ကျွန်တော်အလွန်ညံ့ပါတယ်။
နားမလည်တာလေးမေးပါရစေ။
မိတ်ဆွေ သယ်ချင်းများသိရင် ဖြေပေးကြပါ။
အမြန်လမ်းကို သမ္မတကြီး ပထမဆုံးအကြိမ်စစ်ဆေး တယ်တဲ့။
အဲ့လမ်းကြီးက သုံးကြတော့ဆိုပြီး ဖွင့်တာကြာလှပြီပဲ။
လမ်းအပြစ်၊ လူအပြစ်နဲ့ လက်ညိုးထိုးပွဲလုပ်နေကြတာ။
သေတဲ့သူတွေသေပြီးပြီ။ ဘဝပျက်သူတွေလည်းပျက်ပြီးပြီ။
ဘာလို့ သမ္မတကြီးက ခုမှ အလန့်ထညက် ထပြီး စစ်ဆေးတာလဲ။
သမ္မတကြီးက လမ်းဖေါက်တဲ့ အင်ဂျင်နီယာအတတ်တွေ နားလည်လို့လား။
သူသွားပြီးဘာတွေ စစ်ဆေးမှာလဲ။
ကျွမ်းကျင်တဲ့ ပညာရှင်တွေ ငှားရမ်းပြီး စစ်ဆေး အဖြေရှာရမှာ မဟုတ်ဘူးလား။
ဆရာဝန်က ဆေးကုတဲ့ ဆေးရုံတွေ စစ်ဆေး။
အင်ဂျင်နီယာက စက်ရုံ၊လမ်း တံတား၊ဆယ်မြောင်း တာတမံစစ်ဆေး။
စစ်ဗိုလ်တွေက တပ်တွေစစ်ဆေး။
နိုင်ငံရေးသမားက နိုင်ငံရေးတွေ စစ်ဆေး။
ဥပဒေပညာရှင်က ဥပဒေတွေ တရားရေးတွေ စစ်ဆေး။
သူကျွမ်းကျင်ရာ သူ့နယ်ပယ်မှာ စစ်ဆေးမှ အဓိပ္ပါယ် ရှိပြီး ထိရောက်မှုရှိမှာပေါ့။
အရင်ခေတ်တွေလိုပဲ အကြီးအကဲတွေက နေရာတကာ သွားရောက်စစ်ဆေးပြီး လိုအပ်သည်များ မှာစားတဲ့ ခေတ်က မကုန်သေးဘူးလား။
ဒီလို လိုအပ်သည်များမှာစားရင်းနဲ့ပဲ တိုင်းပြည်ကြီးလဲ မွဲလှပါပြီ။
လူမှန်နေရာမှန် မဖြစ်သေးပဲ ကိုတတ်ပတွေ ဆရာလုပ်သင့်တဲ့ အချိန်မဟုတ်တော့ပါ။
ဒီလမ်းကြီးသွားစစ်ဆေးတဲ့ အကြောင်း တကယ်ကို နားမလည်နိုင်လို့ပါ။ သိရင်ပြောပြကြပါဦးဗျာ။
No comments:
Post a Comment