လကားဝါဆို ရောက်ပြန်ကို။
ဝါဆိုတောင် ရောက်ပြန်ပေါ့။ နယုန်က ထွက်သွားခဲ့ပြီ။ ဝါဆိုနဲ့ နေခဲ့ရပြန်တော့ ဝါဆိုအကြောင်း တွေးမိပြန်တယ်။
ရှေးကတော့ ဒီလကို မ္လယ်တာလို့ ခေါ်ပါတယ်။ မြေကို ရှေးက မ္လယ်လို့ ရေးကြတယ်။ တာကတော့ တိုင်းတာတယ်ပေါ့။ မိုးကြပြီဆိုတော့ လယ်ယာဦးကြီးတွေ လယ်ထဲမှာ ကဇင်းတင် တမံတုတ်ဖို့ မြေတိုင်း အကွက်ဖေါ် တဲ့လပါတဲ့။ အဲဒီ မြေကွက်တွေပေါ်မှာ ကောက်စိုက်ကြရတယ်။
ဝါဆိုကတော့ ရဟန်းတွေ ကျောင်းသင်္ခန်းမှာ ဝါဆိုကြတဲ့လမို့ နောက်ပိုင်းမှာ အခေါ်ပြောင်းသွားတာပါ။ ဘုရားရှင်အား လယ်သမားတွေက သူတို့ပျိုးထားတဲ့ ပျိုးပင်လေးတွေကို ရဟန်းတချို့က နမော်နမဲ့နဲ့ နင်းမိတဲ့အကြောင်း လာလျှောက်ကြလို့ ရဟန်းတွေကို ဝါတွင်းသုံးလမှာ အကြောင်းမရှိပဲ ခရီးမထွက်ဖို့ တားမြစ်ခဲ့တယ်လို့ မှတ်သားဖူးတယ်။
ဝါဆိုရောက်ရင် ဝါဆိုသင်္ကန်း ကပ်ကြတယ်။ ဝါဆိုပန်းခူးထွက်ကြတယ်။ ဝါဆိုလမှာ တောပန်းတောင်ပန်းတွေ ဝေနေအောင် ပွင့်ကြပြီလေ။ ဒီတော့ ဘုရားတင်ဖို့ ပန်းခူးထွက်ကြတယ်။
ဝါဆိုမှာ ထူးခြားမှုတွေရှိတယ်။ လေးနှစ်တကြိမ် ဝါထပ်ခြင်းပါပဲ။ မြန်မာလတွေက လကို အခြေခံတာမို့ တနှစ်ကုန်ပြီဆိုရင် နေကိုအခြေခံတဲ့ အင်္ဂလိပ်နှစ်ထက် တပတ်လောက် နည်းပါတယ်။ လေးနှစ်လောက်ဆို လေးပတ်လောက် ကွာသွားတယ်။ ဒါကြောင့် လေးနှစ်တခါ ဝါထပ်ပြီး နှစ်ဝါဆို လုပ်ရတယ်လို့ သိရတယ်။ ဒီနှစ်မှာလည်း ဝါထပ်ပြန်တာမို့ ပထမ ဝါဆိုလပါတဲ့။
နောက်ထူးခြားမှုတခုကတော့ ဝါဝင်ရင် မင်္ဂလာမဆောင်ကောင်းဘူး ဆိုတဲ့ မြန်မာအယူတခု ရယ်ပါ။
ရှေး မြန်မာကြီးတွေက လယ်ယာလုပ်တဲ့သူ များပါတယ်။ လယ်သမားအတွက် မိုးရာသီဟာ အလွန် အလုပ်ရှုပ်တဲ့ ရာသီ။ အိမ်ရှိသမျှလူတွေ မအားရတဲ့လပေါ့။ မိုးတွင်းဆိုတော့ လမ်းပန်းဆက်သွယ်ရေးကလည်း ခက်သေးတယ်။ ဒါတွေကြောင့် ဝါတွင်းကာလ ( မိုးရာသီ ) မှာ အလှူမင်္ဂလာတွေ လုပ်လေ့မရှိဘူး။ မိုးလေကင်းစင်ပြီး ခြေခင်းလက်ခင်းသာတဲ့ အချိန်၊ သီးနှံပေါ်လို့ ငွေရွှင်တဲ့အချိန် ဝါထွက် ( မိုးကုန် ) မှပဲ အလှူမင်္ဂလာပွဲတွေ လုပ်လေ့ရှိတယ်။
နောက်တချက်ကတော့ ရဟန်းတွေကလည်း ဝါဆိုချိန်မို့ ခရီးမထွက်ကြဘူး။ အလှူမင်္ဂလာအတွက် ရပ်ဝေးက ရဟန်းတွေကို ဖိတ်လို့ မရ။ ဒီလို အကြောင်းတွေကြောင့် ဝါဆိုကနေ ဝါတွင်းသုံးလကို မင်္ဂလာအမှုတွေ ရှောင်ခဲ့ကြတာ။
ဒါကြောင့် အမြန်နီးချင်တဲ့ ချစ်သူတွေက ဝါဆိုကို မုန်းကြပါသတဲ့။ သူ့ကြောင့် တရေးနှောင့်ပြီး သုံးလစောင့်ရမှာမို့ ပါ။ဝါတွင်းကြီး လက်ထပ်ရင် ကွဲတတ်တယ်လို့လည်း ယုံကြသေးတယ်။ အရှေ့အလယ်ပိုင်း ပြသနာတက်ပြီး မရှူနိုင် မကယ်နိုင် ဖြစ်ကြရတဲ့ စုံတွဲတွေအတွက်ကတော့ ဝါတွင်းတွေ ဘာတွေ မတွေးနိုင်ပဲ ဗိုက်ပြသနာကို ရှင်းကြရရှာတယ်။
ဝါဆိုရောက်ရင် အနောက်တောင်ဆီက မုတ်သုန်မိုးက အညိုးနဲ့ ရွာတတ်တာမို့ မိုးရေတွေ ဖွေးနေတဲ့ လယ်ကွင်းကျယ်တွေက ရေပြင်ကြီး ဖြစ်လို့ သိပ်ပြီး ကြည့်ကောင်းတာပဲ။ ရေကန်တွေလည်း ရေပြည့်ပြီ။ ကြာပန်းတွေလည်း ပွင့်ပြီ။
မောင်ကြီးက ရွှေနီရွှေပြာ နွားကြန်စုံတရှင်းနဲ့ ထွန်းရေးနယ်ထားတဲ့ လယ်ကွက်မှာ နှမငယ်က ကောက်စိုက်ပြီ။ ပျို့မောင်ကြီး လူညိုချောကို အိမ်သူသက်ထားက ထမင်းတောင်းခေါင်းရွက်လို့ လိုက်ပို့ပြီ။ တနှစ်စာဝမ်းရေးအတွက် လုံးပမ်းကြပြီ။
ဝါဆိုလရဲ့ ပန်းကတော့ မြတ်လေးပန်းပါတဲ့။ မြတ်လေးပန်းက ရုံကြီးအုံကြီးနဲ့ ရှိတော့ ပန်းတွေပွင့်ရင် အနီရောင်ပန်းတွေက အရမ်းလှတာပါပဲ။ တောင်ခြေမှာ မိုးတွေအုံ့ဆိုင်းနေရင်တော့
ဝါဆိုလမှာ ချစ်သူခင်သူ မိတ်ဆွေသူငယ်ချင်း ရောင်းရင်းအပေါင်း စိတ်၏ချမ်းသာခြင်း ကိုယ်၏ကျန်းမာခြင်း တို့နဲ့ ပြည့်ဝကြပါစေ။
ကျွန်တော် မောင်လူပေ ပါ။
ချစ်ခြင်းအားဖြင့်
မောင်လူပေ
No comments:
Post a Comment