ဗိုလ်ချုပ်ကို ဘယ်သူသတ်ခဲ့သလဲ။

ဗိုလ်ချုပ်ကို ဘယ်သူသတ်ခဲ့သလဲ။

ဗိုလ်ချုပ်နဲ့ အာဇာနည်ကြီးတွေ လုပ်ကြံခံခဲ့ရသည်မှာ ယခုဆိုလျှင်(၇၁)နှစ်ရှိခဲ့ပြီ။ အမျိုးသားခေါင်းဆောင်ကြီးဖြစ်သည့် ဗိုလ်ချုပ်ကို လုပ်ကြံခဲ့သည့်သူတွေကတော့ မျိုးချစ်ပါတီခေါင်းဆောင်ကြီးဂဠုန်ဦးစော၏တပည့်များပင်။ ထို့ကြောင့် ဗိုလ်ချုပ်ကို မျိုးချစ်တွေသတ်ခဲ့သည်ဟုပြောလျှင်လည်း မှားမည်မထင်။

ဗိုလ်ချုပ်နှင့်အာဇာနည်များအကြောင်းကတော့ အများသိပြီးဖြစ်၍ အကျယ်ချဲ့ပြီး ရေးဖို့မလိုတော့။ သူတို့ကို လုပ်ကြံခိုင်းခဲ့သော အဓိကတရားခံ ဦးစောအကြောင်းကိုတော့ သိသူနည်းနေသေးပါ၏။ သင်ခန်းစာယူစရာအပြည့်ုဖြစ်သော သူ့ဘဝကို လေ့လာမိသမျှထဲမှ ဖေါက်သည်ချပါရစေ။

ဦးစောကို ၁၉၀ဝပြည့်နှစ်တွင် ကိုင်းကြီးရွာ၊ အုတ်ဖိုမြို့တွင် မွေးဖွားခဲ့ပြီး ခရစ်ယာန်သာသနာပြုကျောင်း၌ (၇)တန်းအထိ ပညာသင်ခဲ့သည်။ အင်္ဂလိပ်စာကို အိန္ဒိယနိုင်ငံ ကာလတ္ကတားမြို့သို့သွားရောက်လေ့လာခဲ့ပြီး ရှေ့နေလိုင်စင်ယူကာ ရှေ့နေဖြစ်လာ၏။ သာယာဝတီမြို့မဝံသာနုအသင်းအတွင်းရေးမှူး ဖြစ်သည်။ ဂျီစီဘီအေအကွဲတွင် (၂၁)ဦးပါတီဖက်မှပါဝင်ခဲ့သည်။ ဒိုင်အာခီအုပ်ချုပ်ရေးအတွက် ၁၉၂၅တွင်ပထမအကြိမ်ရွေးကောက်ပွဲဝင်ကာ ရှုံးနိမ့်ပြီး ၁၉၂၇ဒုတိယအကြိမ်မှ သာယာဝတီမဲဆန္ဒနယ်မှ မင်းတိုင်ပင်အမတ်အဖြစ် အရွေးခံရ၏။ ၁၉၂၉တွင် ဝါရင့်နိုင်ငံရေးသမား သာယာဝတီဦးပုကို နိုင်ကာ အမတ်အဖြစ်ဆက်လက်အရွေးခံရပြန်၏။

ဦးစောအမတ်ဖြစ်နေစဉ်ကာလ၌ သာယာဝတီနယ်မှ ဆရာစံဦးဆောင်သော တောင်သူလယ်သမား ဂဠုန်တပ်များက စုပေါင်း၍ အင်္ဂလိပ်အစိုးရကိုတော်လှန်ရာ လက်နက်အင်အားမမျှသဖြင့် ရက်စက်စွာချေမှုန်းခံရပြီး ဆရာစံလည်းအဖမ်းခံရသည်။ ဆရာစံဖက်မှ ရှေ့နေအဖွဲ့မှာ ဦးစောလည်းပါဝင်၏။ အင်္ဂလိပ်အစိုးရ၏ ရက်စက်မှုများကို လွှတ်တော်တွင် ပြင်းထန်စွာဝေဖန်ခဲ့သဖြင့် ထိုစဉ်က အင်္ဂလိပ်ပြည်ထဲရေးအတွင်းဝန်က မောင်စောလည်း ဂဠုန်ဖြစ်လာပြီဟု ပြောခဲ့ရာမှ ဂဠုန်ဦးစောဟု နာမည်တွင်လာခဲ့သည်။ (အင်္ဂလိပ်ကိုတော်လှန်ခဲ့သည့် လယ်သမားတို့၏ ဂဠုန်တပ်ဖွဲ့ဝင်တစ်ယောက် မဟုတ်ပါ။)

ဦးစောရာဇဝင်ကို ဆက်ရလျှင် နိုင်ငံရေးသမားဘဝမှ သူရိယသတင်းစာ၏ ရှယ်ယာများဝယ်ယူပြီး သူရိယသတင်းစာဒါရိုက်တာအဖွဲ့ဝင်ဖြစ်လာသည်။ လက်ကိုင်သတင်းစာဖြစ်စေရန် သတင်းစာမူဝါဒကို သူ့စိတ်ကြိုက် ပြောင်းလည်းခဲ့၏။ သူ့စိတ်ကြိုက်ကား အမျိုး၊ ဘာသာအတွက် သူဘယ်မျှ စွမ်းဆောင်နေသည်ကို လူသိစေရန် ဝါဒဖြန့်စေခြင်းပင်။

သူ့ရည်ရွယ်ချက်က နိုင်ငံ့ခေါင်းဆောင်ကြီးဖြစ်ရေးမို့ နောက်လိုက်တွေအများကြီးလိုသည်။ ဂဠုန်ဆရာစံ အသတ်ခံရပြီးနောက်ပိုင်းတွင် လယ်သမားထုကြီးမှာလည်း ခေါင်းဆောင်ကင်းမဲ့နေသည်။ သူ့ကိုလည်း ဂဠုန်စောအဖြစ် လူသိနေကြပြီ။ ထို့ကြောင့်လည်း ၁၉၃၆တွင် ဂဠုန်စစ်သူကြီးအဖြစ်ခံယူကာ ဂဠုန်တပ်၏ ဗိုလ်ချုပ်ဖြစ်လာ၏။ (ဂဠုန်တပ်ချုပ်ကြီးပေါ့။)

၁၉၃၆တွင် ကိုအောင်ဆန်းနှင့်ကိုနုတို့ကျောင်းထုတ်ခံရရာမှ ဒုတိယကျောင်းသားသပိတ်ကြီး ဖြစ်လာခဲ့ရာ ကျောင်းသားများနှင့် ရင်းနှီးမှုရရေးအတွက် ကျောင်းသားခေါင်းဆောင်များကို အိမ်သို့ဖိတ်ပြီး အပျော်အပါးများဖြင့် ဆွဲဆောင်ခဲ့ရာ ကိုအောင်ဆန်းတို့က လက်မခံခဲ့။ (ဗိုလ်ချုပ်ကြီးနေဝင်း၏ အဓိကနိုင်ငံရေးဆရာ သခင်ဗစိန်တစ်ဦးသာလျှင် ဦးစောဖက်သို့ ယိမ်းခဲ့သည်။)

၁၉၃၈ခုနှစ်တွင် ပြည်သူအများကို ဆွဲဆောင်နိုင်မည့်အမည်ဖြစ်သော မျိုးချစ်ပါတီကိုဖွဲ့စည်း၍ ဌာနချုပ်ကို ဦးစော၏အိမ်ရှိရာ အမှတ်(၄) အေဒီလမ်း၊ မရမ်းကုန်းမြို့နယ်သို့ ထားရှိခဲ့၏။ (ဗိုလ်ချုပ်ကြီးနေဝင်း၏ အိမ်တော်လည်း အေဒီလမ်းအတွင်းမှာပဲ တည်ရှိပါသည်။) ထိုစဉ်က နာမည်ကြီးနိုင်ငံရေးသမားကြီးများဖြစ်သော ဝတ်လုံတော်ရဦးအေး၊ ဖျာပုံသူဌေးဦးအုန်းခင်၊ ဟသာင်္တဦးမြ၊ ပဲခူးဦးစိန်ဝင်းတို့လည်းပါဝင်ခဲ့သည်။

၁၉၃၉ခုနှစ်တွင် ဒေါက်တာဗမော်ညွန့်ပေါင်းအစိုးရပြုတ်ကျပြီး ဦးပုအစိုးရတက်လာရမှ လယ်ယာနှင့်သစ်တောဝန်ကြီး ဖြစ်လာလေသည်။ လွှတ်တော်တွင်းရှိအမတ်အပေါင်းအား သူ့ဖက်ပါအောင် လူမျိုးရေး၊ ငွေ၊ မိန်းမ၊ အရက်မျိုးစုံဖြင့် စည်းရုံးနိုင်ခဲ့သည်။ နောင် တစ်နှစ်အကြာ ၁၉၄၀တွင် နန်းရင်းဝန် ရွှေကျင်ဦးပုအစိုးရကို အယုံအကြည်မရှိအဆို တင်သွင်းဖြုတ်ချခဲ့ကာ သူကိုယ်တိုင် နန်းရင်းးဝန်ဖြစ်လာခဲ့လေ၏။ သူ့ရည်ရွယ်ချက်အတိုင်း အစိုးရခေါင်းဆောင်ကြီး ဖြစ်လာခဲ့ပြီ။

နန်းရင်းဝန်ဦးစော၏ အမျိုးဘာသာကာကွယ်ရေးလုပ်ရပ်အဖြစ် မြန်မာအမျိုးသမီးများကို စောင့်ရှောက်ရန်ဟုဆိုကာ မျိုးစောင့်ဥပဒေတစ်ခုပြဌာန်းခဲ့ပါ၏။ ' ဗုဒ္ဓဘာသာမြန်မာအမျိုးသမီးများ ထိမ်းမြားလက်ထပ်ခွင့်ဥပဒေ' ဟုအမည်ရပြီး ယခုတိုင် အသက်ဝင်ဆဲ။ (မျိုးစောင့်ဥပဒေအစ ဦးစောကဟု ခေါ်သင့်ပါသည်။)

ထိုနှစ်အတွင်းမှာပင် ဂျပန်နိုင်ငံမှ ဗိုလ်မှူးကြီးဆူဇူကီး(ဗိုလ်မိုးကြိုး)ရောက်လာသဖြင့် ခေါ်ယူတွေ့ဆုံပြီး မြန်မာပြည်ကို ဂျပန်မှကူညီပေးရန်တောင်းဆိုခဲ့သေးသည်။ (ဗိုလ်ချုပ်တို့လို့ စစ်ပညာသင်ရန်တော့ အကြံရခဲ့ပုံမရှိ။)

၁၉၄၁ခုနှစ် အောက်တိုဘာလတွင် အိုင်စီအက်စ်ဦးတင်ထွဋ္ဋ်( ဗိုလ်ချုပ်တို့ကျဆုံးပြီးမကြာမှီ လုပ်ကြံခံရသူ) ခေါင်းဆောင်သောအဖွဲ့နှင့်လိုက်ပါကာ အင်္ဂလန်တွင် ဝန်ကြီးချုပ်အက်တလီနှင့်တွေ့ဆုံ၍ စစ်ကြီးပြီးလျှင် မြန်မာပြည်အား ဒိုမေနီယန်အုပ်ချုပ်ရေးပေးရန် တောင်းဆိုသော်လည်း မရခဲ့။ အင်္ဂလန်မှ အပြန်တွင် ပေါ်တူဂီနိုင်ငံ လစ္စဘွန်းမြို့ရှိ ဂျပန်သံအမတ်နှင့်တွေ့ဆုံပြီး မြန်မာနိုင်ငံသို့ ဂျပန်များဝင်ရောက်လာပါက အကူအညီပေးမည်ဖြစ်ကြောင်း ပြောကြားခဲ့၏။ ထိုသတင်းကို အင်္ဂလိပ်စုံထောက်များ သိရှိသွားရာက ဂျပန်သံရုံးနှင့် ဆက်သွယ်မှုဖြင့် ပါလက်စတိုင်းပြည်နယ်(ယခုအစ္စရေး) တွင်အဖမ်းခံရပြီး မျိုးချစ်ခေါင်းဆောင်ကြီးမှာ မြန်မာပြည်ပြန်ခွင့်အပိတ်ခံရပြီး အာဖရိကရှိ ယူဂမ်ဒါနိုင်ငံသို့ ပြည်နှင်ဒါဏ်ပို့ခြင်း ခံခဲ့ရ၏။ နောင်ငါးနှစ်အကြာ ဒုတိယကမ္ဘာစစ်ကြီးအပြီး ၁၉၄၆ခုနှစ်ဦးပိုင်းရောက်မှ မြန်မာပြည်သို့ ပြန်ရောက်ခဲ့ရသည်။

နန်းရင်းဝန်ဟောင်းဦးစော မြန်မာပြည်သို့ပြန်ရောက်ချိန်တွင် မြန်မာ့နိုင်ငံရေးအခြေအနေက များစွာပြောင်းသွားပြီဖြစ်၏။ နိုင်ငံရေးသမားတွေနေရာတွင် ကျောင်းသားခေါင်းဆောင်တွေ နေရာယူနေကြပြီ။ ဗိုလ်ချုပ်အောင်ဆန်းဦးဆောင်သော ဖဆပလအဖွဲ့ကြီးက နေရာယူခဲ့ပြီ။ ဦးစောအတွက် နေရာမရှိတော့။

သူ့အတွက် ဗိုလ်ချုပ်တို့က နိုင်ငံရေးတွင် ချာတိတ်အဆင့်။ သူသာအမျိုးကိုချစ်သူ၊ တကယ့်နိုင်ငံရေးကို နားလည်သူဟု ယူဆသည်။ ထို့ကြောင့် မျိုးချစ်ပါတီကို ပြန်လည်ဖွဲ့စည်းပြီး ၁၉၄၆ခုနှစ် စက်တင်ဘာလ(၁၂)ရက်နေ့တွင် မြန်မာပြည်ဘုရင်ခံချုပ် ဆာဟူးဘတ်ရန့်နှင့်တွေ့ဆုံကာ သူသာလျှင် နန်ရင်းဝန်မို့ အာဏာကို ပြန်ပေးဖို့တောင်းဆိုခဲ့၏။ ဘုရင်ခံချုပ်က လက်မခံ။ အာဏာရလိုလျှင် ရွေးကောက်ပွဲဝင်ပါဟူသော အဖြေသာလျှင်ရခဲ့သည်။

နန်းရင်းဝန်ဦးစောက အာဏာပြန်အပ်ဖို့ တောင်းဆိုသည်ကို မကြိုက်သည့် ပြည်သူ့ရဲဘော်အဖွဲ့မှ လူတစ်ချို့(စာရေးဆရာရန်ကုန်ဗဆွေနှင့် ပေဖူးလွှာအယ်ဒီတာချုပ်ဦးမြလှိ်ုင် ဟု သိရ)က စက်တင်ဘာ(၂၁)ရက်နေ့တွင် အထက(၂) စမ်းချောင်း( စိန့်ဖလိုမီနာကျောင်း) ရှေ့မှာ ပစ်ခတ်ခဲ့သဖြင့် မျက်လုံးတွင် ရှပ်မှန်ဒါဏ်ရာရခဲ့သည်ကို ဗိုလ်ချုပ်ကိုယ်တိုင် ခိုင်းစေသည်ဟု အထင်မှားကာ ဗိုလ်ချုပ်ကို အညိုးထားခဲ့လေသည်။

ဘုရင်ခံချုပ်ကို အာဏာတောင်းခဲ့သည်ကတော့ အလဟသ မဖြစ်ခဲ့။ စက်တင်ဘာ(၂၆)ရက်နေ့၌ ဘုရင်ခံ၏အမှုဆောင်ကောင်စီတွင် ပညာရေးဝန်ကြီးအဖြစ် ဘုရင်ခံမှ တာဝန်ပေးခြင်းခံရ၏။ သို့သော် သူဖြစ်လိုသည်က ပညာရေးဝန်မဟုတ်။ နန်းရင်းဝန်ခေါ် ဝန်ကြီးချုပ်ရာထူးဖြစ်၏။ ထိုရာထူးပြန်ရရေးအတွက် ဗိုလ်ချုပ်ကို နည်းမျိုးစုံဖြင့် ဆန့်ကျင်လေတော့သည်။

၁၉၄၇ ဇန်နဝါရီ(၉)ရက်တွင် အင်္ဂလိပ်အစိုးရဖိတ်ကြားချက်အရ မြန်မာ့လွတ်လပ်ရေးဆွေးနွေးရန် ဗိုလ်ချုပ်ဦးဆောင်သော ကိုယ်စားလှယ်အဖွဲ့တွင် လိုက်ပါသွားပြီး 'အောင်ဆန်း၊ အက်တလီစာချုပ်'ကို သူနှင့် သခင်ဗစိန်(သူ့ဖက်ကို ၁၉၃၆ခုနှစ်ထဲက ပါခဲ့သူ)က ကန့်ကွက်ကာ လက်မှတ်မထိုးခဲ့။ မြန်မာပြည်ပြန်ရောက်ပြီး ဖေဖေါ်ဝါရီ(၁၉)ရက်တွင် သခင်ဗစိန်နှင့်အတူ အစိုးရအဖွဲ့မှ နှုတ်ထွက်ကြသည်။ သခင်ဗစိန်၊ ဒေါက်တာဗမော်တို့နှင့်အတူ ' မဟာဗမာ' ဟူသော အဖွဲ့ကြီးတည်ထောင်ပြီး ဗိုလ်ချုပ်ခေါင်းဆောင်သော ဖဆပလအဖွဲ့ချုပ်ကို ပြင်းထန်စွာဆန့်ကျင်တိုက်ခိုက်ခဲ့ကြသည်။ ထို မဟာဗမာအဖွဲ့ကို သတင်းစာများက 'စောစိန်မော်ဂိုဏ်း' ဟုသာ ကင်ပွန်းတတ်ခဲ့လေ၏။ အထွေထွေရွေးကောက်ပွဲကြီး၌မူ ဗိုလ်ချုပ်ဦးဆောင်သော ဗဆပလအဖွဲ့ချုပ်အား အကြီးအကျယ် ရှုံးနိမ့်ခဲ့လေသည်။

ထိုအခါ မျိုးချစ်ပါတီခေါင်းဆောင်ကြီးဦးစော၏ ကိုယ်ပိုင် လက်ကိုင်တုတ်တပ်ဖြစ်သော ဂဠုန်တပ်မတော်ကို တပည့်ကြီးစောရန်နိုင်အား တပ်ဗိုလ်ချုပ်အဖြစ် ဦးစီးစေ၏။ သူ့တပည့်အပေါင်းကလည်း အမျိုးဘာသာအတွက် တပည့်ခံကြသူများကအနည်းစုဖြစ်ပြီး အာဏာနှင့်ငွေကြေးအတွက် တပည့်ခံသူက အများစုဖြစ်ရကား သူခိုင်းလျှင် ဘာမဆိုလုပ်မည့်သူက အများစု။ တိုင်းပြည်လူမျိုးအတွက်ထက် ငါသာအာဏာရရေးအတွက်သာ စဉ်းစားနေသူ ဦးစောကား အမျိုးဘာသာရှေ့တန်းတင်ရင်း ပြည်ဖျက်ရန်အကြံကို ကြံစည်တော့သည်။

ဗိုလ်ချုပ်တို့ကိုသတ်ပြီးလျှင် ဘုရင်ခံချုပ်က သူ့ကိုခေါ်ပြီး အစိုးရအဖွဲ့ကို ဦးဆောင်စေမည်ဟု ယူဆခဲ့၏။ သူထင်သလိုကားမဖြစ်ခဲ့။ ဘုရင်ခံချုပ်က ရွေးကောက်ပွဲအနိုင်ရ ဖဆပလအဖွဲ့၏ ဒုတိယဥက္ကဌ ဦးနုကိုသာခေါ်ယူပြီး ဦးဆောင်စေခဲ့သည်။

ဗိုလ်ချုပ်တို့ကို လုပ်ကြံအပြီး ဇူလိုင်(၁၉)ရက် ညနေမှာပင် မြန်မာပြည်ရာဇဝတ်မင်းကြီးဦးလှထွန်းအောင်သည် သောင်းကျန်းမှုနှိုမ်နှင်းရေးပုလိပ်အဖွဲ့ကိုဦးစီးကာ ပြည်လမ်း (၇)မိုင် အေဒီလမ်းရှိ မျိုးချစ်ပါတီခေါင်းဆောင်ကြီးဂဠုန်ဦးစောအိမ်သို့ ဖမ်းဝရမ်းဖြင့်သွားရောက်ကြရာ အိမ်အတွင်းမှ တပည့်များက အဖမ်းးမခံပဲ ပြန်လည်ခုခံကြသဖြင့် ပုလိပ်များနှငိ့ အပြန်အလှန်ပစ်ခတ်ကြရင်း ဦးစော၏ တပည့်ကျော် ဂဠုန်တပ်ဗိုလ်ချုပ်စောရန်နောင် ထွက်ပြေးလွတ်မြောက်( နောက်ပိုင်းမှာ အသေဖမ်းဆီးရရှိ)ကာ တပည့်သုံးဦးဒါဏ်ရာရသည်။ အခြေအနေကို အကဲခတ်မိသူ ဦးစောက ဆက်လက်မခုခံတော့ပဲ အဖမ်းခံသည်။

ဗိုလ်ချုပ်တို့အသက်ကို အလွယ်တကူလုပ်ကြံခဲ့သူ မျိုးချစ်ခေါင်းဆောင်ကြီးကား သူ့အသက်အတွက်မှာတော့ အင်္ဂလန်မှ ဝတ်လုံများငှားကာ ခုခံခဲ့သည်။ သူ၏ အဆက်အသွယ်များကြောင့် အမှုမှ အလွယ်တကူလွတ်မည်ဟုလည်း ယူဆခဲ့သည်။ သို့သော် သူထင်သလိုဖြစ်မလာခဲ့။ သေဒါဏ်စီရင်ခြင်းခံရသည်။ အယူခံလည်း ရှုံးနိမ့်သည်။

စစ်ဝတ်စုံများဝတ်ထားပြီး စစ်ကားဖြင့် အတွင်းဝန်ရုံးအတွင်းဝင်ရောက်ကာ ဗိုလ်ချုပ်တို့ကို လုပ်ကြံခဲ့သည့် အဓိကတပည့်များဖြစ်သော ရန်ကြီးအောင်၊  မောင်သိန်း(ခ)စိန်ကြီး၊ သက်နှင်း၊ မောင်စိုး၊ မှုန်ကြီး တို့လည်း ဦးစောနှင့်အတူ သေဒါဏ်ပေးခံခဲ့ရ၏။

အမျိုး ဘာသာနာမည်ခံပြီး မျိုးချစ်ပါတီတည်ထောင်ခဲ့သူ နန်ရင်းဝန်ဟောင်း ဂဠုန်ဦးစော၏ ဘဝကား ဤသို့အဆုံးသတ်ခဲ့ရသည်။ ဦးစော၏ သားမြေးမြစ်များတိုင် ခေါင်းမဖေါ်နိုင်ပဲ ပြည်သူ့အမုန်းဒါဏ် ခံယူနေကြရဆဲ။ ယနေ့တိုင် မည်သူမျှ ဦးစော၏ အမျိုးဖြစ်ကြောင်း ထုတ်ဖေါ်မပြောရဲခဲ့ကြ။ (ဦးစော၏မြေးဖြစ်သူ မင်းသားငယ်လေးတစ်ယောက် ပေါ်ပေါက်ခဲ့ဖူးသော်လည်း ဦးစော၏မြေးတော်စပ်ကြောင်း ထုတ်ဖေါ်မပြောရဲခဲ့ရှာ။ သူနှင့်ဘာမျှမပတ်သက်ခဲ့သော သမိုင်းအမွေဆိုးဒါဏ်ကို ခံခဲ့ရရှာသည်။)

ယခုလို အာဇာနည်နေ့ရောက်တိုင်း မျိုးချစ်ခေါင်းဆောင်ကြီးဦးစော၏ အမျိုးများမှာ အနေအထိုင် အသွားအလာ အပြောအဆို ဆင်ခြင်ကြရသည်ဟု ကြားသိဖူး၏။ ဦးစော၏ မိုက်ပြစ်ကို မဆိုင်သူတွေအထိ ပေးဆပ်နေကြဆဲ။

ဦးစောသည် နိုင်ငံရေးနယ်ထဲဝင်ရောက်ပြီး အောင်မြင်လာသောအခါ ရလာသောအခွင့်အရေး၊ ငွေကြေး၊ အာဏာတို့၏ ဒါဏ်ကို မတွန်းလှန်နိုင်တော့ပဲ အမှားအမှန်မသိဖြစ်ခဲ့ရခြင်းပင်။ အာဏာရရှိရေးအတွက် နိုင်ငံကို ဖျက်ဆီးဖို့လည်းဝန်မလေးတော့။ ဗိုလ်ချုပ်တို့လို ပြည်သူ့အချစ်တော် ခေါင်းဆောင်များကို အမုန်းကြီးမုန်းပြီး မျိုးချစ်မျက်နှာဖုံးကွာကျကာ လုပ်ကြံခဲ့သည်။

ယခုခေတ်တွင်လည်း အမျိုးဘာသာဟူသော ပြည်သူ့အကြိုက်ဆောင်ပုဒ်များ ရှေ့တန်းတင်ရင်း မိမိတို့စွန့်လွှတ်ခဲ့ရသော အာဏာကို ပြန်လည်ရရှိရေးအတွက် နည်းမျိုးစုံဖြင့် ကြိုးပမ်းနေကြသည်ကို တွေ့နေရဆဲ။ တရားသောနည်းနှင့်မရနိုင်လျှင် မတရားသောနည်းဖြင့် ရယူရန်လည်း ဝန်လေးကြမည်မဟုတ်။ တိုင်းပြည်ပျက်မှ ဖျာဝင်ခင်းရန် အခွင့်ရမည်မို့ တိုင်းပြည်ပျက်ရန်စောင့်နေကြသည်မှာ မနည်းလှ။ အမျိုးဘာသာအတွက် လုပ်ကိုင်ဆောင်ရွက်နေကြသူများပင် ထိုထို အမည်ခံပုဂ္ဂိုလ်တို့ကြောင့် နာမည်ပျက်ပြီး ဘေးရောက်ကုန်ကြသည်အထိ တွေ့ရသည်။

ထို့ကြောင့်လည်း ဗိုလ်ချုပ်တို့ကို လုပ်ကြံခဲ့သည့်အမည်ခံမျိးချစ်တို့၏ လုပ်ရပ်ကို သင်ခန်းစာယူပြီး နောက်နောင် ဒီလိုအဖြစ်ဆိုးများမှ ကင်းဝေးရေးအတွက် ပြည်သူအများမှ ကာကွယ်ရေးသတိဖြင့် အမြဲရှိနေဖို့ လိုအပ်မည်ဖြစ်ပါကြောင်း။

ချစ်တဲ့

မောင်လူပေ

(Credit- ဝီကီပီးဒီးယား၊ သန်းဝင်းလှိုင်၏ ဂဠုန်ဦးစော၏ နောက်ဆုံးနေ့များ၊ ဦးစောကို လုပ်ကြံရန် ကြိုးစားခဲ့သူ ရန်ကုန်ဗဆွေ)