စာရေးဆရာတဲ့လား

စာရေးဆရာ ဖြစ်ခြင်း မဖြစ်ခြင်းနဲ့ ပတ်သက်ပြီး အမျိုးမျိုးပြောဆိုကြတာ ကြားဖူးတယ်။

ဗမာပြည်မှာ အရင်ကတော့ စာပေနဲ့စာနယ်ဇင်းအဖွဲ့ဝင်ဖြစ်ဖို့ ဝတ္ထု ဘယ်နှစ်အုပ်တို့ ကဗျာပေါင်းချုပ်ဘယ်နှစ်အုပ်တို့ ထုတ်ဝေဘူးဖို့ လိုအပ်တယ်။

ခုလို အွန်လိုင်းခေတ်မှာတော့ ကိုယ်တွေလို မနေနိုင်လို့ စာထထရေးနေတဲ့သူတွေ ဒုနဲ့ဒေးပဲ။ စာအုပ်တော့ တစ်အုပ်မှ မထွက်ခဲ့ဘူးကြ။

စာပေနဲ့စာနယ်ဇင်းအဖွဲ့ဝင် မဖြစ်နိင်ကြတဲ့ စာရေးသူတွေပေါ့။ အွန်လိုင်းမှာ အလကား အားနေလို့ ကီးဘုတ်ရိုက်နေသူတွေပါလို့ တချို့ ကတော့ ကောင်းချီးပေးကြလေရဲ့။

နိုင်ငံတကာမှာတော့ PEN International ဆိုတာရှိတယ်။ PEN ရဲ့ အရှည်ကတော့ Poets, Essayists, Novelists ပေါ့။ ကဗျာ၊ ဆောင်းပါး ( ရသ စာတန်း ) ၊ ဝတ္ထု ရေးသူများ အဖွဲ့ ဆိုပါတော့။

သူတို့အားလုံးကို စာရေးသူများ (ကလောင်ရှင်များ) လို့ သတ်မှတ်ပါတယ်။ ဒစ်ဂျစ်တယ်ရှင်များလည်းပါသပေါ့။

စာတပုဒ်ဟာ စေတနာပါမယ်။ အရေးအသားကောင်းမယ်ဆိုရင် စာဖတ်သူရင်ထဲ ရောက်ကြတာပါပဲ။ Art for Art sake. တို့ Art for People sake. တို့ ငြင်းကြရမဲ့ခေတ်မှ မဟုတ်တော့တာပဲ။

ဆရာတင်မိုးကတော့ မနေနိုင်လို့ စာရေးနေသူအားလုံးဟာ စာရေးဆရာတွေပဲလို့ ပြောဖူးတယ်။ သူပြောတဲ့အထဲမှာ မြန့်မာ့အားကစား အဟွာလွှမ်းစေရမည်တို့ဘာတို့ရေးတဲ့ သူတွေတော့ ပါမယ်မထင်။ သူတို့က မနေနိုင်လို့ရေးတာမဟုတ်။ ဖားဘို့ ရေးကြတာကိုး။

ဘာပဲဖြစ်ဖြစ် အကျိုးမဲ့မဖြစ်မဲ့စာတွေ ရေးနေကြတဲ့ သူအပေါင်းကတော့ စာရေးသူနဲ့ စာဖတ်သူ အကြိုက်တူနေကြရင်း စာတွေ ဆက်ရေးနေမိမှာ အသေအချာပါပဲဗျာ။

ချစ်ခြင်းအားဖြင့်

မောင်လူပေ

 

 

မတူပါဘူး

မတူပါဘူး။

ဟုတ်ကဲ့။ သမ္မတကြီးနဲ့ အရင်စစ်အစိုးရ မတူပါဘူးတဲ့ခင်ဗျ။

ဦးဝင်းတင်၊ မင်းကိုနိုင်၊ ဇာဂနာ အစရှိတဲ့ နိုင်ငံရေးလှုပ်ရှားသူတွေကို မတရား ဖမ်းဆီးထောင်ချခဲ့တာ အရင်အစိုးရပါ။ မတူပါဘူး ခင်ဗျ။

ဒေါ်အောင်ဆန်းစုကြည်ကို နှစ်ရှည်လများ နေအိမ်အကျယ်ချုပ် ထားခဲ့တာလည်း အရင်အစိုးရပါ။ မတူပါဘူး ခင်ဗျ။

နိုင်ငံရေး လှုပ်ရှားမှုမျိုးစုံကို မလုပ်နိုင်အောင် စာပေကင်ပေတိုင်ရုံးကြီးထား။ ဒီမိုကရေစီဆိုတဲ့ စာသားတောင်ခွင့်မပြုပဲ ဆင်ဆာဖြတ်ခဲ့တာ အရင်အစိုးရပါ။ မတူပါဘူးခင်ဗျ။

ဗိုလ်ချုပ်အောင်ဆန်းဓါတ်ပုံ တွေ့ရင်တောင် နိုင်ငံရေးသမားဆိုပြီး ပုဒ်မအစုံတတ် ဖမ်းဆီးထောင်ချ။ ငွေစက္ကူထဲက ဗိုလ်ချုပ်အောင်ဆန်းပုံတွေ ဖြုတ်ပြီး ခြင်္သေ့တွေ ဆင်တွေနဲ့အစားထိုး။ တနိုင်ငံလုံးက ဗိုလ်ချုပ်အောင်ဆန်းပုံတွေဖြုတ်၊ ပန်းခြံတောင် သော့ခပ်ခဲ့တာလည်း အရင်အစိုးရပါ။ မတူပါဘူး ခင်ဗျ။

မိုဘိုင်ဖုန်းတွေကို သိန်းသုံးဆယ်လောက် ပေါက်ဈေး ဖြစ်အောင် လုပ်ခဲ့တာလည်း အရင်အစိုးရပါ မတူပါဘူး ခင်ဗျ။

မော်တော်ကာစုတ်တွေကို သိန်းထောင်ချီ ဖြစ်အောင် လုပ်ခဲ့တာလည်း အရင်အစိုးရပါ။ မတူပါဘူး ခင်ဗျ။

ရွှေဝါရောင်တော်လှန်ရေးမှာ ငွေကြာယံ၊ မဂ္ဂင်စတဲ့ ဘုန်းကြီးကျောင်းတွေ ဝင်စီး၊ သံဃာတွေကို ရိုက်ခဲ့တာလည်း အရင်အစိုးရပါ။ မတူပါဘူးခင်ဗျ။

မြစ်ဆုံစီမံကိန်းကို အကောင်အထည်ဖေါ်ဖို့ လက်မှတ်ထိုးခဲ့တာလည်း အရင်အစိုးရပါ။ မတူပါဘူး ခင်ဗျ။

ဘင်ဂါလီ ၆ သိန်းကျော်ကို တရားဝင်ဖြစ်ပြီး မဲပေးနိုင်အောင် လုပ်ပေးခဲ့တာလည်း အရင်အစိုးရပါ။ မတူပါဘူးခင်ဗျ။

ရှိသမျှ သယံဇာတတွေကို အောက်ဈေးနဲ့ထိုးရောင်း၊ သစ်တွေခိုးထုတ်နဲ့ ထင်တိုင်းလုပ်ခဲ့တာလည်း အရင်အစိုးရပါ မတူပါဘူး ခင်ဗျ။

ပြည်သူတွေ ဆင်းရဲတွင်းထဲမှာ နစ်နေအောင် ငွေဖေါင်းပွမှုတွေ မျိုးစုံဖြစ်အောင် လုပ်ဆောင်ခဲ့တာလည်း အရင်အစိုးရပါ။ မတူပါဘူးခင်ဗျ။

တိုင်းရင်းသားတွေကို အကြောင်းအမျိုးမျိုးပြ ဖိနှိုပ်ထားခဲ့ပြီး ဖက်ဒရယ်ဆိုတာ ခွဲထွက်ရေးဆိုကာ ဝါဒဖြန်.၊ ပြည်တွင်းစစ် သက်ဆိုးရှည်အောင် လုပ်ယူရင်း တိုင်းပြည်ဘဏ္ဍာငွေတွေရဲ့ ရှစ်ဆယ်ရာနှုန်းကျော်ကို စစ်အသုံးစရိတ် သုံးခဲ့လို့ ပညာရေး ကျန်းမာရေး လူမှုရေးတွေ ဂဏ္ဍအသီးသီးက နိမ့်ပါးပြီး အရှေ့တောင်အာရှရဲ့ အဆင်းရဲဆုံးနိုင်ငံဘဝရောက်ခဲ့အောင် ပြုလုပ်ခဲ့တာလည်း အရင်အစိုးရပါ။ မတူပါဘူးခင်ဗျ။

ဟုတ်ကဲ့။ မတူအောင်ကို ဘောင်းဘီချွတ်၊ ချိတ်လုံချည်ဝတ်ပြီး ခေါင်းပေါင်းပေါင်းပြခဲ့တာ ငါးနှစ်တောင် ရှိခဲ့ပြီပဲ။ မိတ်ဆွေ တီဗွီမကြည့်ဘူးနဲ့တူရဲ့။

ချစ်ခြင်းအားဖြင့်

ဖာရေးထေးခွင့်၊ ဖုံးရေးကွယ်ခွင့် (မရှိ) သူ

မောင်လူပေ

 

အိုင်ပက်ပွတ်နေတယ်

စာဖတ်နေသလိုလိုနဲ့ တွင်းအောင်း အနာကုပ်ရင်း အိုင်ပက်ပွတ်နေသူကြီး မဟုတ်ဘူးနော်။

ဂေါ်ရခါးတပ်ဝိုင်းရံထားရင်း ဟုတ်ပေါင်ယောင်လို့ ဂေါ်ရခါးသီးတွေ ဝိုင်ရံထားရင်း အိုင်ပက်နဲ့ ဒီမိုကရေစီအရေးလုပ်နေတာ ဒါဗျဲ။

သွားလေသူတပ်ချုပ်ကြီးရဲ့ မြေးတော်လေးက အငြိမ်းစားတပ်ချုပ်ကြီးကို ပြောလိုက်တာများ ပက်ပက်စက်စက်။ အင်းလေ။ ဟိုကလည်း သူတို့ကို ရက်စက်ခဲ့တာကိုး။

အတွင်းစကားတွေအရသိရတာက စားခွက်လုကြတာပါပဲ။

အဲဒီခေတ်က ၁၅သိန်းတန် မိုဘိုင်းဖုန်းကိစ္စမှာ မြေးတော်တွေဂွင်ကို ဝင်ဖျက်ရာက အာဏာသိမ်းဖို့ကြံစည်တဲ့ထိ ဖြစ်ကြသတဲ့။

စကော်ပီယံဂိုဏ်းထောင်ထားတဲ့မြေးတော်တွေက သူတို့ပိုင်တဲ့ တိုင်းမှုးတွေကိုခေါ်ပြီးတိုင်ပင်ကြတယ်။ တပ်မတော်နေ့ချီတက်ပွဲလာမဲ့ ပဲခူးတပ်မ၇၇ ရဲ့တပ်မမှူး က သူတို့လူယုံ။ တပ်ချုပ်ဟောင်းဗခကကျော်ထင်ရဲ့ ပီအေဘဝမှာ သူတို့နဲ့ ရင်းနှီးခဲ့သူ။ သူ့အားကိုးနဲ့ အာဏာသိမ်းမယ်ပေါ့။

ဒါပေမဲ့ ထင်သလိုမဖြစ်တာက အဲဒီလူ လူရိုးလူဖြောင့်ကိုယ်တိုင် ဖေါ်လိုက်တဲ့အတွက် အကုန်ပေါ်။ တြိဂံတိုင်းမှုး၊ ကမ်းရိုးတန်းတိုင်းမှူးတွေပြုတ်။ သူတို့လည်း ထောင်နန်းစံ။ သူတို့အားကိုးတဲ့ ထောက်ချုပ်ကြီးကလည်း မကယ်နိုင်ခဲ့။ အဲဒီ ဖေါ်ကောင်လုပ်ခဲ့တဲ့ တပ်မမှူးလည်း တပ်ချုပ်ကြီးရဲ့ မြှောက်စားမှုမရပါဘူး။ စွမ်းအင်ဒုဝန်ကြီးဘဝနဲ့ချောင်ထိုးထားတာအကြာကြီး။ နောက်မှ ဝန်ကြီးရရှာတာ။ စွမ်းအင်ကနေ ရထားပြောင်း။ ခုတော့ ဝန်ကြီးကနေ အသွင်ပြောင်းပြီး ကြံ့ခိုင်ရေးဥက္ကဌအပြောင်းအလဲအပြီးမှာ ပါတီဗဟိုကော်မတီဝင် ဖြစ်နေလေရဲ့။

သေဒါဏ်ကနေ တသက်တကျွန်း။ နောက်မှ လွတ်ငြိမ်းခွင့်နဲ့ လွတ်လာတဲ့ မြေးတော်လေးတွေကတော့ ဖေါ်ကောင်ဆရာကို အမှုန့်ကြိပ်ပစ်ချင်နေလိမ့်မယ်။ တပ်ချုပ်ကြီးကိုတော့ အဲဒီထက်ပိုမယ်။

( ဧဝံ ဤသို့ မေ ကျနုပ်သည် သုတံ ကြားခဲ့ဘူးပါကြောင်း။ )

 

တရုတ် အမေရိကန် တွေ့ ကြမယ်

ကမ္ဘာ့အချမ်းသာဆုံး နိုင်ငံကြီးနှစ်ခုရဲ့ သမ္မတတွေ မကြာမီ တွေ့ကြတော့မယ်။

ဝါရှင်တန်ခရီးစဉ်ဟာ တရုတ်သမ္မတစီအတွက် အရေးပါတယ်။ သူသမ္မတဖြစ်ထဲက အမေရိကန်ကို ပထမဆုံးလည်ပတ်တာ ဖြစ်သလို တရုတ်နိုင်ငံရဲ့ စီးပွားရေး နှေးကွေးကျဆင်းနေတဲ့အချိန်လည်း ဖြစ်နေတယ်။

တရုတ်နဲ့အမေရိကန်ဆက်ဆံရေးမှာ အဖုအထစ်တွေအများကြီးပါ။ တောင်တရုတ်ပင်လယ်စိုးမိုးမှုကိစ္စ၊ အွန်လိုင်းပေါ်က အမေရိကန်ရဲ့အချက်အလက်တွေ ခိုးယူဖေါက်ထွင်းခံရမှုကိစ္စ၊ လူ့အခွင့်အရေးကိစ္စ စတဲ့အချက်တွေ အများကြီးကို သမ္မတနှစ်ဦး တွေ့တဲ့အခါ ဆွေးနွေးကြပါလိမ့်မယ်။

အမေရိကန်သမ္မတကလည်း အိမ်ဖြူတော်မှာ သောကြာနေ့တရားဝင် တွေ့ကြတဲ့အခါ သေနပ်ဖေါက်ကြိုဆိုပြီး ညစာစားပွဲနဲ့ တည်ခင်းပါ့မယ်။ အမေရိကန်သမ္မတနဲ့ တရုတ်သမ္မတတွေ့ဆုံပြီးရင် နောက်ကပါလာတဲ့ အဖွဲ့တွေ ဆွေးနွေးကြမယ်။ အဓိကကတော့ စီးပွားရေးကိစ္စပေါ့။

တရုတ်နိုင်ငံကြီးက စီးပွားရေးဒုတိယအင်အားကြီးနိုင်ငံ ဖြစ်လာပြီးနောက်ပိုင်း နိုင်ငံခြားအရန်ငွေတွေ အရမ်းပိုလျှံလာတယ်။ သတင်းတပုဒ်အဆိုအရ ဒေါ်လာ ၂၃ ထြီလီယံကျော် ရှိပါသတဲ့။ အမေရိကန်နဲ့ ကုန်သွယ်ရေးမှာလည်း လစဉ် ဒေါ်လာ ဘီလီယံပေါင်းများစွာ ပိုငွေပြနေဆဲပါ။

အခုလို တရုတ်စီးပွားရေးကျဆင်းမှုကြောင့် စတော့တွေ ဈေးကွက်ပျက်ရတဲ့အချိန်မျိုးမှာ အဲဒီပိုငွေတွေကို အမေရိကန်က စီးပွားရေးထဲ ထည့်စေချင်တယ်။ တရုတ်က ထိမ်းပြီး နည်းနည်းစီပဲ ထည့်တယ်။ တရုတ်ယွမ်ငွေကိုလည်း ရှိရမဲ့တန်ဖိုးထက် ပိုချထားတယ်။ အမေရိကန်ဒေါ်လာက ဈေးတက်နေလေတော့ တရုတ်ပစ္စည်းက ပိုပေါလာပြီး အမေရိကန်ပစ္စည်းက ပိုဈေးကြီးလာတယ်။

တရုတ်က စီးပွားရေးကျဆင်းမှုကြောင့်ဆိုပြီး အမေရိကန်ရဲ့ပို့ကုန်တွေကို ဖြတ်တောက်မှာယူမှုတွေလည်း လုပ်လာတော့ ကုန်သွယ်ရေးမညီမျှမှုက ပိုဆိုးလာပါတယ်တဲ့။

အမေရိကန်ကွန်ဂရက်ထဲမှာလည်း တရုတ်ရဲ့တဖက်စောင်းနင်းလုပ်မှုတွေကို မကြာခဏ ဝေဖန်လေ့ရှိတယ်။ သူတို့က သမ္မတအိုဘားမားကို ဖိအားတွေပေးနေတယ်။ ဒါကြောင့် သမ္မတနှစ်ဦးတွေ့ကြတဲ့အခါ ဆွေးနွေးပြောဆိုစရာတွေ အများကြီး ဇြစ်နေပါသတဲ့။

မြောက်ကိုရီးယားအပေါ် တရုတ်ရဲ့လွှမ်းမိုးမှုကလည်း ခေါင်းဆောင်သစ် ကင်ရဲ့ လက်ထက်မှာ မကြုံဘူးအောင်ကျဆင်းနေတယ်။ အရင်တရုတ်သမ္မတတွေ လုပ်လေ့ရှိတဲ့ ခြောက်နိုင်ငံ ဆွေးနွေးရေးလည်း ခုထိ မလုပ်နိုင်သေး။ စစ်ကို လိုလားတဲ့ မြောက်ကိုးရီးယားနဲ့ဆက်ဆံရေးကလည်း ခုထိ သောင်မတင်ရေမကျပါပဲတဲ့။ အမေရိကန်က မြောက်ကိုရီးယားကို ဆက်ဆံချင်ရင် တရုတ်ကို ကြားခံထား ဆက်ဆံရတာလို့ ဆိုပါတယ်။

ဘာပဲဖြစ်ဖြစ် အမေရိကန်ကတော့ win win အခြေအနေတရပ်ကို ဖန်တည်းယူပါလိမ့်မယ်။ တလောကပဲ ပြီးဆုံးသွားတဲ့ အမေရိကန်တရုတ် ဖန်လုံအိမ်ဓါတ်ငွေ့ဆွေးနွေးပွဲမှာ ပထမဆုံးအနေနဲ့ သဘောတူညီချက်တွေ ရခဲ့ကြတယ်။ တရုတ်နဲ့ အမေရိကန်ဆက်ဆံရေးဟာ ကမ္ဘာ့စီးပွားရေးကို အများကြီး ရိုက်ခတ်နိုင်တာမို့ နိုင်ငံ နှစ်ခုလုံးက အထိအခိုက်ခံမယ် မထင်ရပါဘူး။

တရုတ်သမ္မတကြီးစီ အနေနဲ့လည်း အရေးကြီးတဲ့ အချိန်နဲ့ တိုက်ဆိုင်နေတယ်။ သူ့ရဲ့ အဂတိလိုက်စားမှုတိုက်ဖျက်မှုကို ဆန့်ကျင်တဲ့ပါတီခေါင်းဆောင်တွေ ရှိနေတယ်။ သူတို့က အချင်းချင်း ဖြုတ်ထုတ်သတ် မလုပ်ချင်ကြဘူး။ သမ္မတစီရဲ့ စီးပွားရေးပြုပြင်ပြောင်းလည်းမှု ပထမအဆင့်ကလည်း စီးပွားရေးနှေးကွေးမှုကြောင့် ထင်တာထက် ကြာမယ်လို့ ခန့်မှန်းကြတယ်။

အမေရိကန်သမ္မတအိုဘားမားအတွက်ကလည်း သူ့ရဲ့ နောက်ဆုံးသက်တန်း ဖြစ်နေတယ်။တရုတ်ကို မကြေနပ်တဲ့ ကွန်ကရက်အတွက် ပြောသင့်တာ ပြောရလိမ့်မယ်။ နောက်တက်မဲ့သမ္မတသစ်ဟာ ဘယ်သူလည်း မသိနိုင်ပေမဲ့ တရုတ်နဲ့ဆက်ဆံရေးမှာတော့ ထုံးစံအတိုင်း ပြောပြောဆိုဆိုနဲ့ပဲ စီးပွားရေးခြင်း ပူးပေါင်းကြပါလိမ့်မယ်။ လူဦးရေ ၁.၃ ဘီလီယံကျော်ရှိတဲ့တရုတ်နိုင်ငံကြီး မတည်မငြိမ်ဖြစ်တာကို ဘယ်သူကမှ လိုလားကြမယ် မထင်ပါဘူး။

ကျွန်တော်တို့ မြန်မာအစိုးရကတော့ တရုတ်အားထား တရားအားထုတ်နေရာကနေ တရုတ်နဲ့ အနည်းငယ် ခွာပြဲစ ပြုလာတာ တွေ့နေရပြီ။ အမေရိကန်နဲ့ကလည်း ဝေးလွန်းတော့ အားကိုးဖို့ မဖြစ်နိုင်သေး။ လိမ္မာပါးနပ်စွာ ကစားတတ်ရင်တော့ အဲဒီနိုင်ငံကြီးနှစ်ခုရဲ့ ကူညီမှုတွေယူပြီး နိုင်ငံကို ပြန်လည်တည်ဆောက်နိုင်ပါလိမ့်မယ်။

မြန်မာပြည်သူများ ကျန်းမာချမ်းသာကြပါစေ။

ချစ်ခြင်းအားဖြင့်

မောင်လူပေ

 

လုပ်သလို ဖြစ်ကြသူများ

သံချောင်းပါတီ ငှက်ကထလည်းဖြစ် တမဒကြီးလည်း ဖြစ်သူက ရေဘေးကြောင့် နေစရာတောင်မရှိလို့ ဒုက္ခသည်ဖြစ်နေတဲ့ သူတွေကို ဘုရားတွေလှူတော့လည်း..... ဘာမှမဖြစ်။ ဒုက္ခသည်တွေကို သနားလို့ပါတဲ့။ (ဘုရားတွေ တော့ အိမ်ခြေမဲ့ ဖြစ်တာပေါ့ )

သံချောင်းပါတီ ထောက်ခံပွဲကို ကြွရောက်ကြဖို့ ငွေတွေပေး။ ကြာဆံကြော်တွေကျွေးတော့လည်း ဘာမှ မဖြစ်။ ထောက်ခံသူတွေ ပေးသွားတာပါ။ ပြည်သူတွေ ဘိုက်ဆာနေလို့ ကျွေးတာပါတဲ့။ ( အလုပ်အကိုင်မဲ့တွေတော့ နေ့တွက်ကိုက်တာပေါ့။ )

သံချောင်းပါတီ မဲဆွယ်ပွဲအတွက် ရွာတွေမှာ တအိမ်နှစ်သိန်း အတိုးနည်းနည်းလေးနဲ့ ချေးပေးတာတို့၊ ဆိုလာပြားတွေ ဝေတာတို့လည်း ဘာမှမဖြစ်။ ပြည်သူတွေ ဆင်းရဲတာမို့ ကူညီတာပါတဲ့။ ( ရွာသားတွေတော့ ခဏတာ အဆင်ပြေကြတာပေါ့။ )

သံချောင်းပါတီက နိုင်ငံတော်ပိုင် အဆောက်အဦတွေ၊ ငွေကြေးတွေကို သူတို့ပါတီပိုင်လို ခပ်တည်တည်နဲ့ ထင်သလို သုံးဖြုံးပြီး မဲဝယ်ဖို့ လုပ်နေတာလည်း ဘာမှမဖြစ်။ အရင်အစိုးရဆိုတဲ့ ဘောင်းဘီဝတ်ထားစဉ်ကထဲက အမည်ပေါက်အောင် ပြောင်းပြီးပြီမို့ တရားဝင်သတဲ့။ ( ပြည်သူပိုင်ပစ္စည်းတွေကတော့ ပလုံစွပ်ပေါ့။ )

သံချောင်းက ၂၆% ပဲနိုင်ဖို့လိုတယ်။ တပ်က ၂၅% နဲ့ပေါင်းပြီး အစိုးရဖွဲ့လို့ရပြီ။ ခွပ်ဒေါင်းကြယ်တွေ အစိုးရဖွဲ့ဖို့ စိတ်ကူးမယဉ်နဲ့ လို့ တမတ်သားကို အိပ်ထဲထည့်ပြီး ပြေးလမ်းရဲ့ လေးပုံတပုံ အသာစီးက ပြိုင်ရတဲ့ ပါတီဝင်ကြီးက ပြောတော့လည်း ဘာမှမဖြစ်။ သူပြောတာ အမှန်တွေချည်းပဲလေ။ ( ပြည်သူ့အားကိုးရတဲ့ ခွပ်ဒေါင်းကြယ်ကြီးကတော့ အတော်မွဲစွာ မဲဆွယ်လှုပ်ရှားနေရတဲ့အထဲ နောက်ကလိုက်ပြေးရမယ်ပေါ့။ )

သံချောင်းပါတီရဲ့ ဝတ်စုံဝတ်ပြီး ဘုရားထီးတင်၊ ကန်တူးပြ။ ပြီးတော့ ကောင်းကင်ကနေ ငွေစက္ကူတွေ တလှေကြီးကြဲချ တာလည်း ဘာမှမဖြစ်။ ထီးတင်လို့ ငွေကျဲတာပါတဲ့။ ( ဘုရားထီးတင်ပွဲလာတဲ့ လူတွေတော့ ငွေတွေလုရင်း ချွေးတွေရွှဲမှာပေါ့။ )

ဟုတ်ကဲ့။ အခုလို အခြေအနေမျိုးကို ခွပ်ဒေါင်းကြယ်ပါတီဝင်တွေ လုပ်မိခဲ့ရင် ဘာဖြစ်လာမယ် ထင်ပါသလဲ။ ( နိုင်ငံတော်ပိုင် ပစ္စည်းများ အလွဲသုံးမှုတို့၊ ဘာသာရေးကို နိ်ုင်ငံရေးတွင် ခုတုံးလုပ်မှုတို့ဆိုတဲ့ တည်ဆဲဥပဒေတွေနဲ့ ဖမ်းလိုက်မှာပေါ့ကွယ်။ )

အဲဒါ တရားမျှတတယ် ထင်လားဟင်။ ( လူကလေး သိပ်အတာပဲ။ နောက်ကို အဲလိုဖြစ်ချင်ရင် ငါ့လို ဘောင်းဘီချွတ်ပြီး သူငယ်ချင်းကို ရွေးကော် ငှက်ကထ ခန့်ပါလေ.... တဲ့။

တော်သလင်းလအကြောင်း

လတော်သလင်း ချဉ်းနင်းဝင်ရောက်ခဲ့ပြန်ပေါ့။

ရှေးကတော့ ဒီလကို သစ်ဆင်းလလို့ ခေါ်ကြပါတယ်။ ဆရာဇော်ဂျီရဲ့ ငါ့ညီပြောင်ဝင်း မောင်သစ်ဆင်းဆိုတာ ဒီလဖွားတဲ့ သူ့ညီကို ရည်ညွှန်းပြီး ရေးဟန်ဖွဲ့ခဲ့ပုံရတယ်။

ဆယ့်နှစ်လရာသီပွဲတော်တွေထဲမှာ တော်သလင်းလ လှေပြိုင်ပွဲလို့ ငယ်ငယ်က ကြားဖူးတယ်။ မုတ်သုန်ဆုတ်ချိန်မို့ ရာသီက ကြည်လင်ပြီးသာယာချိန်။ တော်သလင်း မြစ်တွင်းသင်ဖြူးခင်း လို့တောင် တင်စားခဲ့ကြသေးရဲ့။

သာယာလှတဲ့ရာသီ တည်ငြိမ်တဲ့ရေပြင်မှာ ရှေးမြန်မာကြီးတွေ လှေသဘင်ပွဲတွေ ခြိမ့်ခြိမ့်သည်း ကျင်းပကြပုံတွေကို မဟာဂီတဦးပြုံးချိုက

" သစ်ဆင်းရယ်တဲ့ လမာသာ၊
မြစ်လုံးငယ် ဆူညံလို့၊
လှေတက်သံလှေပြိုင်ပွဲငယ်၊
နွဲပျော်ကြရှာ...။ "

ရယ်လို့ ရေးဖွဲ့ခဲ့တာ မှတ်သားဖူးတယ်။

ကန်ရာသီ တော်သလင်းလရဲ့ လှေပွဲသဘင်ကို ကင်းဝန်မင်းကြီးကလည်း

" တော်သလင်းလဆီ၊ ကန်ရာသီ၊ ထွန်းခြီဘဒြ၊ ရင်းမာလှိုင်မြဲ၊ ခိုင်လုံးဆွဲ၊ လှေပွဲသဘင်က။ "

ရယ်လို့ ရေးဖွဲ့ထားသေးရဲ့။

ရာသီပန်းက ရင်းမာ ( ယင်းမာ ) ပေါ့။ ပင်လုံးဝေနေတဲ့ ယင်းမာတွေကို မြန်မာသူ ပျိုဖြူချောတို့ ခေါင်းလုံးဝေအောင်ပန်ဆင်ပြီး ချစ်တဲ့သူ လူညိုထွားတို့ရဲ့ လှေပွဲသဘင်ကို အားပေးကြပေလိမ့်မယ်။

" ခါးသေးချီ ရင်အုပ်ထွားနဲ့ ကြွက်သားအဖုဖု ထုထုပြီး ခရာချင်စရာငယ် ထွားကြိုင်းတဲ့ဗမာလူငယ်။ တော်စမ်းဟယ် ကောင်မရယ်၊ ညီးလူကြီးကို ညီးဘာသာယူပေါ့တဲ့..."

ရယ်လို့ ရေချိုးဆိပ်သီချင်းမှာ ဆရာငြိမ်းရးဖွဲ့ခဲ့သလို မြစ်ဆိပ်မှာ ရေချိုးနေကြတဲ့ လုံမပျိုများကလည်း လှေပွဲအတွက် လေ့ကျင့်နေကြတဲ့ ရောင်ကြီးဘွေတွေကို ကြည့်ရင်း ကလူကြည်စယ် နေကြမလားပဲ။

လှေပွဲဆိုတာ တဦးကောင်းမဟုတ်။ ညီညွတ်မှုကို ပြကြရတာမဟုတ်လား။ သန်မာထွားကြိုင်း ခွန်အားရှိဖို့လည်း လိုအပ်သေးတယ်။ လေ့ကျင့်မှုလည်း များရမယ်။ ဘုရင်ကိုယ်တိုင် အားပေးတဲ့ လှေပွဲကို အနိုင်မခံ အရျှံးမပေးပဲ လှေခွက်ကြည့်ကျန် အလှံမလဲ ပြိုင်ပွဲ ဝင်ကြပေမပေါ့။

ရှေးမြန်မာတို့ရဲ့ ရေကြောင်းချီနည်းကလည်း မညံ့ခဲ့ကြ။ ဆင်ဖြူရှင်လက်ထက်မှာ တရုတ်ကို လေးကြိမ်တိုင် ခုခံနိုင်ခဲ့တာလည်း ဒီရေကြောင်းချီတတ်ကြွမ်းမှုက အဓိက အထောက်အကူ ပြုခဲ့တာပဲ။ ဧရာမြစ်ကြောမှာ မြန်မာ့ရေတပ်က လှေတွေ အပြည့်နဲ့ ခုခံနိုင်ခဲ့ကြပါသတဲ့။

တော်သလင်းဟာ ဝါတွင်းသုံးလရဲ့ နောက်ဆုံးလ ဖြစ်တာကြောင့်လည်း ဝါဆိုကြတဲ့ သံဃာတော်တွေ ဝါထွက်ဖို့ နီးပြီမို့ ပျော်ကြပေလိမ့်မယ်။ ချစ်သူစုံတွဲတွေလည်း ဝါကျွတ်မှာ နီးကြဖို့အရေး အခုထဲက လိုအပ်တာတွေ စုဆောင်းရင်း ကြိုတင်ပြင်ဆင် နေကြရော့မယ်။ လယ်ယာဦးကြီးများကတော့ မြေကြီးက ရွှေသီးလာတာတွေ ကြည့်ရင်း သားရှင်ပြုအလှူမင်္ဂလာကို ဝါကျွတ်ရင် နွဲနိုင်ပြီကွဲ့ရယ်လို့ လက်ခမောင်းခတ် ကျွေးကျော်နေမယ်။ ချစ်သူနဲ့ ဝေးနေရတဲ့ လုံမပျိုများကတော့ ကန်ရာသီ တော်သလင်းလမှာ မျှော်ရင်းကျမကတော့ လွမ်းရပါသည် ဆိုတဲ့ ဗိုလ်အောင်ဒင်ရဲ့ မေမေဝင်း ဘဝရယ်ပေါ့။

တော်သလင်းလမြတ်မှာ မြန်မာပြည်သူပြည်သားအပေါင်း ကျန်းမာလို့ ချမ်းသာကြပါစေ။

ကျွန်တော် မောင်လူပေပါ။

ချစ်ခြင်းအားဖြင့်

မောင်လူပေ

 

ငြိမ်းချမ်းရေး

စက်တင်ဘာ ၁၈ တဲ့လား။ မှတ်မိတာပေါ့။

တပြည်လုံးကပြည်သူတွေ
ဆူပူသောင်းကြမ်းသူစာရင်း
ဝင်သွားခဲ့တဲ့နေ့။

ငြိမ်ဝတ်ပိပြားမှုတည်ဆောက်ရေးအဖွဲ့ ဆိုတဲ့နာမည်သစ်နဲ့
စစ်အစိုးရ အာဏာသိမ်းတဲ့နေ့။
တညနေလုံး စစ်ချီတေးတွေ လွှင့်နေတဲ့နေ့။
၁၉၈၈ ရဲ့ ရှစ်လေးလုံးလူထုအုံကြွမှုကြီး ဖြိုခွင်းခံရတဲ့နေ့။

နောက်နေ့မနက်ပိုင်းမှာတော့ ဆူပူသောင်းကျန်းသူတွေဆိုတဲ့ နာမည်တတ်ပြီး မဲမဲမြင်ရာ ပစ်လိုက်ကြလို့ သေသူသေ၊ ဒါဏ်ရာရသူရ။
ခွင့်လွှတ်ပါတယ်။ သင်ပုန်းလည်း ချေပါတယ်။ ပြီးခဲ့တာတွေ ပြီးခဲ့ပြီပဲ။

ဟုတ်ကဲ့။ မေ့တော့မမေ့နိုင်သေးဘူးဗျာ။
အဲဒီနေ့က ပုံရိပ်တွေကို။ သွေးကွက်တွေကို။
အလောင်းတွေကို။
မျက်ရည်တွေကို။
ငိုကြွေးသံတွေကို။
ကြောက်လန့်တကြား အော်သံတွေကို။
ကမ္ဘာပျက်မတတ် ပြေးလွှားနေကြတဲ့ လူတွေကို။
အံကြိတ်သံတွေကို။
တောက်ခေါက်သံတွေကို။
-------------- တွေကို။

တကြော့ပြန် မမြင်ချင်ဆုံး
မကြားချင်ဆုံး
မကြုံချင်ဆုံး
အဲဒီနေ့မျိုး နဲ့
မြန်မာပြည်သူ ပြည်သားတွေ
အစဉ်ထာဝရ ဝေးကွာကြပါစေ။

( ငြိမ်းချမ်းပြီး တရားမျှတတဲ့ ရွေးကောက်ပွဲနည်းလမ်းဖြင့် နိုင်ငံရေးအာဏာ လွှဲပြောင်းနိုင်ရေးအား မျှော်လင့်နေပါကြောင်း။)

ချစ်ခြင်းအားဖြင့်

မောင်လူပေ

အမတ်တဦးနှင့် အင်တာဗျူး

ဟုတ်ကဲ့။
ပြည်သူတို့၏ လူမှုဘဝတွေ ဖွံ့ဖြိုး တိုးတက်အောင် ဆက်လက်ဆောင်ရွက်နေပါတယ်။

ဟုတ်ကဲ့။
ပြုပြင်မှုတွေကို အရှိန်အဟုန်မြှင့်နေပါတယ်။

ဟုတ်ကဲ့။
ခေတ်မှီဖွံ့ဖြိုးတိုးတက်တဲ့ နိုင်ငံတော်သစ်ကြီး ဖြစ်တော့မယ်။

ဟုတ်ကဲ့။
နိုင်ငံတော်အကြီးအကဲများကလည်း နေ့မနား ညမအား ဆက်လက် ဆောင်ရွက်နေပါတယ်။

ဟုတ်ကဲ့။
လမ်းတွေပျက်တာ မိုးများလို့ပါ။ မိုးမင်းကြီးမှာ အပြစ်ရှိပါတယ်။ ကျွန်တော်တို့နဲ့မဆိုင်ပါဘူး။

ဟုတ်ကဲ့။
မဲစာရင်းတွေမှားတာ ဆော့ဝဲလ်ကြောင့်ပါ။ ကျွန်တော်တို့နဲ့မဆိုင်ပါဘူး။

ဟုတ်ကဲ့။
ရေတွေကြီးတာ မိုးများလို့ပါပဲ။ ကျွန်တော်တို့နဲ့ မဆိုင်ပါဘူး။

ဟုတ်ကဲ့။
အလုပ်အကိုင်တွေရှားတာ နိုင်ငံခြားက ပိတ်ဆို့ခဲ့လို့ပါ။ ကျွန်တော်တို့နဲ့ မဆိုင်ပါဘူး။

ဟုတ်ကဲ့။
ပြည်သူတွေဆင်းရဲတာ အလုပ်မလုပ်ကြလို့ပါ။ ဆိုက်ကားနင်းရင်းတောင် သန်းကြွယ်သူဌေးဖြစ်ပါတယ်။ ငွေနှစ်ထောင်နဲ့ စားလောက်ပါတယ်။ ဒါ အကြီးအကဲတွေ ကိုယ်တိုင် ပြောထားတာပါ။ ကျွန်တော်တို့နဲ့မဆိုင်ပါဘူး။

ဟုတ်ကဲ့။
ကျွန်တော်တို့နဲ့ဆိုင်တာ တခုတော့ရှိပါတယ်။ ရွေးကောက်ပွဲကို ဘယ်နည်းနဲ့ ဖြစ်ဖြစ် အနိုင်ရအောင်လုပ်ပြီး နောက်ငါးနှစ် ဆက်လက်အုပ်ချုပ်ရေးပါပဲ။

ကျေးဇူးတင်ပါတယ်။

(ရွေးကောက်ပွဲဝင်ရောက်ယှဉ်ပြိုင်မည့် သံချောင်းပါတီမှ အမတ်လောင်းကိုလေပူနှင့် အင်တာဗျူး ဖြစ်ပါသည်။ မည်သူ့ကိုမျှ မရည်ရွယ်ပါ။ တိုက်ဆိုင်မှုရှိပါက တမင်ရေးသည်ဟု မှတ်ယူကြပါရန်။)

ချစ်ခြင်းအားဖြင့်

မောင်လူပေ

 

 

လေပေါင်းစုံ

ကျန်းမာတော်မူကြပါစ ခင်ဗျာ။
(အဲ့တာက မိုးလေဝသကြီးရဲ့လေ။)

မိဘပြည်သူများခင်ဗျာ။
(အဲ့ဒါက သမ္မတကြီးရဲ့လေ။)

လူသားအားလုံးကို လေးစားပါတယ်။
(အဲဒါက ဦးကျော်ရဲ့လေ။)

တပ်မတော်သာအမိ၊ တပ်မတော်သာအဖ။
(အဲ့ဒါက အားလုံးသိပြီးသားမို့ ဘယ်သူ့လေလို့ ပြောရန်မလို။)

ပြညိသူသာအမိ၊ ပြည်သူသာအဖ။
(အစက လူ့ဘောင်သစ်တွေသုံးတယ်။ အခုတော့ အားလုံး ယူသုံးကြတဲ့လေ။)

ပြောင်းလည်းချိန်တန်ပြီ။
(ဒီချုပ်ရဲ့ လိုဂိုလေ။)

ပြုပြင်ပြောင်းလည်းမှု ဆက်လက်ဆောင်ရွက်မည်။
(ကြံ့ခိုင်ရေးရဲ့ လိုဂိုလေ။)

(အဲဒီလို လေပေါင်းစုံ ကိုယ့်လေနဲ့ကို ရှိကြပေသည့် မောင်လေပူကတော့ ကိုယ်ပိုင်လေမရှိသေး။ အစထဲက လေနဲ့ဝမ်းမကွဲသူမို့ သူများလေများကိုသာ ငှားသုံးတတ်သူ မောင်လေပူ။)

အနှီသို့ ဤသို့ ကိုယ်ပိုင်လေများစွာနှင့် လေထန်နေကြသောအချိန်မို့လားမသိ။ ဖွဘုတ်ကြီးလည်း လေသံတွေ တသောသောနှင့် စည်ဗျောလှ၏။

ရွာနှင့်ဝေးနေသော်လည်း ရွာမှာဖြစ်သမျှ ဒိဌမြင်ရသော အိမ်သာနက်ကြီး တန်ခိုးကား ကြီးလေစွ။ အန်တီကယားရောက်ပြီ။ ဘယ်လိုကြိုသည်။ ဘယ်သို့မေးကြသည်နှင့် ချက်ခြင်းလက်ငင်းတက်လာလေရာ ဖတ်မကုန်။ ပြောမဆုံး။ ဖွဘုတ်ကြီးကား ခြငိးခြင်းနီစွာ နေဘိတကား။

တဖက်က အနီတွေ လှိမ့်တက်လာသလောက် အစိမ်းတွေ ငြိမ်နေသည်ကလည်း စိတ်ဝင်စားဖွယ်။ အစိမ်းတွေက ငွေကို ရေလိုသုံးပြီး နယ်တွေမှာ မဲဝယ်နေလို့ ဖွဘုတ်ပေါ်တက်မလာသလား မသိ။
အမျိုးသားရေးတွေ ခဏခဏ ပြောတတ်သော သူတို့တွေ ငြိမ်လွန်းလေတော့ ဖွဘုတ်ပေါ်မှာ အနီများက ကြိုတင်၍ တဖက်သတ် အောင်ပွဲခံနေသလို ဖြစ်နေလေ၏။

ခုတလော ခေတ်စားလာသော ဘယ်သူ့ကိုမဲထည့်မယ်ဆိုတာ ကြိုမပြောရတို့။ အနုပညာရှင်တွေ ကြားနေတို့ဆိုတာ ထိုကိုအဝှာများ ပုံဖျက်ကာ လက်သီးပုန်းထိုးနေသလား မသိ။
နာမည်ကြီးမင်းသမီးချောချောလေးပုံနှင့် တက်လာသော အမျိုးသားရေးပါတီကို မဲပေးမည်ဆိုတာလည်း သူမပြောရပါကြောင်း ( သူ့လေ မဟုတ်ပါကြောင်း။) မင်းသမီးလေးက ရှင်းချက်ထုတ်ရှာ၏။ သူလည်း ပြည်သူအများနှင့်အတူ ရှိပါသတဲ့။

ဘယ်သူလုပ်မှန်းမသိတဲ့ ပုံတပုံကြောင့် သူမကို ပြည်သူအများ မုန်းမှာ စိုးရှာသည်ထင်၏။ သူမှမဟုတ်။ အခြားအနုပညာရှင်များစွာ၏ ပုံများကိုလည်း စာပြောင်းကာ လုပ်ကြံဖန်တည်း ကြသေး၏။ ဖိုတိုရှော့ ကို တီထွင်သူ ဆော့ဝဲလ် ကန်ပနီကိုသာ တရားစွဲကြရမည်။ အနှီပုဂ္ဂိုလ်ကျော်တို့၏ တီထွင်မှုကြောင့်သာ ဤသို့ ဖြစ်ရသည်မဟုတ်တုံလော။
(မောင်လေပူကတော့ ဆော့ဝဲလ်ဆိုတာ ရေဝဲလားလို့သာ ထင်တတ်သူဖြစ်ရကား ခေတ်မှီလောကဓာတ်ပညာများနှင့် လားလားမျှမနီးစပ်သူဖြစ်၍ အဘယ်ကဲ့သို့မျှ ဖိုတိုမရှော့တတ်။)

အနုပညာသမားများကား ပြည်သူမုန်းမည်ကို စိုးကြသည်မှာ သဘာဝပင်။ ပြညိသူမုန်းလျှင်နာမည်ပါ ပျောက်တတ်သည်။ နွမ်ဂျာသိုင်းတို့ မတင်ဝင်းတို့ဆိုလျှင် စာရေးကောင်းသော်လည်း မည်သူမျှမဖတ်ကြတော့။ အဖားမတော်တခွန်း ဖြစ်တတ်၏။ လွင်မိုးလည်း ထိုနည်းလည်းကောင်း။

(ထို့ကြောင့်ထင်သည်။ ဆရာမောင်စိန်ဝင်းက ပြောသည်။ သူ အမျိုးသားစာပေဆုရမှာ ကြောက်သတဲ့။ သူ့ကဗျာစာအုပ်တောင် ဆုမရရေးအတွက် ကဗျာပုဒ်ရေ လျှော့သတဲ့။ အမျိုးသားစာပေဆုကလည်း ဘယ်နှစ်ပုံးဆိုတဲ့ ဈေးကွက်နဲ့မကင်းလေတော့ အဆင့်တွေ လျှောကြခဲ့တာ ကြာခဲ့ပြီ။)

အနှီကဲ့သို့ ဖွဘုတ်ကြီးပေါ်မှာ တွေ့သမျှ လိုက်ဖတ်ရင်း သူများလေတွေနှင့် လေပူထလိုက်ပါသည် ချစ်စွာသော မိတ်ဆွေများ ခင်ဗျား။

ကျန်းမာ ချမ်းသာကြပါစေ။

ကျွန်တော် မောင်လေပူ ဟုတ်ပေါင်ယောင်လို့ မောင်လူပေပါ။


ချစ်တဲ့

 မောင်လူပေ

9/11 အမှတ်တရ

9/11 လို့ ခေါ်တဲ့ အမေရိကား World Trade Center တိုက်ခိုက်မှု ၁၄ နှစ်ပြည့်ပြီ။

Pentagon စစ်ဌာနချုပ်လည်း အတိုက်ခံရတယ်။ လေယဉ်တစ်စီးကတော့ ခရီးသည်တွေက ပြန်ခုခံလို့ လယ်ကွင်းထဲ ပျက်ကြသွားတယ်။

အပြစ်မဲ့ပြည်သူ စုစုပေါင်း သုံးထောင်နီးပါး အသက်ဆုံးခဲ့ရတယ်။ အဲဒီအထဲမှာ ရဲနဲ့မီးသတ်သမား လေးရာကျော် ပါတယ်။

အဲဒီနေ့မနက်က အိမ်မှာအိပ်နေတုန်း အော်စီရောက်နေတဲ့ သူငယ်ချင်းက ဖုန်းဆက်တယ်။ မင်းတို့ဆီက နယူးယော့ခ်မှာ လေယဉ်တိုက်မှု ဖြစ်နေသတဲ့။ ကိုယ်နေတာက ဆန်ဖရန်မို့ မိုင်သုံးထောင်ကျော်ဝေးတယ်။ အဝေးကြီးပဲကွ ဆိုပြီး ဖုန်းချလိုက်တယ်။ မနက်ရ နာရီလောက်ပဲရှိသေးတာမို့ ပြန်အိပ်ဖို့ကြိုးစားပေမဲ့ အိပ်မရတော့။

ဒါနဲ့ပဲ သူပြောတာ ဘာပါလိမ့်မလဲ ဆိုပြီး တီဗွီဖွင့်ကြည့်မှ အကြောင်းစုံသိရတော့တယ်။ အဲဒီအချိန်မှာ နယူးယော့ခ်အချိန် ၁၀ နာရီခွဲလောက်ရှိနေပြီ။ ဆန်ဖရန်မှာတော့မနက် ၇နာရီ ခွဲလောက်ပဲ ရှိသေးတယ်။

အမေရိကန်တနိုင်ငံလုံး ယူကြုံးမရ ကြေကွဲကြရတယ်။ ဘယ်သူလုပ်ကြံတာလဲ။ ဘာကြောင့်လဲ ဆိုတာတော့ အဲဒီတုန်းက မသိကြသေးဘူး။

အဲဒီနေ့က ဈေးတွေရော ရုံးတွေရော လုပ်ငန်းတွေ အကုန်ရပ်ပြီး အားလုံးအိမ်ပြန်ခွင့်ပေးတယ်။ ဝမ်းနည်းခြင်းပြတဲ့သဘော။

မကြာခင်မှာပဲ လုပ်ကြံသူတွေဟာ နိုင်ငံခြားကဝင်လာတဲ့ သူတွေ အယ်လ်ကိုင်းဒါးအကြမ်းဖက်သမားတွေ ဆိုတာ ပေါ်တယ်။

အမေရိကန်အစိုးရက ကိုင်တွယ်တာ ပါးနပ်တယ်။ မွတ်စလင်တွေကို အကာအကွယ်ပေးတယ်။ သတင်းတွေမှာလည်း ဘာသာရေးအစွန်းရောက် အကြမ်းဖက်သမားတွေ လို့သာ ကြေညာပေးတယ်။ မွတ်စလင်ဆန့်ကျင်ရေး လုံးဝ မလုပ်ပဲ မွတ်စလင်ခေါင်းဆောင်တွေကို သမ္မတက ခေါ်တွေ့ဆွေးနွေးတယ်။ အစ္စလာမ်ဘာသာနဲ့ ပတ်သက်ပြီး လူတွေထိတွေ့မှုရှိလာအောင် သိရှိလာအောင် လုပ်စေတယ်။ အမေရိကန်မွတ်စလင်တွေကလည်း အယ်လ်ကိုင်းဒါး မူစလင်အစွန်းရောက်တွေရဲ့ အကြမ်းဖက်မှုကို ဆန့်ကျင်ကြောင်းဆန္ဒထုတ်ဖေါ်တယ်။ အစိုးရက Hate Speech ( မုန်းတီးရေးစကားပြောဆိုမှု) ဟာရာဇဝတ်မှုမြောက်တယ်ဆိုတာ ပြည်သူတွေကို သတိပေးတယ်။ မြို့ကြီးတွေမှာ ဘာသာပေါင်းစုံ ဆုတောင်းပွဲတွေလုပ်တယ်။

ဒါကြောင့် ခေါင်းပေါင်းတဲ့ ပန်ချာပီနှစ်ယောက် တောမြို့လေးတွေမှာ လူမှားအသတ်ခံရတာက လွဲပြီး လူမျိုးရေးအဓိကရုဏ်း ဘာသာရေးအဓိကရုဏ်း မဖြစ်ခဲ့ဘူး။

ကျွန်တော်တို့တွေအတုယူသင့်တဲ့ ကိုင်တွယ်မှုလို့ ယူဆလို့ တင်ပြလိုက်ပါတယ်။

 

 

 

NLD ကို မဲပေးစို့ 

ခုတလော အွန်လိုင်းပေါ်မှာ အပြောအများဆုံးက ရွေးကောက်ပွဲ။ ထောက်ခံကြတဲ့ပါတီက NLD ချည်း တွေ့နေရတယ်။ အနုပညာရှင်တွေရော အတတ်ပညာရှင်တွေရော သာမန်အရပ်သားတွေရော ထောက်ခံကြ ပရိုဖိုင်းပုံတွေ ပြောင်းကြနဲ့ အားတက်စရာ။

တဖက်ကလည်း ဓါတ်ပြားဟောင်းကြီး ပြန်ဖွင့်လာတယ်။ အဲလို ဖြစ်လာရင် သူတို့ ပြန်လာမယ် တဲ့။ ၉၀ ကိုကြည့်ကြတဲ့။ ဖြဲခြောက်ပြနေတဲ့သဘော။

ရွေးကောက်ပွဲက ၂၀၀၈ခြေဥအောက်က သွားရမှာမို့ ဆန့်ကျင်တယ် မဲမထည့်ဘူးဆိုပြီး ဘူးသီးသီးတဲ့ဆရာတွေလည်း ရှိသေးတယ်။

ကျွန်တော့သူငယ်ချင်းအချို့ကလည်း ပြောကြတယ်။ ၉၀လိုညစ်ပြီးမပေးဘူးကွာဆိုရင် ဘာလုပ်ကြမှာလဲ Plan B ရှိလားတဲ့။

မြန်မာ့ဒီမိုကရေစီခေါင်းဆောင်လို့ အားလုံးက သတ်မှတ်ထားတဲ့ အန်တီစုက ၂၀၁၂ မှာ ကြားဖြတ်ဝင်တော့လည်း ကျွန်တော်အပါအဝင် အတော်များများက သဘောမကြခဲ့ပါ။ ၂၀၀၈ ခြေဥကို ဒူးထောက်ရတယ်လို့ ယူဆခဲ့ကြတယ်။ ခြေကုန်လက်ပမ်းကျနေတဲ့ လူထုအတွက် ရွေးစရာမရှိတော့လို့ ဒီနည်းကို ရွေးလိုက်တာပဲလို့သာ နားလည်ပေးခဲ့ရတယ်။

လွှတ်တော်တွင်းမှာ သူတတ်နိုင်သလောက် ခြေဥကို ပြင်ဖို့ ကြိုးစားခဲ့ပေမဲ့ အစထဲက ပြင်ဖို့ခက်အောင်ရေးထားတာမို့မအောင်မြင်။ ဗီတိုအာဏာပိုင်တဲ့ တပ်ချုပ်က ကန့်ကွက်တော့ လွှတ်တော်မှာ မဲအများစုနဲ့ ရှုံးရ။

အခုလည်း လွှတ်တော်တွင်း အများစုရရေး ၂၀၁၅ ရွေးကောက်ပွဲလမ်းကြောင်းနဲ့ ဆက်လျှောက်တယ်။ NLD ဟာ နှစ်ပေါင်းများစွာ အဖိအနှိပ်ခံပြီး ကြံ့ကြံ့ခံရပ်တည်ခဲ့တာရယ် အန်တီစုရဲ့ စွန့်လွတ်မှုတွေ အရှိန်အဝါတွေရယ်ကြောင့် ပြည်သူအများစုရဲ့ ထောက်ခံမှုရပြီး အောင်ပွဲခံဦးမှာ အသေအချာ။

အဲဒီကြမှ ပွဲကစမှာ။ တပ်ကကြီးစိုးတဲ့ ရွေးကော်က ရလာဒ်ကို ဘယ်လို ထုတ်ပြန်မလဲ။ တပ်ချုပ်က ဘယ်လို ဆက်လုပ်မလဲ။ အဲဒီအတွက် NLD မှာ Plan B ရှိပြီး ဖြစ်နေမှာပါ။ ၉၀ရဲ့ အတွေ့အကြုံကို သင်ခန်းစာယူနိုင်ခဲ့ပြီပဲ။ တပ်ကလည်း တမတ်သားအဆင်သင့်နဲ့ ဗီတိုရထားပြီးသား လက်ရှိအခြေအနေကို ဖျက်ပြီး နာမည်ပျက်ခံတော့မည် မထင်။ အန်တီစုကလည်း တပ်မပါပဲ သူဘာမှ လုပ်လို့မရဘူးဆိုတာ သိပြီးသားမို့ စိုးရိမ်ဖွယ်မမြင်။

အသွင်ကူးပြောင်းရေးဆိုတာ ရှင်းရှင်းပြောရရင် အာဏာခွဲဝေရေးပဲ။ တပ်နဲ့ပြည်သူ့အစိုးရ အာဏာကို ညီမျှစွာ ခွဲဝေနိုင်အောင် ခြေဥကြီးက ရေးထားပြီးသား။

အာဏာခွဲဝေတဲ့အခါ အသာစီးရဖို့ NLD ကိုသာ မဲပေးရမယ်။

အန်တီစု သမ္မတဖြစ်ဖို့က နောက်။ NLD အပြတ်နိုင်ရေးက ပထမမို့ မဲရုံသွားပြီး အားပေးထောက်ခံကြပါစို့။

 

ရီလိုက်ရတာ

ဖတ်မိသမျှဟာသတွေထဲမှာ ဒီဟာသ အရီရဆုံး။ ဘာတဲ့။ ဘုရားရှင်ရဲ့ ဗျာဒိတ်ရဆိုပဲ။ သမိန်ပေါသွပ်တောင် သူ့လောက် မပေါဘူး။ အာတာလွတ်မြို့စားကြီး ဦးအာလူးရဲ့ညီ ထင်ပါရဲ့။ ဒေါ်စိန်အေးကျောင်းဆင်းတွေထဲမှာ ဒီလိုဟာသပညာရှင်တွေ ရှိပါသေးလား။

ဘုရားရှင်ဗျာဒိတ်ရတဲ့ ပုဂ္ဂိုလ်ကြီး တည်ထောင်တော်မူခဲ့တဲ့ နိုင်ငံရေးပါတီကြီးကိုယ်တိုင်တောင် အဲဒီ ဗျာဒိတ်ရ တပ်ချုပ်ဟောင်းကြီးရဲ့ ခန့်ညားလှတဲ့ ဓါတ်ပုံတော်ကြီးနဲ့ မဲမဆွယ်ရဲတာကတော့ မေးခွန်းထုတ်စရာ။

ဘုရားရှင်ရဲ့ ဗျာဒိတ်ကြီးရပေမဲ့ သူ့ပါတီရဲ့ဗျာဒိတ်တော့ ရရှိဟန်မတူ။ တသက်လုံး ပိတ်ပင်ခဲ့တဲ့ ဗိုလ်ချုပ်ပုံနဲ့ပဲ ပါတီကြော်ငြာတွေမှာ တွေ့နေရတယ်။

ပြည်သူက လေးစားချစ်ခင်ရတဲ့ အနုပညာရှင်တွေ၊ စာရေးဆရာကြီးတွေ၊ ပညာရှင်ကြီးတွေထဲက တစ်ဦးတစ်ယောက်ရဲ့ ထောက်ခံမှုကိုမျှ မရရှာတဲ့ ဒီပါတီကြီးကို ဦးစီးတည်ထောင်ခဲ့တဲ့ ဒီပုဂ္ဂိုလ်ကြီးရဲ့ နာမည်တောင် အဲဒီပါတီကြီးရဲ့ လက်ကမ်းစာစောင်တွေ ကြော်ငြာတွေမှာ ရှာမတွေ့။

အနာဂတ်ဟောကိန်းကလည်း အာဏာပြန်သိမ်းမယောင် ချိန်းခြောက်ထားသေး။

ဒီတပတ်ရဲ့ အရီရဆုံး ဟာသဆောင်းပါးပါပဲ။

 

ကစားကြမလား ပင်ညားတာ

စပိန်နွယ်ဖွားကလေးတွေ ကစားတဲ့ကစားနည်း တစ်ခု ရှိတယ်။ မွေးနေ့ပါတီတို့ ဘာတို့မှာ ကစားလေ့ရှိတယ်။ အဖြူတွေလည်း ကစားတတ်တယ်။ မျက်လုံးကိုအဝတ်စီးပြီး piñata (ပင်ညားတာ) လို့ခေါ်တဲ့ စက္ကူရုပ်ကြီးကို တုတ်နဲ့ကွဲအောင် ရိုက်ကြတဲ့ ကစားနည်းပါ။

အရုပ်ကြီးထဲမှာ များသောအားဖြင့် သကြားလုံးတွေ ထည့်ထားလေ့ရှိတယ်။ သစ်ကိုင်းတို့လို၊ ထုတ်တန်းတို့လိုနေရာမှာ ကြိုးနဲ့တွဲလောင်းချီထားတတ်တယ်။ရိုက်ချင်တဲ့ကလေးတွေကို တန်းစီခိုင်းတယ်။ တယောက်ချင်း ရိုက်ခိုင်းတယ်။ မျက်စိအဝတ်စီးထားတော့ မမြင်မကန်းနဲ့ လှမ်းရိုက်ကြရတယ်။

အရုပ်ကွဲသွားရင် အောက်ကိုကျလာတဲ့ သကြားလုံးတွေ ဝိုင်းလုကြရင်း ပျော်ကြတဲ့ ကစားနည်း။ စပိန်နွယ်ဖွားတွေ အများစုနေတဲ့ နေရာတွေက စတိုးဆိုင်တွေမှာ ဒီအရုပ်ကြီးတွေကို တွေ့နိုင်တယ်။ များသောအားဖြင့် ပုံပြင်ထဲက အကောင်တွေ ဖန်စီပုံတွေပါပဲ။

အခုတော့ အဲဒီ ပင်ညားတာ အရုပ်ရိုက်ကစားနည်းအတွက် အရုပ်အသစ်တခု ပေါ်လာပါတယ်။ ရောင်းမလောက်ပါပဲတဲ့။ အရုပ်အသစ်ကတော့ Donald Trump ( ဒေါ်နယ်ထရန့် ) လို့ခေါ်တဲ့ သူဌေးကြီးရဲ့ အရုပ်ပါပဲ။

အဲဒီသူဌေးကြီးက လာမဲ့၂၀၁၆ သမ္မတရွေးပွဲမှာ ဝင်ပြိုင်ဖို့ မဲဆွယ်နေတယ်။ သူသမ္မတအရွေးခံရရင် အမေရိကန်နိုင်ငံထဲကို တရားမဝင်ရောက်နေတဲ့ စပိန်နွယ်ဖွားတွေအများစုဖြစ်တဲ့ သူတွေကို သူတို့နိုင်ငံတွေဆီ ပြန်ပို့မယ်။ မက္ကဆီကို နယ်စပ်ကြီးတခုလုံးကို ခြံစည်းရိုးကာမယ်။ အမေရိကန်မှာ မွေးရင် အမေရိကန်နိုင်ငံသားပေးတဲ့ အချက်ကို ပြင်မယ်နဲ့ အဖြူအများစုအကြိုက် မဲဆွယ်တယ်။ မက္ကဆီကန်လူမျိုးတွေဟာ လူဆိုး၊သူခိုးနဲ့ မကောင်းတာတွေပဲ လုပ်တတ်တယ်ရယ်လို့ နှိမ်ချတဲ့စကားလုံးတွေ မဆင်မချင် ပြောတယ်။ သူကလည်း တီဗွီမှာ အလုပ်သင်စီးရီးတွေ ပြတဲ့အခါ You are fired. (မင်းကိုအလုပ်ဖြုတ်လိုက်ပြီ။) ဆိုတဲ့စကားလုံးတွေနဲ့ နာမည်ကြီးတဲ့ အိမ်ခြံမြေသူဌေးကြီးမို့ ဘယ်သူ့ကိုမှ ဂရုစိုက်ပုံမရ။ စပိန်နွယ်ဖွား မက္ကဆီကန်တွေ ဆိုတာကလည်း အများစုက ဘယ်သူမှမလုပ်ချင်တဲ့ သန့်ရှင်းရေး၊ အိမ်ဖေါ်စတဲ့အလုပ်ကြမ်းတွေ လုပ်ကြရတဲ့ အခြေခံလူတန်းစားတွေမို့ ပိုလို့အထင်သေးပုံ ရတယ်။ ( မြန်မာတွေ ထိုင်းတို့၊ မလေးရှားတို့လို နိုင်ငံတွေမှာ အထင်သေးခံရပုံနဲ့ ဆင်တူပါတယ်။)

ဒါကြောင့် တဦးကစေတနာ တဦးကမေတ္တာဆိုတဲ့စကားလိုပဲ သူ့ကို စပိန်နွယ်ဖွားတွေက အလွန်မုန်းတီးကြတယ်။ သူ့ကို အရိုင်းအစိုင်းအဖြစ် ပြန်ပြီးသရော်ကြတယ်။ အခုတော့ သူ့ရဲ့ပုံစံတူ ပင်ညာတာစက္ကူရုပ်လုပ်ပြီး ကွဲအောင် ရိုက်ကြတဲ့အထိ ဖြစ်လာတော့တာပါပဲ။

အရုပ်ထဲမှာ သကြားလုံးတောင်မထည့်တော့ပဲ ခဲတွေ သဲတွေ ထည့်ကြသတဲ့။ ရိုက်တဲ့သူတွေကလည်း လူကြီးတွေပါ ပါကြသတဲ့။ ဒေါ်နယ်ထရန့်အရုပ်ကြီး ရွဲ့စောင်းကွဲထွက်သွားတဲ့အခါ သြဘာပေးကြတယ်ပေါ့။

ကျွန်တော်တို့ မြန်မာပြည်မှာရော အဲဒီကစားနည်းလေးကို ပုံတူယူကြပြီး ကစားကြည့်ကြရင် မကောင်းပေဘူးလား။ တုတ်တချောင်းနဲ့ စက္ကူရုပ်ရိုက်တဲ့ကစားနည်းသစ်ကို ထွင်ကြရအောင်။ စက္ကူရုပ်ပုံကတော့ ကိုယ့်သဘော။ ကိုယ်မကြိုက်တဲ့သူရဲ့ ပုံလေးတွေ တည်ထွင်ကြတာပေါ့။ ဘယ်သူ့ပုံလုပ်ပြီး ရိုက်ချင်ကြပါသလဲ။ သိချင်စမ်းပါဘိဗျာ။

ချစ်ခြင်းအားဖြင့်

မောင်လူပေ


 

တရုတ်စတော့ဈေးကွက်

ကိုတရုတ်ကြီးတို့ရဲ့ စတော့ရှယ်ယာတွေ ပြုတ်ကြတာ အမြင့်ဆုံးကနေ ရေတွက်ရင် လေးဆယ်ရာနှုန်းလောက် ရှိပြီတဲ့။ စီးပွားရေးတိုးတက်မှုနှုန်း နှေးနေတာရယ်၊ ကုန်ထုတ်မှု နည်းတာရယ်၊ ယွန်ငွေတန်ဖိုးချတာရယ် ကမ္ဘာ့စီးပွားရေး နှေးကွေးတာရယ် ပေါင်းဆုံသွားတာကြောင့် ဒီလိုဖြစ်ရတယ်လို့ ဆိုတယ်။

တရုတ်အစိုးရ ရှယ်ယာရောင်းဝယ်ရေးစည်းကမ်းတွေ တင်းကြပ်လိုက်တယ်။ ယွန်ငွေ တန်ဖိုးတွေ ဆက်ချတယ်။ အတိုးနှုန်းတွေ လျှော့ပေးတယ်။ ဘဏ်တွေရဲ့ စည်းမျဉ်းတွေကို လျှော့ပေးတယ်။ ဒါပေမဲ့ ခဏပဲ ပြန်တက်လာပြီး ပြန်ကျသွားပြန်တယ်။

၂၀၀၈ အမေရိကန်စတော့ဈေးကွက်ပျက်တော့ တောင့်ခံခဲ့တဲ့ တရုတ်စတော့ရှယ်ယာတွေ အခုလို ဈေးကွက်ပျက်ရတာဟာ မည်သူမပြုမိမိမှုဆိုသလို သူတို့ကိုယ်တိုင် ဂရုမစိုက်မှုကြောင့်သာ ဖြစ်ရတယ်လို့ဆိုတယ်။

ကမ္ဘာ့စီးပွားရေးက အခုထိ မခိုင်မာသေးပါ။ အမေရိကန်နိုင်ငံတခုတည်းသာ နလန်ထူပြီး ပြန်ကျန်းမာလာတာ။ သူ့ရဲ့အိမ်နီးချင်း ကနေဒါတို့၊ ဥရောပတို့ဆိုရင် ခုထိ နလံမထနိုင်ကြသေး။ ဂျပန်လည်း ထိုနည်းတူစွာ နလံထဖို့ ကြိုးစားနေရဆဲ။

နိုင်ငံအားလုံးက အသုံးစားရိတ်တွေခြွေတာပြီး စီးပွားရေးပြန်လည်ဦးမော့ဖို့ ကြိုးစားနေရတဲ့အချိန်မှာ တရုတ်က အသုံးစားရိတ်တွေ တိုးချဲ့ခဲ့ပါတယ်။ စစ်အသုံးစားရိတ်တွေ တိုးသုံးတယ်။ လျှပ်စစ်ရထားလမ်းတွေ တိုးချဲ့တယ်။ ဆောက်လုပ်ရေးတွေ တိုးချဲ့တယ်။ အဲဒီလို လုပ်ဖို့အတွက် စတော့တွေကို တိုးချဲ့ခွင့်ပေးခဲ့ပါသတဲ့။ ဈေးကွက်ထဲကို အလျှံပယ် ထပ်ရောက်လာတဲ့စတော့သစ်တွေကို ရောင်းရတဲ့ငွေတွေနဲ့ ဒီလို နိုင်ငံရဲ့ ဆောက်လုပ်ရေးအတွက်သုံးလိုက်တဲ့အတွက် အခုလိုအချိန်မျိုးမှာ တရုတ်ဗဟိုဘဏ်က ဝင်ထိမ်းသိမ်းနိုင်စွမ်း အားနည်းစေပါတယ်တဲ့။

မဆင်မခြင် ငွေတွေသုံးရတာကတော့ နိုင်ငံတကာအမြင်မှာ တိုးတက်တဲ့တရုတ်နိုင်ငံကြီးအဖြစ် ကြွားဝါချင်လို့ပါ တဲ့။ အကျင့်ပျက်ခြစားမှုကြောင့် မြန်မာပြည်လိုပဲ ဆီးသီးဗန်းခဏခဏ မှောက်တာလည်း တကြောင်းပါတယ်လို့ ဆိုတယ်။

အခုတော့ အကျင့်ပျက်ခြစားမှုတွေကို အရေးယူ။ အသုံးငွေတွေလျှော့။ ဘဏ်တိုးနှုန်းလျှော့။ ငွေတန်ဖိုးချနဲ့ အပြင်းအထန် ကျားကန်နေရပြီ။

ဆင်ပိန်ကျွဲလောက်မို့ တရုတ်စီးပွားရေးဟာ တဖြည်းဖြည်းတော့ ပြန်ကောင်းလာမယ်လို့ ယူဆကြပါတယ်။ ကမ္ဘာ့စီးပွားပျက်ကပ်လည်း ဖြစ်စရာမရှိပါဘူးတဲ့။ ရေနံဈေးကတော့ အမေရိကန်က ထုတ်လုပ်မှု ဖြတ်တောက်မယ်ဆိုတာနဲ့ လေးဆယ်ထိကျနေရာကနေ တစ်ပီပါကို ဒေါ်လာငါးဆယ်ထိ ပြန်ဖြစ်လာပြီ။

စတော့ဈေးကွက်ထောင်ဖို့ ကျိုးစားနေတဲ့ မြန်မာနိုင်ငံအတွက် အတုယူစရာပဲလို့ထင်လို့ သတင်းတွေထဲက တွေ့သမျှလေး ဝေငှပါတယ်။

ချစ်ခြင်းအားဖြင့်

မောင်လူပေ