သပန ရဲ့  အဖြစ်စုံ

သိပ္ပံနဲ့ နည်းပညာ ဝန်ကြီးဌာန (သပန) ရဲ့  ရာထူးတိုးရေးမူတွေ ရာထူး အပြောင်းအရွှေ့ တွေကြောင့် ခံစားနေရတဲ့ သယ်ရင်းတွေရဲ့  ရင်ဖွင့်သံတွေ ဖတ်နေကြားနေရတယ်။

ခုမှ ဘွဲ့ ရတဲ့  ဒေါက်တာ ပေါက်စတွေကို ဆွဲတင်ဖို့  အတွက် RIT ကျောင်းဆင်း လုပ်သက်ရင့်ဆရာတွေကို ချောင်ထဲပို့ ထားတယ်တဲ့။ လုပ်သက်ရင့် စီနီယာတွေကို ခွေထားပြီး ဂျူနီယာတွေကို ဌာနမှူးပေးတယ်တဲ့။ အဝေးကျောင်းတွေကို လွင့်နေရတဲ့ စီနီယာဆရာတွေ YTU ပြန်လာချင်လို့ ဆန္ဒပြုပေမဲ့လည်း ခွင့်မပြုဘူးတဲ့။

အဆိုးဆုံးကတော့ ကျောင်းဆရာတွေရဲ့  ဒေတာတွေ တောင်းပြီးတော့မှ သူတို့ စိတ်ကြိုက် ရာထူးတိုးရေးမူကို ရေးဆွဲ လိုက်တာပါပဲတဲ့။ ဘားဆုံးက ၂၅ နှစ်တဲ့။ B.E နဲ့  M.E ဘွဲ့ ရ ဆရာတွေရဲ့  ဘားဆုံးက ကထိကတဲ့။ B.Sc ကြတော့ ညွှန်မှူးထိတဲ့။ ပြောလိုတဲ့ သဘောကတော့ မင်းတို့  လုပ်ချင်ရင်လုပ် မလုပ်ချင်ရင်ထွက်ပေါ့။ ဒါပါပဲ။

ဒီလို ကိစ္စတွေက ဌာနတိုင်းနည်းပါးမှာ ဖြစ်နေတာ ကြာလှပါပြီ။ စီနီယာတို့  ဘာတို့ ထက် လူကြီးနဲ့  နီးစပ်ဖို့ က ပို အဓိက ကြပေတာကိုး။ အမျိုးတော် နဲ့  အဖားတော် တွေပဲ ရာထူးတက်ပြီး ပင်ကိုယ်တော်တွေ မြောင်းထဲပို့ ထားတာ နှစ်ပေါင်းများစွာ ရှိခဲ့ပြီလေ။

နိုင်ငံသားတိုင်းမှာ ညီမျှသော တန်းတူ အခွင့်အရေးရှိတယ် ဆိုတာ ဘုတ်အုပ်ထဲမှာပဲ ထားခဲ့ရမဲ့ ခေတ်။ ရေလောင်း ပေါင်းသင် ဂါများများဝင်တဲ့ သူတွေ ပန်းပန်တဲ့ခေတ်။ သမာဒေဝ နတ်ကောင်း နတ်မြတ်တွေ အိပ်မောကျနေတဲ့ ခေတ်။ ကောသလမင်း အိပ်မက်ထဲက မြေခွေးကို သားကောင်အပေါင်းက ခစားရတဲ့ ခေတ် ပေကိုး။ မောင်လူပေလည်း ဒီခေတ်ရေစီးထဲမှာ စီးမြောရင်းနဲ့ ပဲ အံမဝင် ဂွင်မကျတော့တာကြောင့် လှိုင်းပုတ်ရိုက်ခတ်ခံရပြီး ရေစီးကနေ ဝေးရာကို လွင့်ခဲ့သူပါ။

ခေတ်ကို လူက ဖန်တည်းတာလို့  ဘုတ်အုပ်တစ်ခုမှာ ဖတ်ဖူးတယ်။ ဒါဆို ဒီခေတ်ကို မောင်လူပေတို့  ဖန်တည်းခဲ့တာလား။ မဟုတ်ရပါဘူး။ ဒီခေတ်ကို လူတစ်စုက သူတို့ အကျိုးအတွက် ဖန်တည်းခဲ့ရာက အမွေရခဲ့တာပါ။

ခေတ်ကို စနစ်တခုက ဦးဆောင်တယ်ဆိုရင် မောင်လူပေတို့ က ဒီစနစ်ဆိုးရဲ့  သားကောင်လေးတွေပေါ့။ ရဟန်းရှင်လူ ပြည်သူတွေ၊ ဝန်ထမ်းတွေ အားလုံး ဒီစနစ်အောက်မှာ ပြားပြားဝတ်ခဲ့ရတာ။ ဘဝရှင် မင်းတရားကြီးတွေ၊ မင်းတရားလေးတွေ ထင်ရာလုပ်သမျှ ၊ လိုအပ်သည်များကို မှာကြားသမျှ ပညာရှင်တွေက ခေါင်းလေးတွေငုံ့  လက်အုပ်လေးတွေချီပြီး နေခဲ့ကြရတာ ကြာပြီပဲ။

ပညာရှင်တွေထဲက အသုံးချလို့ ရမယ်ထင်တဲ့သူကို မြှောက်စား ရာထူးတွေပေးပြီး ဒီလူကို ပညာရေးနယ်ထဲ ပြန်ထဲ့ အသုံးချတဲ့ နည်းကတော့ ထိရောက်မှု အရှိဆုံး။ မခံနိုင်တဲ့  တတ်သိပညာရှင်တွေ ထွက်ကုန်တော့ ပိုကြိုက်။ နောက်ဆုံးတော့ ပညာရေး တစ်ခုလုံးလည်း လက်ရွေးစင်စိတ်ကြိုက်တွေပဲ ကျန်ခဲ့တာပါပဲ။

သပနကို ၁၉၉၆မှာ ပညာရေးအောက်က ဆွဲထုတ်ပြီး တစ်စင်ထောင်ခဲ့တာက ဗမကဦးသောင်း။ RIT ကို သူပုန်ကျောင်းကြီးဆိုပြီး ပိတ်။ သူ့ လူတွေမွေး။ နယ်တွေမှာ TU တွေ ဖွင့်ပြီး B.E တွေ မွေးထုတ်လိုက်တာ ခုတော့ B.E ရုံးအကူ B.E ကားမောင်း အလုပ်ခေါ်စာတွေ တွေ့ နေရတဲ့ ထိ B.E တွေ ဖောင်းပွနေပါပြီ။ ပညာရေးကို အားပေးချက်ကလည်း ကမ်းကုန်။ သင်ထောက်ပစ္စည်းလုံလောက်မှု မရှိပဲ ဖွင့်ထားတဲ့ အနယ်နယ်အရပ်ရပ် ကျောင်းတွေက လူမနီးတဲ့ တောမှာ။ ကျောင်းသားတွေက ကျူရှင်နဲ့  နှစ်ပါးသွား။ ဆရာတွေသင်နေရတာက နှစ်များစွာက သင်ရိုးဟောင်း။ ပေါင်းလိုက်တော့ ဒီအဆင့် ရောက်ပေါ့။

အခု RIT တဖြစ်လည်း YTU ကလည်း ကိုယ့်အားကိုယ်ကိုး အဆင့်နဲ့  ချီတက်နေရတာပါပဲ။ ကျောင်းအခွံ အဆွေးကြီးကို ပြန်ပေးတယ်။ ဒါပဲ။ ကျန်တာတွေက အလှူရှင်တွေ အကူအညီနဲ့  အသက်ဆက်နေရတာပါ။ဘယ်လောက် အခြေအနေဆိုးလည်းဆိုရင် ဖွင့်စက ကျောင်းမှာ ပုံဆွဲခုံတွေတောင် မရှိလို့  နိုင်ငံခြားက RIT ကျောင်းဆင်းတွေကို အရေးပေါ် အကူအညီတောင်းရရှာတယ်။ အရင်ရှိပြီးသား ပုံဆွဲခုံဟောင်းတွေကတော့ ဘယ်ဆီဘယ်ဝယ်မှာ ခိုနားနေပြီမသိတော့။

YTU နဲ့ MTU ကို အဆင့်မြင့် နည်းပညာတက္ကသိုလ် လုပ်မယ်ဆိုတော့ နယ် TU ကလေးတွေက သူတို့ က အဆင့်နိမ့်လားဆိုပြီး မကြေနပ်ကြ။ YTU နဲ့  MTU မှာပဲ B.E ပေးတော့မယ်၊ နယ် TU တွေမှာ B.Tech ပဲ ပေးမယ် ဆိုပြန်တော့ နယ်ကျောင်းသားလေးတွေ ပေါက်ကွဲကြ။ ကျောင်းသားတွေ သွေးကွဲအောင် နည်းလမ်းစုံနဲ့ ဖန်တည်းနေသလားတောင် ထင်ခဲ့ရတယ်။ ခုတော့လည်း B.E ပဲ ပေးမယ်ဖြစ်ပြန်ရော။ ဒါဆိုရင်တော့ YTU က ရတဲ့ B.E ဆိုရင် B.E (Yangon) ။ MTU က ရတဲ့ B.E ဆိုရင် B.E ( Mandalay) လို့  ရေးရမဲ့ ပုံပဲ။ ဒါမှမဟုတ် အဆင့်မြင့် နည်းပညာကျောင်းဆင်းမို့  B.E ( Center of Excellence ) လို့  ရေးရမှာလား မသိ။

ပညာရေးကို ဦးစားမပေးတဲ့ ပညာရှင်တွေကို ဘေးဖယ်ထားတဲ့ ခေတ်မှာ ဝန်ထမ်းဖြစ်နေရတဲ့ သပနက ဆရာဆရာမတွေ ကိုယ်စား မခံနိုင်လွန်းလို့ ဒီစာကို ရေးပါတယ်။ လွန်တာရှိက ဝန္တာမိပါ။ မှားတာရှိလည်း ပြင်ပေးနိုင်ပါကြောင်း။