နိုင်ငံရေး ဟာသ

နေပြည်တော်က လွှတ်တော်ကြီးကိုတက်ဖို့ ဒေါ်အောင်ဆန်းစုကြည် လမ်းလျှောက်အလာ လွှတ်တော်အဝင်ဝမှာ ကလေးတယောက်က ခွေးပေါက်လေးတွေ ရောင်းနေပါတယ်။ ခွေးလေးတွေက မွေးစအရွယ်လေးတွေမို့ မျက်လုံးမပွင့်သေးပါဘူး။

ဒေါ်စုက ချစ်စရာခွေးလေးတွေမြင်တော့ ကိုင်ကြည့်ပါတယ်။ ကလေးကလည်း ခွေးလေးတွေဟာ NLD လေးတွေပါ လို့ ပြောပါတယ်။ ဒေါ်စုက ကလေးကို နောက်တပတ်မှာ ဒီခွေးလေးတွေ ရောင်းမကုန်ရင် သူ တကောင် ဝယ်မယ်လို့ ဂတိပေးပါတယ်။

နောက်အပတ် လွှတ်တော် အဝင်ဝမှာ ခွေးရောင်းတဲ့ ကလေးငယ်ကို ပြန်တွေ့ပါတယ်။ သူ့လက်ထဲမှာ နဲနဲကြီးလာပြီဖြစ်တဲ့ ခွေးလေးနှစ်ကောင် ကျန်နေပါတယ်။ ဒေါ်စုက သူ့ဂတိအတိုင်း တကောင်ဝယ်မယ်လုပ်တော့ ကလေးငယ်က သူ့ခွေးလေးတွေဟာ ကြံ့ခိုင်ရေးတွေဖြစ်သွားပြီလို့ ပြောပြပါတယ်။

ဒေါ်စုက အရင်အပတ်က မင်းပဲ ခွေးလေးတွေက NLD ဆို၊ ခုမှ ဘယ်လိုဖြစ်ပြီး ကြံ့ခိုင်ရေး ပြောင်းသွားတာလဲ လို့ ပြန်မေးပါတယ်။

ကလေးငယ် ပြန်ဖြေတဲ့ အဖြေကတော့. " အရင် အပတ်မှာ သူတို့က မျက်စိမပွင့်သေးတော့ စားပေါက်မရှာတတ်လို့ NLD ဖြစ်တာ။ ခုအပတ်တော့ မျက်လုံးပွင့် စားပေါက်တွေ့နေပြီမို့ ပြည်ခိုင်ဖြိုး ဖြစ်နေပါပြီ ခင်ဗျာ။ " ပါတဲ့။

မိန်းကလေးများ

တပတ်အတွင်း ပင်ပန်းခဲ့တဲ့ သယ်ချင်းများအတွက် Joke လေးတွေပါ။
"စက်ဘီးက မိန်းကလေးများထက် ပိုကောင်းရခြင်း အကြောင်းရင်းများ. (ကောင်လေးများဖတ်ဖို့)"
(၁) စက်ဘီးက ကိုယ်ဝန်ရှိမှာ ပူစရာမလို။
(စိတ်ကြိုက်စီးနိုင်တယ်။)
(၂) စက်ဘီးမှာ မိဘမောင်ဖွားတွေမရှိ။
(ယောက်ဖ၊ ယောက္ခမ ကြောက်ရန်မလိုတော့။)
(၃) စက်ဘီးက စက်မချို့ယွင်းမခြင်း စိတ်မကောက်။
(မိန်းကလေးများက အကြောင်းမရှိ စိတ်ကောက်မည်။)
(၄) စက်ဘီးကို သူငယ်ချင်းများနဲ့ မျှစီးနိုင်သည်။
(မိန်းကလေးကို မျှလို့မရ။)
(၅) အခြားစက်ဘီးများသွားစီးလည်း စက်ဘီးက ဂရုမစိုက်။
( တခြားမိန်းကလေးသွားကြိုက်ခွင့်မရှိ။)
(၆) စက်ဘီးနဲ့ သင်ဟာ သွားလိုရာကို တပြိုင်တည်း ရောက်ရှိနိုင်သည်။
(မိန်းကလေးက နှေးသည်။)
(၇) အခြားစက်ဘီးကို ကြည့်လျှင်လည်း စက်ဘီးက ဂရုမစိုက်။
(အခြားမိန်းကလေးကို သွားကြည့်ရင် သင့်ပေါင်တွင်းကျော အလိမ်ခံရမည်။)
(၈) စက်ဘီးက ဘီးတွေချောင်လာရင် သင့်စိတ်ကြိုက် ပြန်ပြုပြင်နိုင်။
( မိန်းကလေးက သင့်ကိုသာ ပြင်ပေးမည်။)
(၉) သင်ရပ်ချင်တဲ့အချိန် စက်ဘီးကို ရပ်လို့ရပြီး စိတ်ဆိုးမှာမဟုတ်။
(မိန်းကလေးကို ဒီလို လုပ်မရနိုင်။)
(၁၀) စက်ဘီးနဲ့ ပတ်သက်တဲ့ ဂျာနယ် စာအုပ်တွေဝယ်ဖတ်လည်း စက်ဘီးက ဂရုမစိုက်။
(မိန်းကလေးက သင့်ကို ခွင့်ပြုမည်မဟုတ်။)
(၁၁) စက်ဘီးက အခြားစက်ဘီးနဲ့ ညလုံးပေါက် လျှောက်မလည်။ ပါတီမတက်။
(မိန်းကလေးက ပါတီတက်နိုင်သည်။)
(၁၂) စိတ်ဆိုးလို့ အော်မိရင်လည်း ပြန်စီးဖို့အတွက် စက်ဘီးကို တောင်းပန်ရန်မလို။
(မိန်းကလေးကတော့ ခွင့်လွှတ်ဖို့ တောင်းပန်ရမည်။)
(၁၃) စက်ဘီးကို စီးချင်သလောက်စီးလို့ရပြီး ဂရုစိုက်ဖို့ မလို။
(မိန်းကလေးကို တွဲချင်တိုင်းတွဲလို့မရ။)
(၁၄) သင်စွန့်ထားခဲ့တဲ့ စက်ဘီးဟောင်းကို သင့်မိဘများက အဆက်အသွယ်အမြဲလုပ်နေမည်မဟုတ်။
(မိန်းကလေးကတော့ သင့်မိဘတွေနဲ့ ဆက်သွယ်မည်။)
"မိန်းကလေးများ ပြောစကားနှင့် တကယ့်အဓိပ္ပါယ်များ"
(၁) " ကျွန်မတို့အတွက်ဒါလေးလိုမယ်။" ဆိုတာ
" ကျွန်မ ဒါကိုလိုချင်တယ်။"
(၂) " ရှင်ဘာလိုချင်လဲ။ " ဆိုတာ
" ရှင့်ပစ္စည်းအတွက် ကိုယ့်ဟာကိုယ်ပေး။ "
(၃) " ကျွန်မကိုချစ်လား။" ဆိုတာ
" ပစ္စည်းဈေးကြီးကြီးတခု ဝယ်ပေးဖို့ ပူဆာတော့မယ်။ "
(၄) " ကျွန်မရှင့်ကို ပြောစရာရှိတယ်။ " ဆိုတာ
" ရှင့်ကို ဆူစရာရှိတယ်။ "
(၅) " ဒီည ရှင် အရမ်းစွဲဆောင်မှုရှိနေတယ်။ " ဆိုတာ
" ဒီည ရှင့်သဘော။ "
(၆) " မီးပိတ်လိုက်ဦး။ " ဆိုတာ
" ကျွန်မနည်းနည်းဝနေတယ်။ "
(၇) မီးဖိုချောင်က ကြမ်းပြင်တွေ အရမ်း သန့်ရှင်းရခက်တယ်။ " ဆိုတာ
" အိမ်သစ်ဝယ်ဖို့ လိုနေပြီ။ "
(ဂ) " ဒီနားမှာကောင်းမလာ။ " ဆိုတာ
" ဟိုနားမှာ ပိုကောင်းမယ်။ "
(၉) " ရှင့်ကို မအော်ဘူးနော်။ " ဆိုတာ
" အရေးကြီးလို့ ရှင့်ကို အော်နေတာ။ "
(၁၀) " ဒီ ဝတ်စုံလေးဝတ်ထားတာ ကျွန်မ ဝနေတယ်ထင်ရလား။ " ဆိုတာ
" ရန်မဖြစ်ရတာ ကြာနေပြီ။ "
(၁၁) " သူငယ်ချင်းလိုပဲ ခင်တယ်" ဆိုတာ
" ကျွန်မရှင့်ကို မချစ်ပါ။"
(၁၂) " အကိုလိုပဲ သဘောထားတယ်။ " ဆိုတာ
" ယောင်္ကျားလို သဘောထားလို့မရသေးပါ။ "
(၁၃) " ရီးစားမထားချင်သေးဘူး။ " ဆိုတာ
" လောလောဆယ် ရှင့်ကို ရီးစားလို သဘောမထားနိုင်။"
(၁၄) " ရှင်မဟုတ်လောက်ပါဘူး။ " ဆိုတာ
" ရှင်ပဲဆိုတာ သေချာတယ်။ "
(၁၅) " ကျွန်မ မသိဘူး။ ရှင့်သဘောပဲ။ " ဆိုတာ
" အစထဲက သေသေချာချာ မပြင်ဆင်ထားဘူး။"
(၁၆) " အေးအေးဆေးဆေး နေချင်တယ်။ " ဆိုတာ
" အနားမကပ်နဲ့။ "
(၁၇) " ကျွန်မတောင်းပန်ပါတယ်။ " ဆိုတာ
" ရှင်လည်း တနေ့ ဒီလို တောင်းပန်ဖို့ ပြင်ထားတော့။ "
(၁၈) "တမိနစ်လောက်ဆိုပြီးပြီ။ " ဆိုတာ
" တနာရီလောက်တော့ စောင့်ရမယ်။ "
(၁၉) " ဟုတ်တယ်။ " ဆိုတာ
" မဟုတ်ဘူး။ "
(၂၀) " မဟုတ်ဘူး " ဆိုတာ
" မဟုတ်ဘူး။ "
(၂၁) "ဟုတ်နိုင်ပါတယ်။ " ဆိုတာ
" မဟုတ်နိုင်ဘူး။"
( Joke လေးတွေ ဝေမျှတာနော်။ မိန်းကလေးတွေ စိတ်မဆိုးကြေး။)

မဆိုင်ပဲ ပြုတ်တဲ့ ဝန်ကြီး

ခုတလော ဆူညံနေတဲ့ မဟာသန္တိသုခကျောင်းက အဖမ်းခံ သံဃာတွေကို အာမခံနဲ့ လွှတ်ပေးပြီး သင်္ကန်းပြန်စီးစေမယ် သိရပါတယ်။ လန်ဒန်ဆရာတော် အပါအဝင် ဆရာတော်အချို့က ပီနန်ဆရာတော်ကြီးတပည့်ရင်းတွေ၊ နယ်စပ်မှာ အခြေစိုက်ပြီး စစ်အာဏာရှင်ဆန့်ကျင်ရေး လုပ်ခဲ့သူတွေမို့ အမှုဟောင်းတွေ ပြန်ဖေါ်ရင် ကြိုက်တဲ့ အချိန် ပြန်ဆွဲလို့ရတယ်။ အခုက ရဟန်းတွေစိတ်ဆိုးကြလို့ အချိုသပ်ပြီး ပြင်္နလွှတ်ပေးတာပါ။ တကယ်က ကွင်းလုံးကျွတ် လွှတ်ရမှာ။

ပြီးတော့ မဆီမဆိုင် ကြားထဲက ငဝက်ခါးနာရတာက ဗခဆန်းဆင့်။ လူမှန်ကြီးမို့ ရန်ကုန်တိုင်းမှာလည်း ဒုတိုင်းမှုးက မတက်။ ဒုဗခကနဲ့ စစ်ရာထူးခန့်ချုပ်ဖြစ်ပြီး မကြာမှီ ဧရာဝတီတိုင်း လွှတ်တော်ဥက္ကဌနဲ့ ချောင်ထိုးခံရ။ အဲဒီတိုင်းမှာ စားကောင်းနေတဲ့ တိုင်းဝန်ကြီးချုပ်နဲ့ အဆင်မပြေတော့ တိုင်းသားတွေ အသနားခံစာတင်ပြီးတောင်းဆိုနေတဲ့ကြားက ထပ်ပြောင်း။ ဝန်ကြီးဌာနတွေထဲမှာ တွေ့သမျှ ရှိခိုး လှုတန်းနေရတာမို့ ဂါမဲ့ဌာနလို့ နာမည်ရတဲ့ သာသနာရေးမှာ ဝန်ကြီးနဲ့ ထပ်ချောင်ထိုးခံနေရတာ။ သူကလည်း အစိုးရအဖွဲ့ဝင်တွေ အကျင့်ပျက်မှုပေါင်းစုံ သူ့မှာ အထောက်အထားရှိတယ်လို့ ပေါ်တင် စိမ်ခေါ်တဲ့ လူမျိုး။ အများနဲ့ တစ်ယောက်ဖြစ်ပြီး အရေးယူခံလိုက်ရတာ။

တကယ်အရေးယူသင့်တဲ့လူကို အရေးမယူပဲ မဆိုင်သူထိုးကျွေးခံရတယ်ပဲမြင်ပါတယ်။ ဗခကခင်ညွန့်တို့၊ ဗခလွန်းမောင်တို့ကတော့ ခုတိုင် အကိုကြီး ညီလေးတွေထိမှာစိုးလို့ ရေငုံနှုတ်ပိတ်နေကြတုန်းပဲ။ ဗခဆန်းဆင့် ဖေါ်ရဲမလားစောင့်ကြည့်ရမယ်။

တွေးမိသမျှ

ဒီနေ့ဘောပွဲကြည့်ရင်းတွေးမိတာလေး ရှိပါတယ်။ ကမ္ဘာ့ချန်ပီယံ စပိန်ကို ဟော်လန်က ၅း၁ နဲ့ နိုင်နေတာတွေ့တော့ စဉ်းစားမိတာပါ။ အရင်လေးနှစ်က ရှုံးကြွေးကို လှလှလေးချေပြတာ။ စပိန်က အနီးပေး အမေရိကားတိုက်စတိုင်ကစားတယ်။ အင်အားနည်းတယ်။ ဟော်လန်က ဥရောပစတိုင် အဝေးပေးကစားတယ်။ အင်အားကြီးတယ်။ ပွဲအစမှာ စပိန်စပြီး ဂိုးသွင်းထဲက အဝေးပေး အဝေးကန်တွေနဲ့ တဂိုးပြီးတဂိုး ဟော်လန်ပြန်သွင်းတာ ၅ဂိုးရှိပြီ။

ဒီလို အဝေးကန်တွေ ဘယ်လောက်လေ့ကျင့်ထားလည်း မသိဘူး။ ကန်တာတွေက ပြင်းမှပြင်း၊ တည့်မှတည့်။ ကမ္ဘာ့ချန်ပီယံ ပက်လက်လန်တာ မရှုမလှ။

ကျွန်တော်တို့နိုင်ငံ နိုင်ငံရေး ဘောပွဲ ၂၀၁၂မှာ ကြံ့ခိုင်ရေး မရှုမလှ ရှုံးတယ်။ သူတို့ စီမံကိန်းတွေ အများကြီးဆွဲပြီး နောက်ပွဲမှာ အနိုင်နွဲဖို့  သေချာပြင်ထားပြီ။ စီမံကိန်းတွေကို ထုတ်ပြလာပြီ။ ရွေးကောက်ပွဲကော်မရှင်ဥက္ကဌက ဥပဒေတွေနဲ့ ကာလိုက်ပြီ။ မဲဆွယ်ပွဲ ခွင့်ပြုချက် ယူရမည်။ အပြင်လူလာမဆွယ်ရ။ စည်းကမ်းရှိရမည်။ သူ့လက်ထဲမှာ အနိုင်အရှုံးစာရင်းကိုင်ပြီး စည်းကမ်းငြိတယ်ဆိုကာ နိုင်သူရှုံးလိုက်ယုံပဲ။ လွယ်လွယ်လေး။

ဒုတိယတိုက်ကွက်ပေါ်လာပြန်သည်။ ပီအာတဲ့။ ဒေါ်စုက လွှတ်တော်ထဲက တပ်မတော်သားတွေကို ဝေဖန်တော့ သူတို့က ကြံ့ခိုင်ရေးနဲ့ ဝေးဝေးနေပြီး ပီအာကို ဆန့်ကျင်ပြသည်။ သို့သော် ကြံ့ခိုင်ရေးက အများစုမို့ နိုင်သည်။ NLD က အုပ်စုက သေးသေးလေး။ ဘာမှ လုပ်မရ။

တတိယအကွက်က လူချပြတော့သည်။ သူတို့ကို ယုံပြီး ပြည်တော်ပြန်ကြတဲ့ လူ၊ ရဟန်းတို့ကို ရှင်းလင်းနေပြီ။ မိုးသီး၊ မိုးဟိန်းစသည့် စွာတာတာများ ပြည်တော်ပြန်ခွင့် မရှိတော့။ ရဟန်းထဲက ဆန့်ကျင်ရေးခေါင်းဆောင် ပီနန်ဆရာတော်ကြီးကို ပြည်ပ အထွက်စောင့်ပြီး ဆရာတော်ရဲ့ လက်ရင်းတပည့်တွေ ဖမ်းလိုက်ပြီ။ ဆရာတော်ကြီးရဲ့ အရှိန်အဝါ နိုင်ငံတွင်းမှာ မရှိတော့။ ပီနန်ဆရာတော်ကြီးလည်း ပြန်လို့ ရတော့မည်မထင်။ ပြည်တွင်းက တက်ကြွရဟန်းတွေကိုလည်း မဘသနဲ့  မျှားလိုက်လို့  သူတို့ အတွက်တောင် လော်ဘီလုပ်ပေးတဲ့ လော်ဘီရဟန်းတွေ ဖြစ်နေကြပြီ။ ပြည်ပရဟန်းက ဂရုစိုက်စရာမလို။ အရင်ကလည်း ဂရုမစိုက်ခဲ့။

စတုတ္ထ အရှင်းခံရနိုင်သည်က ကျောင်းသားအုပ်စု။ ရှစ်ပူးတွေ။ သားသုံးသားမှာ စစ်သားက သူတို့လက်ထဲမှာ။ ဘုရားသားတွေ ရှင်းနေပြီ။ မြေသိမ်းယာသိမ်းတွေ လိုက်ကူညီနေတဲ့ ရဟန်းရှင်လူတွေ လည်း ရှင်းလင်းနေပြီ။ ရှစ်ပူးတွေကို သူတို့နဲ့လက်တွဲဖို့ အကြိမ်ကြိမ်ခေါ်ယူညှိနိုင်းသည်။ ရှစ်ပူးတွေက ခွတ်ဒေါင်းစိတ်ဓါတ်ဖြင့် လက်မခံတော့ ထောင်ချသည်။ ခုလည်း သူတို့ ရန်သူ ဒေါ်စုနဲ့ လက်တွဲပြီး ခြေဥပြင်ရေး လိုက်ဟောနေသည်။ မကြာခင် အလှည့်ကျတော့မည်က သူတို့ပါပဲ။

မြို့လည်က မိကျောင်းကန်အုပ်စု ဆန္ဒပြနေတာ တနိုငိငံလုံးမြေသိမ်းဆန္ဒပြနေတာတွေ ရှင်းပြီးရင် ငြိမ်ဝပ်ပိပြားသော သူတို့အခေါ် စည်းကမ်းပြည့်ဝသော ဒီမိုကရေစီနိုင်ငံတည်ဆောက်လို့ ရပြီလေ။ ရန်ကုန်ရေကြီးတာ မီးမလာတာ ကားကျပ်တာ လူတွေကျပ်တည်းတာတွေက ရိုးနေပြီးသားမို့ လူတွေက သည်းခံနိုင်နေပြီ။သည်းမခံလည်း ကိစ္စမရှိ။ သူတို့ နေပြည်တော်မှာ အနေသာကြီး။

ဒီလိုလေ့ကျင့်ပြင်ဆင်မှုများဖြင့် ၂၀၁၅ နိုင်ငံရေးဘောပွဲကို ကြံ့ခိုင်ရေးက ဝင်ကစားမှာ။ အဝေးပေး ခွန်အားကြီးတဲ့ အသင်းကြီး လည်း ဖြစ်သည်။ ဒိုင်ကလည်း သူတို့လူ။ မကြိုက်ရင်အနီကပ်နဲ့ ထုတ်မဲ့သူ။ အများအချစ်တော် NLD ကို ဒီလို အနိုင်ယူမဲ့ ၂၀၁၅ အတွက် ပြည်သူအများ အဆင်သင့် ရင်ဆိုင်ဖို့ ပြင်ထားသင့်ပြီ လို့သာ တွေးမိပါကြောင်း။

မဟာသန္တိသုခကျောင်းတော်မှသည်

တာမွေနတ်ချောင်းရပ်ကွက်က မဟာသန္တိသုခကျောင်းကို ရဲက အင်အားသုံးစီးနင်းနေပါပြီ။

ဒီကျောင်းတော်ကြီးက အရပ်သားတွေနှစ်ပေါင်းများစွာနေခဲ့တဲ့ ရပ်ကွက်ကြီးကို ကျူးကျော်ဆိုပြီး အင်အားသုံးရှင်းလင်းသိမ်းပိုက်။ပြီးတော့ ပေါ်လာတဲ့ မြေကွက်များစွာကို အိမ်ရာတွေဖေါ်ထုတ်ရောင်းချ။ အဲဒီထဲကအကွက်နည်းနည်းချန်ကာ ပီနန်ဆရာတော်ကြီးကို သူတို့ဖက်ပါအောင် သာသနာပြုရန်အကြောင်းပြချက်နဲ့
ပေးခဲ့တဲ့မြေမှာ ဆရာတော်ကြီး ဒကာတွေ အလှူငွေနဲ့ ဆောက်ခဲ့တာ။

ကျောင်းဖွင့်ပွဲမှာ ပီနန်ဆရာတော်ကြီးကို တီဗီ မင်းသား ဗိုလ်ချုပ်ခင်ညွန်ုကိုယ်တိုင် သာသနာရေးဌာနစာရွက်တွေ ကပ်လှူခဲ့တာ မှတ်မိသေးရဲ့။

ပီနန်ဆရာတော်ကြီးက သူတို့လိုသလို ခိုင်းလို့ရမဲ့ ဘုန်းကြီးမဟုတ်။ ၂၀၀၇ ရွေဝါရောင်တော်လှန်ရေးအပြီး မစိုးရိမ်ဆရာတော်ကြီးနဲ့ပေါင်းကာ သံဃာ့ဥယှောင်အဖွဲ့ ဆိုတဲ့ မဟန နဲ့ စင်ပြိုင် ဘုန်းကြီးအဖွဲ့ကို ဖွဲ့စည်းရာက အစိုးရနဲ့ရော အစိုးရအလိုကြ လုပ်နေရတဲ့ မဟနနဲ့ရော ထိပ်တိုက်တွေ့ကြတာပါပဲ။

အဲဒီ မဟာသန္တိသုခကျောင်းတော်ကြီးကို မဟနကပြန်သိမ်းပြီး မင်္ဂလာဆောင်ငှားသည်၊ ရုပ်ရှင်ရိုက်ကွင်းငှားသည်နဲ့ သာသနာရေးနဲ့ ဘာမှမဆိုင်တာတွေ လုပ်ပြီး စီးပွားရှာနေကြတာကြာလှပါပြီ။ ဘယ်လောက်စီးပွားဖြစ်တယ်။ အဲဒီငွေတွေ ဘယ်ရောက်ကုန်တယ်ဆိုတာတော့ သူတို့အသိဆုံးဖြစ်ပါလိမ့်မယ်။

အခု ခေတ်မှာ ပီနန်ဆရာတော်ကြီး ပြန်လာခွင့်ရတော့ သူ့ကျောင်းသူပြန်နေတာ သဘာဝကြပါတယ်။ ဒါပေမဲ့ သူတို့ကပ်တဲ့ ဘွဲ့တံဆိပ်တော်တွေလက်ခံခဲ့ပြီးမှ သူတို့ကိုဆန့်ကျင်ကာ ရဟန်းရှင်လူပြည်သူများဖက်က ရပ်တည်တော်မူခဲ့တဲ့ သက်တော်ရှစ်ဆယ်ကျော် ကမ္ဘာ့သာသနာပြု ပီနန်ဆရာတော်ကြီးကတော့ သူတို့တွေရဲ့ ရန်သူဘုန်းတော်ကြီး ဖြစ်ခဲ့ပါပြီ။ ဒါကြောင့်လည်း ပီနန်ဆရာတော်ကြီးကို ကျောင်းပေါ်ကဆင်းပေးဖို့ မဟနနဲ့ဖိအားပေးဖယ်ရှားနေတာပါ။ သူတို့အလိုကျဖြစ်မလာတော့ သုံးနေကျနည်းဟောင်းဖြစ်တဲ့ အင်အားသုံးဖယ်ရှားဆိုတဲ့ နည်းဟောင်းကြှီးနဲ့ ထုတ်သုံးလာတာပါပဲ။

ပီနန်ဆရာတော်ကြီးကို နိုင်ငံခြားမှာ သူဌေးဒကာတွေ ဆောက်လှူထားတဲ့ကျောင်းကြီးတွေ အများကြီးပါ။ မလေးရှားပီနန်ကျွန်းကျောင်းတို့ စကာင်္ပူပီနန်ကျောင်းကြီတို့ဆိုတာ နန်းတော်ကြီးတွေလို အကြီးကြီးတွေ။ ဒီမှာလည်း ဆရာတော်အလိုရှိတယ်ဆို
သူ့ ဒကာတွေက ဒိထက်ကောင်းတဲ့ကျောင်းတွေ ဆောက်လှူနိုင်ပါတယ်။ မတရားတဲ့ အမှုမို့ ဆရာတော်ကြီးက တင်းခံနေတာပါ။

သာမန်ကျောင်းလုပွဲမဟုတ်ပဲ ဓမ္မနဲ့ အဓမ္မပြိုင်ပွဲပါ။ အဓမ္မအားကောင်းတဲ့ ခေတ်အခါမှာမို့ သူတို့နိုင်မယ်၊ မနိုင်လည်း အင်အားသုံးမယ်ဆိုတာသိသိနဲ့ မတရားတဲ့ အမိန့်အာဏာကို ပီနန်ဆရာတော်ကြီးက ဖီဆန်ပြခဲ့တယ်လို့ပဲယူဆပါတယ်။

ပီနန်ဆရာတော်ကြီးနဲ့ ကျောင်းမှာ သတင်းသုံးနေတဲ့ သံ ဃာတွေ အန္တာရယ်ကင်းဘေးရှင်းကြပါစေလို့ပဲ ဆုတောင်းပါတယ်။

သာသနာကို တကယ်စောင့်ရှောက်တော်မူမဲ့ သူတော်ကောင်းများ ပေါ်ထွန်းပါစေ။ အဓမ္မဝါဒီများ ကျဆုံးပါစေ။

လက်ရည်တပြင်တည်း

"လက်ရည်တပြင်တည်း... နှီးဒေါင်းလန်းကြီးတွေနဲ့ ဝိုင်းဖွဲ့ကာ စားကြသည်ပင်။ မြဝဒီရင် ခပ်ငယ်ငယ်။ တေးဆိုကြ မြူးပျော်ကြ ဟေ့.. သူငယ်ချင်းရေ။ တို့ နယ်ပယ်တခွင် မိုးသက်ကယ်ဆင်။ ရှစ်ခွင်ကမှိုင်း။ အို့ အို ရွာမလိုနဲ့ ပင်။ ညီညွတ်ရေးနဲ့ အသက်ရှည်ရှည် ခင်ခင်မင်မင် လက်ရည်တပြင်တည်း ရှေးကတော့ ပိုချစ်ကြတယ်။"

ဒီသီချင်းလေးက လေပါတီ မမြရင်ရဲ့ လက်ရည်တပြင်တည်း သီချင်းလေး။ နန်းတော်ရှေ့ဆရာတင်လက်ရာ။သိပ်နားထောင်လို့ကောင်းတယ်။ ရှေးကလူတွေ နှီးနဲ့ယက်တဲ့ ယွန်းဒေါင်းလန်းပုဂံပြားကြီးထဲ ဟင်းထမင်းတွေပုံပြီး အတူတူ လက်ရေတပြင်တည်း စားသောက်ကြပါသတဲ့။ သိပ်လည်း ညီညွတ်ချစ်ခင်ကြပါသတဲ့။

မောင်လူပေတို့ငယ်ငယ်ကလည်း ဒီလိုပါပဲ။ တပင်ရွှေထီး ထန်းတောမှာ ပင်ကျရေ မြူအိုးထဲကို အိုးမှုတ်ခွက်လေးထည့်ပြီး သူငယ်ချင်းတွေ ခွက်လှည့်ကြတယ်။ ပဲသုပ်လေးကို ပူစီနံလေးအုပ်ထားတဲ့ အမြည်းလေးနဲ့ သူတလုပ်ငါတလုပ် အားပေးကြတာ။ ဆီးရွှင် ဝမ်းမှန်တဲ့ သဘာဝ အော်ဂဲနစ်စစ်စစ်။
ကျန်းမာရေးအတွက် တပတ်တခါ မှီဝဲရင်း ရီဝေဝေနဲ့ ရီစရာ ပေါက်ကရ အကုန်ပြောကြတာပဲ။ သူငယ်ချင်းတွေက ဘာသာလည်းစုံတယ်။ ဗုဒ္ဓ၊ ခရစ်ယန်၊ မွတ်စလင် အစုံပဲ။ အချင်းချင်း စကြ နောက်ကြ ဘယ်သူမှ စိတ်မဆိုးကြဘူး။

တခါက ဘာသာတွေအကြောင်း ငြင်းခုန်ကြပြီး ထရေဝိုင်းက အပြန် ခရစ်ယန်သူငယ်ချင်းစီးလာတဲ့ စက်ဘီးက မြောင်းထဲပြုတ်ကြတယ်။ မြောင်းက နက်တော့ပြန်မတက်နိုင်ဘူး။ အဲတော့သူက " ဗုဒ္ဓ ငါ့ကိုဆွဲတင်ဦး " လို့ မြောင်းဘေးက သူငယ်ချင်းကို အကူအညီတောင်းတယ်။ အဲဒီသူငယ်ချင်းကလည်း " မင်းခရစ်တော်ဆီမှာ ကယ်တင်ခြင်းတွေ သွားတောင်း ငါ့လာ မကယ်ခိုင်းနဲ့" လို့ ပြန်စပြီးမှ ဆွဲတင်ပေးတယ်။
သူငယ်ချင်းတွေ ချစ်ကြပုံက အဲလို။ ဘယ်လောက်စစ မနာကြဘူး။

တခုသော သင်္ကြန်ကလည်း ရေပက်ခံပြီး အပြန် ထတောဝင်တော့ ပဲသုပ်ကုန်ပြီ။ ဝက်သားလုံးကျော်ပဲရှိတယ်။ ရှိတာချဆိုပြီး အားပေးခါနီးမှ မွတ် သူငယ်ချင်းကရောက်လာပြီး သူ့အတွက်မကျန်မှာစိုးလို့ အသားလုံးကျော်တခုကောက်ပြီး စားလိုက်တာ တားချိန်တောင်မရဘူး။ နောက်မှ အဲဒါ ဝက်သားလုံးကျော်တွေလို့ ရှင်းပြတော့ ခပ်အေးအေးပဲ။ "ရပါတယ်။ မိုးကာထားလို့ အလာ မမြင်ဘူး" လို့ ရီရီမောမောနဲ့ ပြောတယ်။ မသိလို့စားမိတာ ပဲ ဆိုပြီး ဘာမှမဖြစ်ဘူး။ တရုတ်ကုလား ဗမာ ကရင် ဘယ်သူမှ မခွဲ။ ဘာသာကွဲတယ်လို့လည်း အစွဲမရှိ ချစ်ကြတာပါပဲ။

အဲဒါ ချစ်စရာ ဗမာဓလေ့ပါ။ ဗမာပြည်မှာပေါက်ကြတဲ့ သူငယ်ချင်းတွေလေ။ မိဘဆိုတာ ကိုယ်ကရွေးချယ်ခွင့် ရှိခဲ့တာမဟုတ်လေတော့ သူတို့လူမျိုး သူတို့ဘာသာကို ဆက်ခံရတာပေါ့။ ဘာဖြစ်ဖြစ် အစွန်းမရောက်ပဲ နေတတ်တဲ့ ဗမာပြည်ပေါက်တွေ အစွန်းရောက်တွေ ဖြစ်လာအောင် လှုံ့ ဆော်နေကြတဲ့ ပို့စ်တွေကို မရှယ်ကြပါနဲ့လို့ သူငယ်ချင်းတချို့ကို မေတ္တာရပ်ပါတယ်။

လက်ရည်တပြင်တည်း ရှေးကထက်ပိုချစ်ကြတဲ့ လူမျိုးဘာသာစုံနိုင်ငံလေး အေးချမ်းသာယာတဲ့နိုင်ငံလေး ဖြစ်အောင် တည်ဆောက်ကြရအောင်လားဗျာ။

ကလေးအခွင့်အရေး

ဒီနေ့ အွန်လိုင်းတက်တော့ မောင်လူပေရဲ့ သူငယ်ချင်း တက္ကသိုလ်ကျောင်းဆရာက သူ့သားတော်မောင်ရဲ့ မူလတန်းဆရာမက ကျူရှင်လိပ်စာရေးပေးရင်း Marketing လုပ်တဲ့အကြောင်း ရေးတာဖတ်မိပါတယ်။

ဆရာဝန်ဆေးခန်းထိုင်တာ၊ ဆရာမကျူရှင်ပြတာ မောင်လူပေတို့အတွက် မဆန်းပါဘူး။ နိုင်ငံတော်လခလေးနဲ့ ပျော်နေရင် လယ်/ဆယ်ဝန်ကြီးပြောသလို ထမင်းတနပ်လျှော့စားရမဲ့ အနေအထားမို့ သူတို့တွေလည်း နားရမဲ့ အချိန်မှာ မနားနိုင်ပဲ အိုဗာတိုင်ဆင်းရင်း ဖြေရှင်းကြရတာကို နားလည်ပေးနိုင်ပါတယ်။

မောင်လူပေကတော့ ကလေးတွေကိုပဲ သနားမိတာပါ။ သူတို့လေးတွေမှာ ကစားဆော့ကစားရမဲ့အချိန်မှာ ကျူရှင်ပြေးကြရတယ်။ ဒီအရွယ်ဆိုတာ ကစားမက် အဆော့မက်တဲ့ အရွယ်မဟုတ်လား။

မောင်လူပေငယ်တုန်းကလည်း အဆော့အလွန်မက်တာ။ ဒုတိယညီလေးနဲ့ ကိုးနှစ်ကွာတာမို့ ကစားဖေါ်ပဲရှာနေတာ။ ကျောင်းကပြန်ရောက်တာနဲ့ လွယ်အိပ်ပြစ်ချပြီး အိမ်ဘေးက ကစားဖေါ်တွေဆီ ပြေးတာပဲ။ မိန်းကလေးတွေနဲ့ ဈေးရောင်းတန်း ကစားတယ်။ ပိုက်ဆံက ကြွေပုဂံကွဲတွေပေါ့။ နဲနဲကြီးရင် ငါးကျပ်တန် ငယ်ရင် တစ်ကျပ်တန် သတ်မှတ်ပြီး အရွက်ပေါင်းစုံခူးပြီး ရောင်းတာပဲ။ ကြွေပုဂံကွဲကလည်း အရမ်းရှာရခက်တာ။ တခါတလေ အိမ်ကပုဂံကို မတော်တဆ ကျကွဲသလိုလုပ်ပြီးတောင် ကြွေပုဂံကွဲ စုရတယ်။ အမေသိတော့ ဆူတာပေါ့။

နဲနဲပိုကြီးလာတော့ မိန်းကလေးတွေနဲ့ မဆော့ဖြစ်တော့ဘူး။ ရွယ်တူကောင်လေးတွေနဲ့ သားရေကွင်းပစ်တယ်။ ဂိုင်ကွင်းကောင်းကောင်းတွေ့ရင် ရွှေတွေ့သလို ဝမ်းသာတာ။ ခြံစည်းရိုးမှာ သံရိုက် သားရေကွင်းတွေချိတ်ပြီး ပစ်ကြတာပဲ။ ရတဲ့မုန့်ဖိုးလည်း သားရေကွင်းဝယ်တာနဲ့ကုန်တာပဲ။ နိုင်တဲ့နေ့ဆို သားရေကွင်းတွေ ပန်းကုံးလိုသီပြီး ကိုယ်မှာလွယ်ကြွားတာ။

နောက်တော့ ဂေါ်လီရိုက်တယ်။ ထုံးဂေါ်လီက အရိုက်မခံနိုင်ဘူး။ ခဏနဲ့ မကွဲတဲ့ ကျောက်ဂေါ်လီတွေစုရပြန်တယ်။ ဂေါ်လီရိုက်ရင်း ဂေါ်လီတွေက ပေါက်ပြဲ ပိန်ချိုင့်ပေါ့။ ဒီဂေါ်လီပိန်လေးတွေကို ရွှေတုံးလေးတွေလို တရိုတသေ သိမ်းထားတာ။

နောက်တော့ဂျင်ပေါက်တတ်ရော။ ဂျင်ခြင်းပေါက်ရင် သူများဂျင်ကွဲအောင် သံကိုသွေးရတာလည်း အလုပ်တခု။ ဂျင်ကို နည်းမျိုးစုံ ပေါက်တတ် မွှေ့တတ်အောင်လည်း လေ့ကျင့်ရတာ မောနေတာပဲ။

နောက်တော့စွန်လွှတ်ချင်ရော။ အတော် ပိုက်ဆံကုန်တဲ့ ကစားနည်းပါ။ ရစ်လုံးဖိုး၊ အပ်ချည်ဖိုး၊ မှန်စာဖိုး၊ စွန်ဖိုး ကုန်လိုက်တဲ့ပိုက်ဆံ မနည်းဘူး။ နောက်ဆုံးတော့ ဘိုင်ပြတ်ပြီး စွန်ဝါသနာ စွန့်ရတာပါပဲ။ စွန်တော့ မလိုက်ရဲဘူး။ စွန်လိုက်ရင်း မသာပေါ်တာ ကိုယ်တွေ့မို့ ကြောက်လို့။

ရွှေစွန်ညို၊ ထုတ်စီးတိုး၊ ကြီးသားရိုက်၊ ကြက်ဖခွတ်၊ ဇယ်ခုတ် အစုံ ကစားတာပါပဲ။ ရသမျှမုန့်ဖိုးလဲ တပြားမကျန် သုံးပစ်တာ။ အိမ်နားက ဦးစူပင့်ကုန်စုံဆိုင်ရဲ့ ပင်တိုင်ဖေါက်သည်ကြီး မောင်လူပေပါ။

အခုများတော့ ကလေးတွေခမျာ မူကြိုထဲက ကျူရှင်တက်ကြရပြီး ကလေးနဲ့တောင်မတူကြရှာဘူး။ မျက်မှန်တတ်ရတဲ့ ကလေးကလည်း အများစု။ ကလေးအခွင့်အရေး အပြည့်အဝ မရကြရှာတဲ့ ကလေးငယ်တွေကြည့်ပြီး စဉ်းစားမိတာကတော့ သူတို့လေးတွေ ကလေးအခွင့်အရေးအတွက် ဘယ်သူကများ တိုက်ပွဲဝင်ပေးမလဲ လို့ပါ။