ဆယ်တန်းအောင်စာရင်း

ဒီနေ့ ဆယ်တန်းအောင်စာရင်း ထွက်သတဲ့။ သူငယ်ချင်းတွေရဲ့ သားသမီးတွေ ဒီခြောက်လုံးတို့ ဒီငါးလုံးတို့ ရကြသတဲ့။ သူတို့နဲ့ ထပ်တု ဂုဏ်ယူ ဝမ်းသာမိပါတယ်။ ဒီဘယ်နှစ်လုံးပါပါ မပါပါ အောင်တယ်ဆိုရင် ဝမ်းသာမိပါတယ်။

ဆယ်တန်းက ပြောရရင် လူငယ်တွေအတွက် ကျော်ဖြတ်ရခက်တဲ့ တံတိုင်းကြီးနဲ့ တူတယ်။ ကြိုးစားမှုနဲ့ ကံတရား ထပ်တူညီမှ ကျော်နိုင်ကြတယ်။ တချို့တော့လည်း သာသာယာယာကျော်ခဲ့ကြတယ်။ တချို့တော့လည်း ခက်ခဲစွာ ကျော်ဖြတ်ခဲ့ရတယ်။ တချို့ဆို ဘယ်လိုမှ ကျော်မရလို့ လက်မှိုင်ချ။

မောင်လူပေတို့လည်း ရင်ခုန်ခဲ့ဘူးတာပါပဲ။ ဆယ်တန်းအောင်စာရင်း မထွက်ခင် ကျောင်းတွေပြန်ဖွင့်တော့ မအောင်ခဲ့ရင် စာနောက်မကျအောင် ဆိုပြီး လွယ်အိပ်ပြင်တော့ အဖေက ငါ့သားဘယ်သွားမလို့လဲ တဲ့။ ကျောင်းသွားမလို့ပါ လို့ ပြန်ဖြေတော့ အဖေက ရယ်ပြီး အောင်စာရင်းမှ မထွက်သေးတာပဲ အောင်စာရင်းထွက်ပြီး မအောင်ဘူးဆိုမှ ကျောင်းပြန်သွားရမှာ။ မပူပါနဲ့ အောင်မှာပါ လို့ အားပေးခဲ့တယ်။ ဒါနဲ့ပဲ ကျောင်းပြန်မတက်ဖြစ်တာ။

အောင်စာရင်းမထွက်ခင် ညကတော့ ရင်အခုန်ဆုံး။ အောင်စာရင်းတွေကို တစ်စောင် ငါးကျပ်နဲ့ ဝယ်လို့ရတယ် ပြောလို့ ညရှစ်နာရီလောက်မှာ အောင်စာရင်း သယ်လာမဲ့ကားကို ညနေ ခြောက်နာရီလောက်ထဲက သွားစောင့်နေတာ။ ကားက ညကိုးနာရီကျော်မှ ဝင်လာတယ်။ ပိုက်ဆံငါးကျပ်ပေးတော့ အောင်စာရင်းတစ်စောင် ရတယ်။ မစောင့်နိုင်လို့ လမ်းမီးတိုင် အောက်မှာပဲ အောင်စာရင်းစာရွက်ကို ဖွင့်ဖတ်ပြီး ကိုယ့်နာမည်တွေ့မှ သက်ပြင်းချနိုင်ရဲ့။

အိမ်ကို အပြေးပြန်ပြီး အောင်တယ်ဗျ။ ဝမ်းဒီ လို့ ပြောလိုက်တော့ ပျော်သွားတဲ့ အဖေနဲ့ အမေရဲ့ မျက်နှာကို ခုထိ မြင်ယောင်ဆဲ။ ဆယ်တန်းအောင်ဖို့ အရမ်းခက်တဲ့ အချိန်မို့ ကျောင်းနဲ့ကျူရှင် နပမ်းလုံးခဲ့ရကျိုး နပ်ပြီပေါ့။ တစ်ပြည်လုံးအောင်ချက် လေးရာနှုန်းပဲရှိခဲ့တယ်။ တောင်ငူ အထက(၁) အနေနဲ့ ဆယ်ရာနှုန်းနီးပါးပဲအောင်ခဲ့တယ်။ ဆယ်ယောက်မှာ ကိုးယောက်ကျတဲ့ စာမေးပွဲ။ ဝမ်းဒီကတော့ ကျောင်းသားအများစု ထွက်ခဲ့တယ်။ သချာင်္လွယ်တဲ့နှစ်။ လွန်ခဲ့တဲ့ သုံးဆယ့်လေးနှစ်က ပေါ့။ အတိအကျဆိုရင် ၁၉၈၁။

အဲဒီခေတ်က ငွေငါးကျပ်က မနည်းလှ။ ဈေးတစ်ခါ သွားလို့ရတယ်။ အဲဒီငွေကို သူ့သားတော်မောင် အောင်စာရင်းစောသိချင်လို့ ဝယ်မယ်ပြောတဲ့အခါ မနက်ဖြန်မှ သွားကြည့်ပါလားသားရယ်။ ငွေငါးကျပ်ဆိုတာ နည်းတာမဟုတ်ဘူး လို့ မပြောပဲ ငွေထုတ်ပေးခဲ့တဲ့ အမေ့စေတနာကို ကိုယ်တိုင် မိဘဖြစ်မှ ပိုပြီး နားလည်မိတယ်။ သားနဲ့ထပ်တူ အောင်စာရင်းကို ကြိုသိချင်နေတဲ့ အမေနဲ့ အဖေရဲ့ မေတ္တာတွေပေါ့။ အောင်စာရင်းကို ကြိုသိခဲ့တာ မတရားဘူး တရားတယ်ဆိုတာ အဲဒီအချိန်က မစဉ်းစားမိခဲ့။

အခုလည်း သူငယ်ချင်းတွေက အဖေအမေနေရာရောက်ပြီမို့ မနက်မိုးမလင်းခင်ထဲက အောင်စာရင်းကြည့်ဖို့ ကျောင်းရှေ့ရောက်နေတဲ့ပုံတွေ တွေ့ရတော့ မိဘမေတ္တာကို ပိုပြီးနားလည် ခံစားမိတယ်။

ကံမကောင်းလို့ မအောင်တဲ့ ကလေးတွေလည်း နောက်နှစ်မှာ အောင်ကြပါစေလို့ ဆုတောင်းပေးပါတယ်။ နောက်နှစ်ဆိုရင်တော့ ဆယ်တန်းအမှတ်နဲ့ လိုင်းမခွဲတော့ဘူးလို့ကြားတယ်။ ဟုတ်မဟုတ်ကတော့ စောင့်ကြည့်ပေတော့။

ဆယ်တန်းစာမေးပွဲမှာ ဒီတွေ ခြောက်လုံးတို့ ငါးလုံးတို့ ရတယ်လို့ ပြောတော့ ဒီက ကလေးတွေက ရယ်ကြတယ်။ ဒီမှာက ဒီခြောက်လုံးဆိုတာ ခြောက်ဘာသာ ကျတာပဲ။ အနည်းဆုံး စီ ရမှ အောင်တယ်။ အေဘီစီဒီနဲ့ ဂရိတ်ပေးတဲ့စနစ်နဲ့ အသားကြနေတဲ့ ကလေးတွေက ဗမာပြည်က ဒီကို နားမလည်ကြ။ ဒီမှာတော့ All A. GPA 4.0 လောက်ရမှ တော်တယ် ထင်ကြလေရဲ့။ ဗမာပြည်မှာလည်း ၁၂ တန်းအထိ တိုးပြီးရင် နိုင်ငံတကာနဲ့ ရင်ဘောင်တန်းနိုင်အောင် Grade system သုံးမယ်လို့ သိရတယ်။ ခဏခဏ ပြောင်းတဲ့ ပညာရေးမူဘောင်တွေရဲ့ အလယ်မှာ ကလေးတွေ ကြားမညှပ်ပါစေနဲ့လို့ ထပ်ပြီး ဆုတောင်းပေးလိုက်ပါတယ်။

သူငယ်ချင်းမိတ်ဆွေများရဲ့ သားသမီးငယ်တွေ နိုင်ငံအတွက် အဖိုးတန်တဲ့ သားကောင်းရတနာ သမီးကောင်းရတနာတွေ ဖြစ်နိုင်ကြပါစေ။

ချစ်ခြင်းအားဖြင့်

မောင်လူပေ