ကလေးဆိုးကြီးဒေါ်နယ်

ကလေးဆိုးကြီး

အမေရိကန်သမ္မတထရန့်ကို ကလေးဆိုးကြီးနဲ့ တင်စားကြသဗျ။ တကယ့်ကလေးဆိုးကြီးလိုပဲ။ သူလုပ်ချင်ရာ လုပ်တဲ့သူ။ သူလိုချင်တာ မရလို့ကတော့ ဘယ်သူဖြစ်ဖြစ်ဖြုတ်မှာ။

ရီဗာပလီကင်ပါတီလို့ခေါ်တဲ့ ရှေးရိုးစွဲဝါဒီတွေကြီးစိုးတဲ့ပါတီက သမ္မတလောင်းဝင်ရွေးပြီး သမ္မတဖြစ်လာတာပေမဲ့ ဒီပါတီက လူကြီးတွေကလည်း သူနဲ့အဆင်ပြေလှတာမဟုတ်။ အခုလည်း သူတို့ပါတီကြီးစိုးထားတဲ့ အောက်လွှတ်တော်ရဲ့ ပြောရေးဆိုခွင့်ရှိသူ ( House Speaker ) ဖြစ်တဲ့ ပေါလ်ရိုင်ရန် ( Paul Ryan ) က လာမဲ့ mid-term ရွေးကောက်ပွဲမှာ ဆက်ပြီးအရွေးမခံတော့ဘူးလို့ ကြေညာပြီး ထရန့်နဲ့ ညောင်ညိုပင်လမ်းခွဲဇာတ်ကို စပါပြီ။

အမေရိကားမှာ အောက်လွှတ်တော်ရဲ့ပြောရေးဆိုခွင့်ရှိသူဆိုတာ နံပါတ်သုံးနေရမှာရှိတာဗျ။ မြန်မာပြည်မှာဆိုရင် ဒုတိယသမ္မတ(၂)လိုနေရာမျိုးပဲ။ အောက်လွှတ်တော်အမတ်နေရာက ထွက်ပြီဆိုရင် ဒီနေရာကို ပြန်မရနိုင်တော့ဘူး။

တကယ်တော့ ပေါလ်ကလည်း သမ္မတလောင်းဝင်ရွေးခဲ့သူပဲ။ သမ္မတလောင်းရွေးပွဲမှာ ထရန့်ကို ရှုံးခဲ့သူပေါ့။ ဒါပေမဲ့ သူက ဆက်ဆံရေးညက်တယ်။ တဖက်က ဒီမိုကရက်တွေနဲ့လည်းအဆင်ပြေတယ်။ သမ္မတထရန့်လို့ ပေါက်ပန်းဈေးပါးစပ်နဲ့ တွေ့ကရာလူကို ဝေဖန်တိုက်ခိုက်နေသူမဟုတ်ဘူး။ ဒါကြောင့် ဒီလိုနံပါတ်သုံးနေရာကို ရခဲ့တာ။

ဒီနေရာရပေမဲ့လည်း သူနဲ့ထရန့်က သိပ်ပြီးအဆင်တွေပြေတဲ့သဘောမရှိခဲ့ပါဘူး။ ထရန့်ရဲ့ အပြောမတတ်မှုတွေကြောင့် ပြသနာတက်တိုင်း နောက်ကနေပြီး ဖြေရှင်းနေရတဲ့သူ အဆင့်ပါပဲ။

ထရန့်ကတော့ သူ့ဝသီအတိုင်း သူကောင်းတယ်ထင်ရင် လွှတ်ပြီးချီးမွမ်းမယ်၊ သူမကြိုက်တော့ရင်ဖြုတ်မယ်၊ သူ့ကို ဝေဖန်တိုက်ခိုက်တဲ့ သတင်းဌာနတွေကို ရန်လုပ်မယ်၊ သတင်းတုတွေလို့ တွီတာ(Tweeter)မှာရေးမယ်။ အမေရိကန်သမ္မတတွေထဲမှာ နေ့တိုင်းလိုပဲ ကလေးတစ်ယောက်လို သူ့စိတ်ထဲမှာရှိသမျှကို တွိ(tweets)လုပ်တဲ့ ရှားပါးသမ္မတထရန့်ပေါ့။ တော်သေးရဲ့။ Facebook မသုံးလို့။ နို့မို့ဆို Facebook မှာပါ သူရဲ့ status တွေ ဖတ်နေရမှာ။

ထရန့်ရဲ့ You’re fire. နဲ့မတွေ့ချင်ပဲတွေ့သွားသူတွေ အများကြီးထဲမှာ သူမပါပေမဲ့ အတူတွဲလုပ်ဖို့ စိတ်ကုန်သွားပြီမို့ အစောကြီးထဲက ညောင်ညိုပင်လမ်းခွဲလိုက်တာ။ ပြောင်းလဲချိန်တန်ပြီဆိုတာ အမေရိကားရဲ့ သမ္မတထရန့်ဦးဆောင်တဲ့အစိုးရကြီးမှအစစ်။ ခဏခဏ လူပြောင်းလွန်းလို့ လူသစ်တွေကို မနည်းလိုက်မှတ်နေရတယ်။

အခုလည်း တွိပြန်ပေါ့။ ရုရှားရေ၊ စောင့်နေပေတော့၊ ပိုသစ်ပြီး စွမ်းရည်မြင့်တဲ့ အမေရိကန်ဒုံးပျံတွေ ဆီးရီးယားကို လာမယ်တဲ့။

ဆီးရီးယားပြသနာက ဇာတ်ရှုတ်ကြီးပါ။ ပြသနာပေါင်း သောင်းခြောက်ထောင်နဲ့သပွတ်အူလိုက်နေတဲ့နိုင်ငံတွေမှာ အာဏာရှင်တွေ ကြာရှည်တတ်ပါတယ်။ မြန်မာပြည်လိုပေါ့။ ဒီလို သပွတ်အူနိုင်ငံထဲမှာ ဆီးရီးယားပါတယ်။

ဆီးရီးယားမှာ ဆွန်နီမွတ်စလင်တွေလူများစုရှိပေမဲ့ လူနည်းစုရှီးယားမွတ်စလင်အစိုးရက အုပ်ချုပ်နေတယ်။ အရှေ့အလယ်ပိုင်းက နှစ်ပေါင်းထောင်ချီ ယဉ်ကျေးမှုတွေနဲ့ပြည့်နေတဲ့နိုင်ငံတစ်ခုပီပီ ဖြေရှင်းမရနိုင်တဲ့ပြသနာပေါင်းစုံကလည်း ထောင်ချီရှိတယ်။ နိုင်ငံရေးပြသနာကသာ ဖြေရှင်းလို့လွယ်နိုင်ပေမဲ့ ဘာသာရေးပြသနာက ဖြေရှင်းဖို့မလွယ်။

အလီအသတ်ခံရဲ့တဲ့ အာဏာလုပွဲကနေ ဆွန်နီ၊ ရှီယားဆိုပြီး မွတ်စလင်တွေကွဲခဲ့ကြတာ ဒီနေ့ခေတ်ထိ မပြီးသေးပါဘူး။ ရှီယားက လူနည်းစုမို့ ပိုစည်းရုံးကြတယ်။ ရှီယားမွတ်စလင်တွေရဲ့ခေါင်းဆောင်က အီရန်၊ ဆွန်နီမွတ်စလင်တွေရဲ့ခေါင်းဆောင်က ဆော်ဒီအာရေဗျ။  သူတို့တွေရဲ့အားပြိုင်ပွဲက ယီမင်ပြည်တွင်းစစ်ရယ်၊ အခုဖြစ်နေတဲ့ ဆီးရီးယား ပြည်တွင်းစစ်ရယ်ပေါ့။

အာဏာရှင် ဆီးရီးယားသမ္မတအာဆတ်ကို ဖြုတ်ချဖို့ ကြိုးစားနေတာ အာရပ်နွေဦးဖြစ်ခဲ့တဲ့အချိန်ကစတယ်။ အခုတော့ ပြည်သူသန်းပေါင်းများစွာ ထွက်ပြေးနေရပြီး ငါးသိန်းကျော်လောက် သေခဲ့ကြပြီးတဲ့အထိ မပြီးနိုင်သေး။

ခွဲထွက်ဖို့လိုလားတဲ့ ဆွန်နီတိုက်ခိုက်ရေးသမားတွေကို အမေရိကားကထောက်ပံ့တယ်။ သူတို့တွေကလည်း အဖွဲ့တွေများစွာရှိသလို အချင်းချင်းမတည့်ကြ။ ဒါပေမဲ့ဆွန်နီမွတ်စလင်တွေမို့ ဆော်ဒီလိုနိုင်ငံတွေ ဝင်ကူညီနေတယ်။ ဆီးရီးယားအစိုးရကိုတော့ ရှီယားခေါင်းဆောင်အီရန်ရယ်၊ ရုရှားရယ်က ထောက်ပံ့နေတယ်။ ဒီအဖွဲ့တွေအပြင် သီးခြားနိုင်ငံထူထောင်ဖို့လိုလားတဲ့ ကတ်သူပုန်တွေလည်း ရှိသေးတယ်။သပွတ်အူ ပြသနာတွေ။

ဆီးရီးယားက ရုရှားရဲ့အကျိုးစီးပွားတွေအများကြီးရှိတဲ့နိုင်ငံ။ ဒါကြောင့် သူ့အကျိုးအတွက် ရုရှားက ဝင်ပါနေမှာပဲ။ ပင်လယ်နက်ရဲ့ထွက်ပေါက်၊ ရေနံသိုက်တွေ၊ စစ်စခန်းတွေ အများကြီး။ အရှေ့အလယ်ပိုင်းမှာ ရုရှားရဲ့သြဇာခံနိုင်ငံဆိုလို့ ဒီနိုင်ငံပဲကျန်တာ။ ဘယ်လျှော့မလဲ။

အခုလည်း ဆီးရီးယားမှာအဆိပ်ငွေ့သုံးတယ်ဆိုတဲ့ စွတ်စွဲချက်နဲ့ အမေရိကားက ဒုံကျည်တွေပစ်ပေဦးမယ်။

အရင်နှစ်ကတော့ ရုရှားတွေကို ကြိုတင်အသိပေးရှောင်ခိုင်းပြီး တစ်စင်းကိုဒေါ်လာတစ်သန်းကျော်တန်ဖိုးရှိတဲ့ တိုမားဟော့(Tomahawk)ဒုံးကျည်ပေါင်း ၅၉စင်းကို မြေထဲပင်လယ်ထဲက စစ်သဘောင်္တွေကနေ ဆီးရီးယားလေတပ်စခန်းတစ်ခုကို ပစ်ခဲ့ဖူးတယ်။

အခုနှစ်မှာတော့ ဆီးရီးယားကို ဒုံးကျည်နဲ့ပစ်ရင် ပစ်ချမယ်လို့ ရုရှားကပြောထားလေရဲ့။ ထရန့်ကတော့ သူပစ်မဲ့ဒုံးကျည်ကို ပစ်ချဖို့အတွက် အသင့်ပြင်ထားတော့လို့ တွိလိုက်ပါပြီ။ တကယ်ပစ်ချနိုင်စွမ်း ရှိမရှိကတော့ မကြာခင် သိရတော့မယ်။

အမေရိကားရဲ့ တိုမာဟော့ဒုံးကျည်ကို ပစ်ချနိုင်ရင် ရုရှားရဲ့ ဒုံးခွင်းဒုံးစနစ်နာမည်ရမယ်။ မပစ်ချနိုင်ရင် အမေရိကန်ဒုံးကျည်က ဆက်လက်ပန်းပန်မယ်။ လက်နက်ဈေးကွက်မှာ ပြိုင်နေတဲ့ နိုင်ငံနှစ်ခုရဲ့ လက်နက်စမ်းသတ်ပွဲဆိုလည်း မမှား။ တကယ်ပစ်ရင်လည်း ကြိုတင်အသိပေးပြီးမှ ပစ်တာမို့ ပြေးချိန်ရလို့ ရုရှားတွေလည်း သေစရာမရှိ။

ကလေးဆိုးကြီးထရန့်ကို နယူးယော့ခ်ကာ မဂ္ဂဇင်းကာဗာမှာ ကလေးပုံနဲ့လှောင်ပြောင်ထားတဲ့ပုံလေးယူသုံးလိုက်တာ။ အမေရိကားနဲ့ ရုရှားတို့ လက်နက်ပြိုင်ပွဲအဖြေကို စောင့်ကြပါစို့