သူတို့အဘတွေက တက်လာထဲက အဲဒီအနုပညာရှင်တွေကို အသုံးချနေတာ။ ဝါဒဖြန့်ကားတွေမှ တလှေကြီး။ ပါပီမ၊ တိန်ကော့နော်ဂျာ၊ ဘာညာဘာညာ တလှေကြီး။ နိုင်ငံတော်ကားဆိုပြီး စိတ်ဓါတ်စစ်ဆင်ရေး လုပ်ခဲ့တာ နှစ်ပေါင်းများစွာ။ လူထုကို ဝါဒမှိုင်းတွေ တိုက်ပြီး ကယ်တင်ရှင် ဝင်လုပ်သွားတဲ့ အဘတွေက အဲဒီအနုပညာရှင်တွေကို အသုံးချပြီး မြေကွက်လေးချပေးလိုက်၊ ဖုန်းလေးချပေးလိုက်၊ အကယ်ဒမီလေး ပေးလိုက်နဲ့ လုပ်နေတုန်းက အိပ်ပျော်နေပြီး အခုမှ အာရုံနောက်အောင် ကန့်ကွက်နေတယ်။
ပြည်သူ့အနုပညာရှင်တဲ့လား။ ဟုတ်တယ်။ သူတို့တွေ ပြည်သူအများစုဖက်က ရပ်တည်နေတဲ့ ပြည်သူ့ အနုပညာရှင် စစ်စစ်တွေ။ ပြည်သူအများစုကြီး ခံစားနေရတဲ့ ဆင်းရဲ ဒုက္ခတွေကို ကြည့်နေမြင်နေရတာ စိတ်မချမ်းသာလို့ ပြောင်းလည်းချိန်တန်ပြီ ဆိုပြီး ရှေ့ထွက်ရပ်ပြတာ။
အနုပညာရှင်တွေ ကြားနေရမယ်တို့၊ ဂျာနယ်လစ်တွေ ကြားနေရမယ်တို့ဆိုတာ ဝါဒဖြန့်လှိုင်းတွေနဲ့ လုပ်စားနေတဲ့ သူတွေပဲ ပြောကြတာ။ တကယ် ဒီမိုကရေစီစနစ်ကို သွားနေတဲ့ နိုင်ငံတိုင်းမှာ ဘယ်အနုပညာရှင်၊ ဘယ် ဂျာနယ်လစ်မှ ကြားမနေဘူး။ ကိုယ်ကြိုက်တဲ့သူ၊ ကိုယ်ကြိုက်တဲ့ပါတီကို လွတ်လပ်စွာ မဲဆွယ်ခွင့်ရှိတယ်။
အမေရိကန်မှာ ချာလီ ချက်ပလင်တို့ အသံတိတ် မင်းသားတွေ ခေတ်ကစပြီး နိုင်ငံရေးလုပ်တယ်။ မဲဆွယ်တယ်။ အခုလည်း ရွေးကောက်ပွဲနီးရင် ဘယ်မင်းသား၊ ဘယ်အဆိုတော်က ဘယ်ပါတီအတွက် မဲဆွယ်တယ် ဆိုတာ တွေ့ရလိမ့်မယ်။ ကောင်းဘွိုင်မင်းသားကြီး ကလင့်အိဝုဒ်တောင် စင်ပေါ်မှာ လူမရှိတဲ့ခုံကြီးတင်ပြီး အိုဘားမားကို လှောင်သွားသေးတယ်။ ကြည့်ချင်ရင် ယူကျူ့မှာ ရှာကြည့်။ သတင်းစာတွေကလည်း သူတို့ထောက်ခံတဲ့ ပါတီ၊ အမတ်လောင်းကို ရွေးကောက်ပွဲနီးရင် ဘယ်သူ့ကို ထောက်ခံကြောင်း ထည့်ပေးတယ်။ ဘယ်ဂျာနယ်၊ သတင်းစာမှ ကြားမနေဘူး။
ဟိုလူကြားနေသင့်တယ်။ ဒီလူ ကြားနေသင့်တယ်ဆိုတာ တောမှာသွားပြော။
No comments:
Post a Comment