလွဲတွေစီးကြတယ်။ ပျော်ကြတယ်။
ကေဘယ်လ်ကားပြတိုက်လည်းရှိသေးရဲ့။ ရှေးဟောင်း ကေဘယ်လ်ဘတ်စကားကြီးတွေကို ခေတ်အလိုက် တန်းစီပြထားတယ်။ မြေအောက်ကေဘယ်လ်ကြိုးကြီးတွေက ဘယ်လောက်ရှည်တယ်၊ ဘယ်ခေတ်ကစတယ်၊ ဘယ်သူကတီထွင်ခဲ့တယ်၊ ကားကိုဘယ်လိုရွေ့လျှားစေတယ် စသည်ဖြင့် သမိုင်းဝင်ပုံတွေနဲ့ ပြထားတယ်။ ကေဘယ်လ်ကြိုးကြီးတွေက မော်တာဆွဲအားနဲ့ ရွှေ့လျှားနေတာကို ပြတိုက်ထဲမှာ မျက်မြင်ကိုယ်တွေ့တွေ့ရပါမယ်။
သမိုင်းဝင်ကေဘယ်လ်ကားအပြင် သမိုင်းဝင် လျှပ်စစ်ဘတ်စကားတွေလည်းရှိသေးရဲ့။ ဒီကားတွေကတော့ လျှပ်စစ်ကေဘယ်လ်တွေကနေ အားယူပြီးမောင်းတဲ့ကားတွေပါ။ သံလမ်းပေါ်မှာ ပြေးကြတာတော့ တူပါတယ်။ မြန်မာပြည်မှာလည်း ဒီလိုလျှပ်စစ်နဲ့မောင်းတဲ့ထော်လီလို့ခေါ်တဲ့ ကားတွေ အင်္ဂလိပ်ခေတ်ကနေ ဦးနခေတ်အထိ ရန်ကုန်လမ်းတွေမှာပြေးခဲ့သေးပါတယ်။
ဒီကားတွေကို ခုခေတ်ထိ ပြေးလို့ရအောင် ပြုပြင်ထိန်းသိမ်းထားတာကတော့ တိုးရစ်တွေ ဆွဲဆောင်မှုတစ်ခုအတွက် အဓိကပါပဲ။
ဒီတော့ စဉ်းစားမိတာလေးရှိလာတယ်။ တို့နိုင်ငံက ဘိုက်ပူကြီးတွေကို ပြန်ပြင်ရင်း မြန်မာပြည်တဝိုက်မှာ ' ရှေးဟောင်းသမိုင်းဝင် ဘိုက်ပူကားများ' ဆိုပြီး တိုးရစ်တွေအတွက် ရည်ရွယ်ပြေးကြရင် ကောင်းမလားလို့။ တိုးရစ်တွေ သွားတတ်တဲ့ ရွှေတိဂုံတဝိုက်၊ မန်းလေးတဝိုက်၊ ပုဂံတဝိုက်၊ အင်းလေးတဝိုက် စသည်ဖြင့်ပေါ့။ ဒီနေရာတွေမှာ ဘိုက်ပူဘတ်စကားတွေနဲ့ တိုးရစ်တွေအတွက် ပြေးဆွဲပေးလိုက်ရင် သူတို့တတွေ စိတ်ဝင်စားလေမလား တွေးမိလို့ပါ။
ဒုတိယကမ္ဘာစစ်မတိုင်ခင်က စစ်ကျန်အဆောက်အဦတွေကို ရှေးဟောင်းသမိုင်းဝင်အဆောက်အဦတွေအဖြစ် သတ်မှတ်ပြီး အပြာရောင်အမှတ်အသားတွေ ကပ်နေတဲ့အချိန်မှာ ဒုတိယကမ္ဘာစစ်လက်ကျန် ဘိုက်ပူကြီးတွေကလည်း ရှေးဟောင်းသမိုင်းဝင် ဘတ်စကားကြီးတွေ ဖြစ်နေပါပြီ။
အပြာရောင်အမှတ်အသားကပ်ထားတဲ့ ရှေးဟောင်းသမိုင်းဝင်ဘိုက်ပူကြီးတွေ မြန်မာပြည်တဝိုက် ပြေးဆွဲနေတာ မြင်ချင်ပါတယ်။ နယ်အချို့မှာ အနည်းငယ်မျှ ပြေးနေကြသေးတဲ့ ဘိုက်ပူလက်ကျန်တွေစုစီးပြီး အကောင်အထည်ဖေါ်ကြရင် ဖြစ်နိုင်ပါရဲ့။
အများပိုင်ကုမ္ပဏီတွေထောင်ပြီးပေါ့လေ။ အစိုးရရဲ့ အကူအညီတွေတော့ လိုအပ်မယ်။ ဘိုက်ပူသမိုင်းကြောင်း၊ ဘယ်လိုအသုံးတော်ခံခဲ့တယ်၊ ဘယ်လို ပြုပြင်ထိန်းသိမ်းခဲ့တယ် စသည်ဖြင့် လက်ကမ်းကြော်ငြာလေးတွေဝေပေး ကြော်ငြာပေးရင် စိတ်ဝင်စားလာမှာပါ။
ဖြစ်နိုင်မယ်ထင်တာလေး ပြောကြည့်တာပေါ့လေ။ မောင်လူပေက အစိုးရနဲ့ဝေးတဲ့နေရာကလူမို့ အစိုးရမင်းများနဲ့ နီးစပ်သူများရှိရင် စိတ်ဝင်စားမယ် လုပ်နိုင်မယ်ထင်သူများကို တဆင့်ပြောပေးကြပါ။
ရွှင်လန်းချမ်းမြေ့ကြပါစေ။
ချစ်ခြင်းအားဖြင့်
မောင်လူပေ
(ဘိုက်ပူပုံကို အင်တာနက်မှ ယူပါတယ်။)
အသက်နှစ်ဆယ်ကျော်အရွယ်ရှိသူတိုင်း ရန်ကုန်ရောက်ဖူးကြရင် ဘိုက်ပူလို့ခေါ်တဲ့ ချက်ပလက်ခေါင်းတိုကြီးတွေ စီးဖူးကြပါလိမ့်မယ်။ (ဘိုလိုကတော့ ရှယ်ဘလေပေါ့။ လူပေတို့ကတော့ ဗမာပီပီ ငပိသံနဲ့ ချက်ပလက်လို့ခေါ်ရမှ အာတွေ့ပါတယ်။)
အဲဒီကားကြီးတွေက ဒုတိယကမ္ဘာစစ်မှာ အမေရိကန်စစ်သားတွေ သယ်လာတာတဲ့ဗျ။ ဟုတ်မှာပေါ့။ အင်္ဂလိပ်ပြည်မှာ ချက်ပလက်မှ မရှိတာကိုး။ အမေရိကန်စစ်သားတွေပြန်တော့ ကျန်ခဲ့တဲ့စစ်ကျန်ကားတွေပေ့ါ။ ၁၉၄၅ဝန်းကျင်ကဆိုတော့ ခုဆို နှစ် ၇၀ကျော်လောက်ရှိပြီ။
မောင်လူပေတို့ကျောင်းသားဘဝမှာ ဒီကားကြီးတွေနဲ့မိတ်ဆွေတွေဖြစ်ခဲ့ရတာ။ ကားကြီးတွေက အဲဒီအချိန်မှာ နှစ်လေးဆယ်ကျော် အသက်ရှိနေပြီ။ ဗမာ့နည်းဗမာ့ဟန်နဲ့ လက်ပူတိုက်ထားတဲ့ ဒီကားကြီးတွေက လမ်းပေါ်က ခရီးသည်တွေကို မီးခိုးမဲတွေထုတ်လွှတ်ရင်း တဟဲဟဲအော်မည်ကာ သယ်ပို့ရှာခဲ့တယ်။ အဲဒီခေတ်က ၄၅လိုင်းတို့၊ ၃၉လိုင်းတို့က ဘိုက်ပူတွေ ကြီးစိုးခဲ့တဲ့လိုင်းတွေပါပဲ။
ကားဂီယာတံနောက်မှာ သစ်သားထောက်ကလေးနဲ့။ ဂီယာတခါပြောင်းတိုင်း ဒေါက်နဲ့ထောက်ထားရတယ်။
ဆီ၊ရေ၊လေ၊ဝိုင် လို့ ရေးထားတဲ့ သစ်သားဘော်ဒီကားကြီးကို မောင်းတဲ့ ကားဆရာတွေကလည်း ကျွမ်းသလားမမေးနဲ့ပဲ။ သံဘော်ဒီတွေ သံခြေးစားကုန်လို့ သစ်သားအိမ်ဘော်ဒီဖြစ်၊ ပြူတင်းပေါက်မှန်တွေကွဲကုန်တော့ လက်နဲ့ဆွဲတင် ဆွဲချရတဲ့ သစ်သားပြူတင်းပေါက်တွေဖြစ်၊ ဆိုဖါခုံတွေ ဆွေးမြေ့ကုန်တော့ သစ်သားခုံတွေဖြစ် နေပေမဲ့ ဆေးအထပ်ထပ်သုတ်လို့ သစ်လွင်တောက်ပလို့ပါ။
ကားကြီးပေါ်မှာလည်း ညွှန်ကြားချက်တွေရေးထားသေးရဲ့။ 'ခေါင်းမပြူရ။' 'လက်မထုတ်ရ။' ' ဆေးလိပ်မသောက်ရ။' ' ခါးပိုက်နှိုက် သတိပြုပါ။' ' ကွမ်းတံတွေး မထွေးရ။' ' လူလိုသိပါ။' ' ထသွားပြန်ကြည့် ကျန်ရှိပစ္စည်းတာဝန်မယူ' စသည်နဲ့ အစုံပါပဲ။ ဆီ၊ရေ၊လေ၊ဝိုင် နားမှာထိုင်ပြီးကားမောင်းတဲ့ကားဆရာအတွက်က ' ခရီးသည်များ၏ အသက်သည် သင့်လက်ထဲမှာရှိသည်' တို့။ 'ဖြေးဖြေးမောင်းပါ' တို့။ 'ရှေ့ကားကို ကျော်မတက်ရ' တို့။ ရေးထားသေးတယ်။ ပြောမဲ့သာပြောတာပါ။ အလွန်နှေးတဲ့ဘိုက်ပူကြီးက ဘယ်ကားကိုမှ ကျော်မတက်နိုင်ရှာပါဘူး။ သူ့ကိုသာ နောက်ပေါ် ဟီးနိုး၊ဘီအမ်တွေက ကျော်တက်သွားတာပါပဲ။
ဒီဘိုက်ပူကားတွေ ခုချိန်မှာတော့ ကားသင်္ချိုင်းမှာ ရောက်နေကြရှာပြီ။ ကျွန်တော်ခဏရောက်ရှိနေထိုင်တဲ့ ဆန်ဖရန်စစ္စကိုမှာလည်း ဘိုက်ပူဆန်ဆန် ရှေးဟောင်းဘတ်စကားတွေရှိတယ်။ သူတို့ကတော့ အခုချိန်ထိ ခရီးသည်တွေကို ပို့ဆောင်ပေးနေတုန်းပါပဲ။ တိုးရစ်တွေစိတ်ဝင်စားတဲ့အထဲမှာ ဒီကားတွေလည်းပါတယ်။
ဆန်ဖရန်လို့ပြောလိုက်ရင် တိုးရစ်တွေပြေးမြင်တာက ကေဘယ်လ်ကားကြီးတွေပေါ့။ ကေဘယ်လ်ကြီးက လမ်းအောက်မှာ မော်တာဆွဲအားနဲ့ ရွေ့နေပြီး ကားက ဒီကေဘယ်လ်ကြိုးကြီးနဲ့ ချိတ်ထားကာ ရွေ့လျှားပါတယ်။ ကားရပ်ဖို့က ကေဘယ်လ်နဲ့ချိတ်ထားတဲ့ ချိတ်ကို ဖြုတ်လိုက်ရင် ကားရပ်သွားတယ်။ ကမ္ဘာမှာ နောက်ဆုံးလက်ကျန် လူနဲ့ထိမ်းမောင်း၊ရပ်ရတဲ့ ဘတ်စကားကြီးတွေပါ။ ကားမှာ ဘာစက်မှမပါပဲ ကေဘယ်လ်ကြိုးနဲ့ချိတ်ဆက်ပေးမဲ့မောင်းတံတစ်ချောင်း၊ ဘရိတ်တံတစ်ချောင်း ပဲပါပါတယ်။
ကားဟွန်းလည်းမရှိသေးတဲ့ခေတ်မို့ ခေါင်းလောင်းသံတဒေါင်ဒေါင်သံနဲ့ သွားနေတာပါ။
တစ်နာရီမှ ကိုးမိုင်ခွဲနှုန်းပဲ ကေဘယ်လ်ကြိုးက ရွေ့တဲ့အတွက် ဒီကားကြီးတွေကလည်း ဒီနှုန်းပဲသွားလို့ရတယ်။ ဒီလောက်နှေးတဲ့ ဘတ်စကားစီးဖို့ တစ်ခါစီး ခုနှစ်ဒေါ်လာပေးရသဗျ။ လူတန်းစီပြီး လက်မှတ်ဝယ်စီးနေကြတာပါ။ စီးသူတွေကတော့ တိုးရစ်တွေချည်း အများစုပါ။ မတ်တတ်တွေရပ်ပြီး ခြေနင်းခုံမှာ တွဲလွဲတွေစီးကြတယ်။ ပျော်ကြတယ်။
ကေဘယ်လ်ကားပြတိုက်လည်းရှိသေးရဲ့။ ရှေးဟောင်း ကေဘယ်လ်ဘတ်စကားကြီးတွေကို ခေတ်အလိုက် တန်းစီပြထားတယ်။ မြေအောက်ကေဘယ်လ်ကြိုးကြီးတွေက ဘယ်လောက်ရှည်တယ်၊ ဘယ်ခေတ်ကစတယ်၊ ဘယ်သူကတီထွင်ခဲ့တယ်၊ ကားကိုဘယ်လိုရွေ့လျှားစေတယ် စသည်ဖြင့် သမိုင်းဝင်ပုံတွေနဲ့ ပြထားတယ်။ ကေဘယ်လ်ကြိုးကြီးတွေက မော်တာဆွဲအားနဲ့ ရွှေ့လျှားနေတာကို ပြတိုက်ထဲမှာ မျက်မြင်ကိုယ်တွေ့တွေ့ရပါမယ်။
သမိုင်းဝင်ကေဘယ်လ်ကားအပြင် သမိုင်းဝင် လျှပ်စစ်ဘတ်စကားတွေလည်းရှိသေးရဲ့။ ဒီကားတွေကတော့ လျှပ်စစ်ကေဘယ်လ်တွေကနေ အားယူပြီးမောင်းတဲ့ကားတွေပါ။ သံလမ်းပေါ်မှာ ပြေးကြတာတော့ တူပါတယ်။ မြန်မာပြည်မှာလည်း ဒီလိုလျှပ်စစ်နဲ့မောင်းတဲ့ထော်လီလို့ခေါ်တဲ့ ကားတွေ အင်္ဂလိပ်ခေတ်ကနေ ဦးနခေတ်အထိ ရန်ကုန်လမ်းတွေမှာပြေးခဲ့သေးပါတယ်။
ဒီကားတွေကို ခုခေတ်ထိ ပြေးလို့ရအောင် ပြုပြင်ထိန်းသိမ်းထားတာကတော့ တိုးရစ်တွေ ဆွဲဆောင်မှုတစ်ခုအတွက် အဓိကပါပဲ။
ဒီတော့ စဉ်းစားမိတာလေးရှိလာတယ်။ တို့နိုင်ငံက ဘိုက်ပူကြီးတွေကို ပြန်ပြင်ရင်း မြန်မာပြည်တဝိုက်မှာ ' ရှေးဟောင်းသမိုင်းဝင် ဘိုက်ပူကားများ' ဆိုပြီး တိုးရစ်တွေအတွက် ရည်ရွယ်ပြေးကြရင် ကောင်းမလားလို့။ တိုးရစ်တွေ သွားတတ်တဲ့ ရွှေတိဂုံတဝိုက်၊ မန်းလေးတဝိုက်၊ ပုဂံတဝိုက်၊ အင်းလေးတဝိုက် စသည်ဖြင့်ပေါ့။ ဒီနေရာတွေမှာ ဘိုက်ပူဘတ်စကားတွေနဲ့ တိုးရစ်တွေအတွက် ပြေးဆွဲပေးလိုက်ရင် သူတို့တတွေ စိတ်ဝင်စားလေမလား တွေးမိလို့ပါ။
ဒုတိယကမ္ဘာစစ်မတိုင်ခင်က စစ်ကျန်အဆောက်အဦတွေကို ရှေးဟောင်းသမိုင်းဝင်အဆောက်အဦတွေအဖြစ် သတ်မှတ်ပြီး အပြာရောင်အမှတ်အသားတွေ ကပ်နေတဲ့အချိန်မှာ ဒုတိယကမ္ဘာစစ်လက်ကျန် ဘိုက်ပူကြီးတွေကလည်း ရှေးဟောင်းသမိုင်းဝင် ဘတ်စကားကြီးတွေ ဖြစ်နေပါပြီ။
အပြာရောင်အမှတ်အသားကပ်ထားတဲ့ ရှေးဟောင်းသမိုင်းဝင်ဘိုက်ပူကြီးတွေ မြန်မာပြည်တဝိုက် ပြေးဆွဲနေတာ မြင်ချင်ပါတယ်။ နယ်အချို့မှာ အနည်းငယ်မျှ ပြေးနေကြသေးတဲ့ ဘိုက်ပူလက်ကျန်တွေစုစီးပြီး အကောင်အထည်ဖေါ်ကြရင် ဖြစ်နိုင်ပါရဲ့။
အများပိုင်ကုမ္ပဏီတွေထောင်ပြီးပေါ့လေ။ အစိုးရရဲ့ အကူအညီတွေတော့ လိုအပ်မယ်။ ဘိုက်ပူသမိုင်းကြောင်း၊ ဘယ်လိုအသုံးတော်ခံခဲ့တယ်၊ ဘယ်လို ပြုပြင်ထိန်းသိမ်းခဲ့တယ် စသည်ဖြင့် လက်ကမ်းကြော်ငြာလေးတွေဝေပေး ကြော်ငြာပေးရင် စိတ်ဝင်စားလာမှာပါ။
ဖြစ်နိုင်မယ်ထင်တာလေး ပြောကြည့်တာပေါ့လေ။ မောင်လူပေက အစိုးရနဲ့ဝေးတဲ့နေရာကလူမို့ အစိုးရမင်းများနဲ့ နီးစပ်သူများရှိရင် စိတ်ဝင်စားမယ် လုပ်နိုင်မယ်ထင်သူများကို တဆင့်ပြောပေးကြပါ။
ရွှင်လန်းချမ်းမြေ့ကြပါစေ။
ချစ်ခြင်းအားဖြင့်
မောင်လူပေ
(ဘိုက်ပူပုံကို အင်တာနက်မှ ယူပါတယ်။)
No comments:
Post a Comment