နောက်ကျဆောင်း.. သို့
အလည်လွန်နေတဲ့ဆောင်း
နောက်ကျစွာနဲ့ပဲ
အနောက်အရပ်ဆီ
ရောက်ရှိခဲ့ပြီ။
အေးချမ်းမှုဝတ်ရုံ
လွှမ်းခြုံပေးတဲ့
ဟေမာန်ရေ...
တစ်နှစ်တစ်ခေါက်တော့
ဆက်ဆက်လာပါကွယ်။
နောက်ကျတတ်သူခြင်း
အတင်းစကားမဆို
ငါလည်းမင်းလို
နောက်ကျတတ်သူပါ။
အရောက်နောက်ကျ
အတွေ့နောက်ကျ
အရနောက်ကျ
ဆယ်စုနှစ်တွေ
အများကြီးနောက်ကျ။
မင်းနဲ့ဆုံတွေ့ရတဲ့ခဏ
အားလုံးကိုမေ့ပစ်ရင်း
အေးချမ်းတဲ့ရင်ခွင်မှာ
ခိုလှုံခွင့်ပေးပါကွယ်။
မောင်ရေခဲ
No comments:
Post a Comment