ဆက်ကျဦးမဲ့ယွမ်
အမေရိကန်တရုတ်ကုန်သွယ်ရေးစစ်ပွဲက ပြီးဆုံးရန်လမ်းမမြင်သေး။ သမ္မတထရန့်က ဒေါ်လာဘီလီယံ၂၀၀ကျော်သော တရုတ်ပို့ကုန်များကို အထူးခွန်၁၀%ကောက်တော့မည်။ နှစ်ကုန်လျှင်နောက်ထပ်၁၅%တိုးကောက်မည်။
ဒီသတင်းတက်လာသည်နှင့် ဒေါ်လာရောယွမ်ပါ ဆင်းကြသည်။ ယွမ်က ပိုဆင်းသည်။ ၂၀%အထိ ထိုးကျခဲ့သော တရုတ်စတော့ရှယ်ယာများလည်း သက်သာဖွယ်မမြင်။ ဆောက်လုပ်ရေးတွေတိုး၍ အလုပ်လက်မဲ့ကိုကာကွယ်လေ့ရှိသော တရုတ်အစိုးရ၏ဗျူဟာကြောင့် လမ်းတံတားတွေတိုးဆောက်မည်မှန်းကြ၍ ဆောက်လုပ်ရေးရှယ်ယာတွေ ဈေးတက်သည်။ ကျန်သောစတော့များ အခြေအနေမကောင်း။တရုတ်စတော့များသည် ဗင်နီဇွဲလား၊ တူရကီ၊ အာဂျင်တီးနားတို့နှင့်အတူ အဆိုးဝါးဆုံးဈေးကျသည့်နိုင်ငံလေးခုစာရင်း ဝင်သွား၏။ တရုတ်စီးပွားရေးကကြီးမားသဖြင့် ကြီးစွာသော သက်ရောက်မှုတော့ ရှိမည်မဟုတ်။
ယွမ်က ထပ်ဆင်းမည်ဟုမှန်းကြသည်။ အခု တစ်ဒေါ်လာကို ၆.၈၅ပတ်လည်မှ မကြာမှီ ၇.၀ ယွမ်အထိ ရောက်ကိန်းရှိသည်။ ကံမကောင်းလျှင် ၇.၅ အထိ ဆင်းနိုင်သည်တဲ့။ ယွမ်တွေထိုးဆင်းသလို အိန္ဒိယ၊ ဘရာဇီး၊ တောင်အာဖရိက၊ အီရန် စသည်ဖြင့် ကမ္ဘာ့ငွေကြေးတွေ ထိုးဆင်းနေကြသည်။
မြန်မာငွေလည်း ထိုးဆင်းရန် လမ်းစတွေမြင်နေရပါသဖြင့် မကြာမီ ၁၆၀၀၊ ၁၇၀၀ ဖြစ်သွားမည်ကို စိုးရိမ်မိပါကြောင်း။
No comments:
Post a Comment