ပေစုံငြိမ်းချမ်းရေး

ပေစုံငြိမ်းချမ်းရေး

အနှီငြိမ်းချမ်းရေးအတွက် ပြောကြဆိုရသည်။ ငြင်းကြခုန်ကြရသည်။ ၂၁ရာစုရောက်သည့်တိုင် မငြိမ်းချမ်းနိုင်သေး။ မကြာမီက ပြီးဆုံးသွားသော ငြိမ်းချမ်းရေးညီလာခံကားမဟုတ်။ မောင်လူပေ၏ ပေဂေဟာတွင် ဖြစ်၏။

ဒီရပ်ကွက်ထဲမှာ ဆူညံပူညံအရှိဆုံးအိမ်ကား ပေဂေဟာပင်တည်း။ ပေဂေဟာစတင်တည်ထောင်စဉ်ကစပြီး မရခဲ့တဲ့ငြိမ်းချမ်းရေး။ ယခုထိလည်း ငြင်းခုန်နေရဆဲ။

ပေဂေဟာကို ဦးစီးတည်ထောင်ခဲ့သော မောင်လူပေကား မဟာဖိုဝါဒသမား။သူ့အပေါင်းအသင်းတွေဖြစ်သော မောင်ရစ်တို့ ကိုရင်ချက်တို့ အားကိုးနှင့် အိမ်သားတွေဖြစ်သည့် မဒန်ပေနှင့် ပေသမီးတို့ကို နိုင်ဖို့ကြိုးစားသည်။

မဒန်ပေကလည်းမခေ။ သူတစ်ယောက်ထည်းအားနှင့် မောင်လူပေကို မယှဉ်နိုင်ရကား ပေသမီးနှင့် မဟာမိတ်ဖွဲ့သည်။ သူပိုင်သော မီးဖိုချောင်မှ ဓါးလက်နက်အစုံအားကိုးဖြင့် ခုခံလေသည်။ မဒန်ပေဖက်ကို အားပေးနေကြသူများကတော့ မောင်ရစ်ကတော် မမမေနှင့် ကိုရင်ချက်ကတော် မမစိုးတို့ပင်တည်း။

ပေသမီးကလည်း သူ့အုပ်စုနှင့်သူ။ သူ့ရဲ့မဟာမိတ်တွေဖြစ်ကြသော မေနိုင်၊ ပွင့်ဖြူ၊ စမန်သာတို့ထံမှ အကြံဉာဏ်များဖြင့် မောင်လူပေ၏ အာဏာပိုင်စိုးမှုကို ခုခံလေသည်။

ပူညံဆူညံနှင့်ရန်ဖြစ်ကြ၊ ငြိမ်းချမ်းရေးယူကြ၊ ပြန်ရန်ဖြစ်ကြနှင့် တဝဲလည်လည် ဖြစ်နေခဲ့သည်မှာလည်း ကြာခဲ့လေပြီ။

ပေဂေဟာ ထူထောင်ကာစက နှစ်ဦးသဘောမတူလျှင် ခွဲထွက်ခွင့်၊ အဲလေ ယောင်လို့ ကွဲခွင့်ရှိသည်ဟု သဘောတူခဲ့ကြသည်။ မောင်လူပေ၏ လခတွေကို ပေတစ်ကျပ်၊ မဒန်တစ်ကျပ်ခွဲယူမည်ဟု သစ္စာပြုခဲ့ကြသည်။ သို့သော်လည်း ပေဂေဟာထူထောင်ပြီးမကြာခင်မှာပင် ခွဲထွက်ခွင့် အဲလေ ကွဲခွင့်ကို မောင်လူပေက ကန့်ကွက်တားဆီးသည်။ လခကိုလည်း ပေးသမျှသာယူရမည်ဟု အင်အားကြီးသူပီပီ ခြိမ်းချောက်အကျပ်ကိုင်တော့၏။ နောက်တိုးဖြစ်သူ ပေသမီးကိုလည်းထိုနည်းအတိုင်း လိုက်နာခိုင်းသည်။ ထို့ကြောင့်ပင် ပြသနာပေါင်းစုံတက်ရခြင်းဖြစ်ပါ၏။

၂၀ရာစုက ပါလာခဲ့သော ဒီပြသနာက ၂၁ရာတိုင် မငြိမ်းနိုင်။ ပတ်ဝန်းကျင်လည်းမတတ်နိုင်။ သို့ပါသောကြောင့် အနှီအရှုပ်ထုတ်ကို ရှင်းလင်းဖို့အရေး ၂၁ရာစု ပေစုံညီလာခံကို ခေါ်ခဲ့ရခြင်းဖြစ်ပါသည်။

ပေဂေဟာမှ လူစုံပါဝင်တက်ရောက်ရမည့် ပေစုံညီလာခံကို ပုသိမ်သူမမြတ်မိုးက ကမကထပြုပြီး စီစဉ်သည်။ ညီလာခံတွင်လူစုံစေရန်အတွက် ကေတုမတီသူ မိစံကလည်း အထူးဧည့်သည်တော်အနေဖြင့်ဖိတ်ကြားသောကြောင့် တက်ရောက်လာသည်။

မိမိတို့လိုလားချက်များကို အစီရင်ခံကြရာတွင် မဒန်ပေက ပေဂေဟာတည်ထောင်စဉ်က သဘောတူခဲ့သည့်အတိုင်း ကိုပေတစ်ကျပ် မဒန်တစ်ကျပ်စနစ်ကို ပြန်လည်ကျင့်သုံးရန်၊ မဒန်ပေပိုင်ဆိုင်သည့် မီးဖိုချောင်ရေးရာများတွင် ဗဟိုဦးစီးဖြစ်သူ မောင်လူပေမှ ဝင်ရောက်စွက်ဖက်ခွင့်ကို ကန်ုသတ်ရန်၊ မီးဖိုချောင်သုံး ဓါးလက်နက်များကို ကန့်သတ်ခွင့်မရှိ လွတ်လပ်စွာသုံးစွဲခွင့်ရှိရန်၊ မကြေနပ်ပါက ပေဂေဟာမှ ခွဲထွက်ခွင့်ပြုရန် တောင်းဆိုလေသည်။

ပေသမီးအလှည့်တွင်မူ ကျောင်းအသုံးစားရိတ်များကို ဗဟိုမှ ဖြတ်တောက်မှုများသဖြင့် ပြည့်ဝစွာရရှိရေး၊ သူပိုင်သည်ဟုရည်ညွှန်းသော သူ့အခန်းကို ကိုယ်ပိုင်အုပ်ချုပ်ခွင့်ရအခန်းအဖြစ် ကြေညာပေးရေး၊ အခန်းသို့လာလိုပါက ကြိုတင်ခွင့်ပြုချက်ယူပြီးမှ လာရေး၊ အခန်းတွင်းရှိပစ္စည်းများကို မိမိစိတ်ကြိုက် စီမံခန့်ခွဲခွင့်ရရေး၊သူသည်လည်း ဗဟိုချုပ်ကိုင်မှုကို မကြေနပ်ပါက ခွဲထွက်ခွင့်ရရေးတို့ကို တောင်းဆိုသည်။

ဗဟိုအိမ်ဦးစီးဖြစ်သူ မောင်လူပေက ပြန်လည်ဆွေးနွေးရာတွင် အများတောင်းဆိုသော ခွဲထွက်ခွင့်မှာမဖြစ်နိုင်သေးကြောင်း၊ မိမိပိုင်နယ်မြေများကို စိတ်တိုင်းကြ စီမံပိုင်မှုများကလည်း တောင်းဆိုတာများလွန်းပါကြောင်း၊ လျှော့ပေါ့စေလိုကြောင်း။ တတ်နိုင်သမျှသာ လိုက်လျှောနိုင်မည်ဖြစ်ကြောင်း အာဏာကို ဦးစီးထားသူပီပီ ခတ်တင်းတင်းပင် ပြောဆိုသွားခဲ့သည်။

ပေစုံညီလာခံသဘာပတိ ပုသိမ်သူမမြတ်မိုးကား ဘာမှ မတတ်နိုင်။ သူများအိမ်တွင်းရေးကိစ္စဝင်ရှုပ်သည်ဆိုကာ မောင်မောင်မိုးဇော်၏ အပြစ်တင်ခြင်း ခံရမည်ကိုလည်း စိုးရလေကား ပေတို့၏ တင်ပြသမျှကို မှတ်တမ်းတင်လက်မှတ်ထိုးထားပါကြောင်းလောက်သာ တတ်နိုင်ခဲ့လေသည်။

ကေတုမတီသူမိစံကတော့ အထူးဧည့်သည်တော်ဆိုသည်နှင့်အညီ တုံဏှိဘာဝေ။ မဒန်ပေ၏တောင်ငူမုန့်ဟင်းခါးလက်ရာကြောင့်လည်း ဝင်မပါခြင်း ဖြစ်နိုင်၏။ သူကလည်း မိတ်မပျက်ရေးအတွက်ကြားနေ၏။

ထိုနည်းလည်းကောင်းဖြင့်ပင် ပေစုံညီလာခံ ငြိမ်းချမ်းရေးဆွေးနွေးပွဲကြီးလည်း ပြီးဆုံးခဲ့ပါကြောင်း၊ ပေဂေဟာကား ဆူညံပူညံဖြစ်ဆဲ ဖြစ်ပါကြောင်း။

ချစ်ခြင်းအားဖြင့်

မောင်လူပေ