တရုတ်နှစ်ကူး အမှတ်တရ

ငယ်တုန်းကတော့ တရုတ်နှစ်ကူးဆို လွှတ်ပျော်ပဲ။

အံပေါင်းပိုက်ဆံရတယ်။ အင်္ကျီ လုံချည် အသစ်ရတယ်။ ထမင်းဟင်းတွေ အလျှံပယ်စားရတယ်။ အညာသူအမေက ခေါက်ဆွဲကျော်ပြီး ရပ်ကွက်ထဲက အသိအိမ်တွေ လိုက်ဝေခိုင်းတယ်။

အဖေက တရုတ်သွေးပေမဲ့ ဗုဒ္ဓဘာသာ သက်ဝင်သူမို့ အိမ်မှာ တရုတ်လို ကန်တော့တာ မလုပ်ဖူး။ ဘုန်းကြီးကျောင်းကို ဆွမ်းစားချိန်အမှီ ဟင်းတွေသွားကပ်ရတယ်။ တရုတ်နှစ်ကူးကို ဗမာနည်းနဲ့ ကူးတယ်ပေါ့။

နှစ်သစ်ကူးနေ့မှာ တရုတ်ဘုရားကျောင်းသွားတယ်။ တည်ထားခဲ့တာ နှစ်ပေါင်းရာကျော်နေပြီဖြစ်တဲ့ ဘုရားကျောင်းကြီးက သစ်တွေကို သံမပါပဲ ထုတ်တန်းတွေဆွဲထားတာ လှမှလှ။ အထဲမှာတော့ ဘာမှန်းမသိတဲ့ အရုပ်တွေအပြည့်။

ကွမ်ယင်မယ်တော်နဲ့ ဗုဒ္ဓကျောက်ဆင်းတု ကိုယ်တော်တို့ တမိုးအောက်မှာ သတင်းသုံး စံပ္ပါယ်တော်မူကြတယ်။ အခြားတရုတ်နတ်ဘုရားတွေလည်း ဝိုင်းရံလို့ပါ။

တရုတ်နတ်ဘုရားတွေထဲမှာ မိုးပေါ်နတ်လို့ခေါ်တဲ့ သကြားမင်းနဲ့ ထော့ထီကုန်းလို့ ခေါ်တဲ့ မြေနတ်မင်းတို့ကို အရိုအသေ ပေးရသေးတယ်။ ပြီးရင် ကွမ်ယင်မယ်တော်မှာပူဇော်ရင်း စာချဗေဒင်မေး။ ဗုဒ္ဓကျောက်ဆင်းတုကိုယ်တော်ကို ပန်းကပ်။ အပြင်က ရွှေစက္ကူမီးရှို့တဲ့နေရာမှာ မီးနည်းနည်းသွားရှို့ ။ သူများလုပ်တာ လိုက်လုပ်တာပါပဲ။

ဘုရားကျောင်းထဲမှာ အမွှေးတိုင်ရဲ့ မီးခိုးငွေ့တွေ မွှန်ထူနေတာမို့ ကြာကြာတောင် မနေနိုင်ပဲ အပြင်ပြန်ထွက်ရတယ်။ လူတွေ ကြိတ်ကြိတ်တိုးနေလို့ ပူလောင်အိုက်စပ် နေတာလည်းပါတာပေါ့။

သူများတွေကတော့ နှစ်သစ်ကူးတဲ့ညသန်းကောင်မှာ မိုးပေါ်ဘုရား သကြားမင်းကို ကန်တော့တယ်ဆိုပြီး ဘုရားကျောင်းသွားကြတယ်။ အအိပ်မက်တဲ့ မောင်လူပေကတော့ သန်းကောင်ကန်တော့ပွဲကို တခါမှ မနွှဲဖူးခဲ့။

တရုတ်နတ်ဘုရားရုပ်တွေက အများကြီးပါ။ ကျားကြီးကို ခြေနဲ့နင်းထားတာလည်းပါတယ်။ ဘာမှန်းမသိတဲ့ လက်နက်ကြီးတွေ ကိုင်ထားတာလည်းပါတယ်။ မောင်လူပေက ခပ်ညံ့ညံ့မို့ ဘာမှမသိ။ သူငယ်ချင်းတွေ မေးတော့လည်း မသိကြ။ တရုတ်လူကြီးတွေကြတော့လည်း မမေးရဲနဲ့ ခုထိ မသိခြင်းများစွာနဲ့ ပလတ်ကျွတ်နေတုန်း။

တရုတ်ရဲ့ ယဉ်ကျေးမှုသမိုင်းက နှစ်ငါးထောင်ကျော်မို့ အရမ်းကို ကျယ်ဝန်းလှပါတယ်။ ကိုးကွယ်ယုံကြည်မှု အယူအဆကလည်း နေရာနဲ့လိုက်ပြီးကွဲပြားပါသေးတယ်။ ဗဟုသုတ အားနည်းတဲ့ ကိုယ့်ကိုကိုယ်သာ မချင့်မရဲ ဖြစ်ရတာပါပဲ။ တရုတ်စာနဲ့ စကားပြောကို မသင်ခဲ့ရတာကလည်း တပမ်းရှုံးတာပေါ့။ ခုဆို သူများတွေက တရုတ်ထင်ပြီး တရုတ်လို လာလာပြောတိုင်း မတတ်ပါကြောင်း အပြုံးလေးနဲ့ ငြင်းဆိုရတာ အသားတောင် ကြနေပါပြီ။ သူတို့ကတော့ နီစပ်စပ်နဲ့ တရုတ်ပုံစံထွက်နေတဲ့ သူက တရုတ်စကာနဲ့ ဝေါ်ပွတ်ရောက် ကျန်ခိုးရီ ( ငါတရုတ်စကား မတတ်ပါ။) လို့ ငြင်းဆိုတာကို တအံ့တအော ကြည့်ကြလို့ ဒီလို အကြည့်ခံရတာလည်း ရိုးနေပြီ။ တကယ်က အဲဒီ တကြောင်းထဲ အလွတ်ကျက်ထားလို့ ပြောတတ်တာလေ။

ခုတော့ အဝေးရောက်နေလို့ တရုတ်နှစ်သစ်ကူးနေ့မှာ ဘုရားကျောင်းလည်း မရောက်ဖြစ်တော့ပါ။ ဒီအနီးအနားမှာ ဗီယက်နန်တရုတ် ဘုရားကျောင်းတွေရှိပေမဲ့ နှစ်ကူးနေ့မှာ မရောက်ဖြစ်ခဲ့။ ငယ်စဉ်တုန်းကလို တရုတ်ဘုရားကျောင်း သွားချင်စိတ်လည်း မရှိတော့။ ထေရဝါဒ ဗုဒ္ဓဘာသာဝင် စင်စစ် ဖြစ်သွားလို့လား၊ အသက်ကြောင့်လားတော့ မပြောတတ်။

ဘာပြောပြော တရုတ်နှစ်ကူးတိုင်းတော့ ပျော်ခဲ့ရတာပါပဲ။ ကားပိုင်တဲ့ သူငယ်ချင်းတွေနဲ့ ကပ်လိုက်ရင်း ၁၃မိုင်က ပသိချောင်းမှာ ရေဆော့ကြ၊ ကရင်ခေါင်ရည်လေး မော့ကြနဲ့ ပျော်စရာတွေ ထပ်တိုးရသေးရဲ့။ ငယ်သူမို့ တရုတ်မအပျိုချောလေးတွေ တွေ့ရင် ငမ်းကြတာတွေတော့ ထည့်မရေးတော့ပါဘူး။

ဒီအပျိုချောတွေလည်း အချိန်ဆိုတဲ့ ဒီရေနဲ့ မျောပါရင်း ရွှေရတုမမကြီးတွေ ဖြစ်ကုန်ကြပြီ။ ကိုယ်တွေလိုပဲ အိုပယ်ဖြစ်ဖို့ သိပ်မလိုကြတော့။

ဘယ်သူတွေ ဘယ်လိုအိုအို အချိန်တန်ရင်တော့ နှစ်သစ်ကူးနေ့ရောက်လာမြဲပါ။ အဲဒီအချိန်မှာတော့ မျိုးဆက်သစ်လေးတွေက ဆက်လက်ပျော်ရွှင်နေမှာပါ။ မောင်လူပေကတော့ ဘေးကကြည့်ရင်း ပြုံးလို့ပေါ့။

တရုတ်နှစ်သစ်ကူးနေ့မှာ မိတ်ဆွေ သူငယ်ချင်းအပေါင်း ပျော်ရွှင်ချမ်းမြေ့ကြပါစေ။


ချစ်ခြင်းအားဖြင့်

မောင်လူပေ