နင်ကလည်းနင်

နင်ကလည်းနင်ပဲ။ ငါကလည်းငါပဲ။ အကယ်ဒမီကလည်း အကယ်ဒမီပဲ။

အကယ်ဒမီပွဲကြီးပြီးလေပြီ။ ရသူတို့ပျော်၍ မရသူတွေ စိတ်ညစ်ကြသည်။ ပရိတ်သတ်ရစေချင်သူတွေ ရသလို၊ မရသူလည်းရှိ။ မောင်လူပေအားပေးတဲ့ မြင့်မြတ်၊ အူဝဲနှင့်နေတိုးရကြသည်။ ကိုပေါက်တို့ ဦးအောင်လွင်တို့အေးမြတ်သူတို့တော့ မရခဲ့ကြ။

အကယ်ဒမီပွဲမှာ စင်ပေါ်ကနေပြီး ပြန်ကြားရေးဝန်ကြီးကို ရင်ဖွင့်ရင်း ပြန်ကြားရေးမှ မိုးကျရွှေကိုယ် ငါးရာကျော် ထွက်ကြပါတော့လို့ တောင်းဆိုသွားသူလည်းရှိ၏။ နှစ်ငါးဆယ်ကျော် ဒုက္ခပေးခဲ့တာ တော်ရောပေါ့တဲ့။  'အသာလုပ်ပါ ဦးဦးစန္ဒယားရယ်၊ နောက်ဆိုရင် ကျေးဇူးတင်စကားပြောခွင့်ပါ ပိတ်လိုက်မှ ဟုတ်ပ ဖြစ်နေပါ့မယ်။' ဟုပြောရမလို။ ဘာပဲပြောပြော ပြည်သူတွေပြောချင်နေတာကို စင်ပေါ်ကပြောပေးသွားသောကြောင့်တော့ ကျေးဇူးတင်ရပါသည်။

ရုပ်ရှင်လောကသားတွေ လူစုံတွေ့ရသော ထိုပွဲကား အမေရိကားအကယ်ဒမီပွဲနှင့် နင်လားငါလားစည်ကားလှ၏။  မတူတာကတော့ အမေရိကားအကယ်ဒမီက အစီအစဉ်တင်ဆက်သူ(presenter) တစ်ဦးထဲ၊ မြန်မာ့အကယ်ဒမီက လူခြောက်ဦးအထိပါ၏။ လူများတော့ အားရှိသည် ထင်မှတ်ပုံရသည်။  အမေရိကားအစီအစဉ်တင်ဆက်သူက ပွဲအစမှ ပွဲအဆုံး အာဝဇ္ဇန်းရွှင်စွာ ဟာသနှောပြောသော်လည်း မြန်မာအစီအစဉ်တင်ဆက်သူများက စာရွက်များဖတ်ကာ ပျင်းရိဖွယ် တင်ဆက်ကြပေ၏။ စာဖတ်ပြနေကြရသော တင်ဆက်သူများအတွက် စိတ်မကောင်း။ ရေးပေးသမျှ ဖတ်ပြရသဖြင့် စာဖတ်သူမျှသာ၊ တင်ဆက်သူ မဖြစ်ကြရရှာ။

ဘာပဲပြောပြော မြန်မာ့အကယ်ဒမီအရုပ်က အတော်အနုပညာမြောက်သည်။ ရွှေမင်းသမီးလေးက ကောင်းကင်ပေါ်ကကြယ်ပွင့်လေးကို မမှီမကမ်း ခြေဖျားထောက်၍ ယူနေရသောပုံကား အကယ်ဒမီ ရွှေစင်ရုပ်ထုဟူ၏။ တကယ့်ရွှေစင်ရုပ်ထုလားဟု မေးလျှင်တော့ နိုးပါဟုသာ ဖြေရလိမ့်မည်။ ရွှေရေစိမ်အရုပ်ပေါ့။ဒီလိုပဲ ခေါ်ခဲ့ကြတာပါပဲ။ အခုနှစ်မှာတော့ ရွှေငါးကျပ်သားပေးပါသတဲ့။ ရွှေဆိုင်ကြော်ငြာအတွက်ပေးပါသတဲ့။ မနှစ်ကတော့ နှစ်ကျပ်သားပေး၏။ရွှေကြယ်ပေါ့လေ။ ရွှေနည်းနည်း ကြေးများများဟုဆိုသည်။ အလကားရသောပစ္စည်းမို့ ပြန်သွင်းလို့မရပါ။

အမေရိကား အကယ်ဒမီရုပ်ထုကား ကတုံးပြောင်ယောက်ျားမတ်တတ်ရပ်နေတဲ့ ပုံတုံးတုံးကြီး။ ရွှေလည်း တစ်ပဲမှ ပါဟန်မရှိ။ ထိုကတုံးရုပ် အော်စကာခေါ် အကယ်ဒမီရုပ်ဆိုးဆိုးကြီးကို ကမ္ဘာသိသော်လည်း မြန်မာက ရွှေစင်အရုပ်မကိုမူ ကမ္ဘာမသိရှာကြသေး။ ကမ္ဘာသိဖို့ ကြိုးစားကြစို့ဟုတော့ လေသံတွေထွက်လာပြီ။ လက်တွေ့တော့ ဖြစ်မလာသေး။ ထုံးစံအတိုင်း ရန်တွေတော့ ဖြစ်နေကြပြီ။ ရွာသား မြို့သားကွဲကြပြီ။

အမေရိကားမှာတော့ တောသားမြို့သားတိုက်ပွဲသံမကြားရ။ စီးပွားရေးလမ်းကြောင်းပေါ်မှရုပ်ရှင်သမား(main stream movie makers )နှင့် လွတ်လပ်သောရုပ်ရှင်သမား( independent film makers)ဟူ၍တော့ ရှိသည်။ သူ့အလုပ်သူလုပ်ကြသည်။ အကယ်ဒမီဘုတ်အဖွဲ့ဝင်တွေကလည်း အများကြီး။ ဆုကို လျှို့ဝှက်ပေးကြသည်။ ဆုရသည့်ကားအများစုအတွက် အငြင်းအခုံဖြစ်စရာသိပ်မရှိ။ လူဖြူ လူမဲပြသနာတွေ အဖြူအော်စကာဟု နာမည်တတ်ခံရတာတွေတော့ ရှိသည်။ အခုနောက်ပိုင်းမှာတော့ လူမဲသရုပ်ဆောင်တွေ အများအပြား ဆုရွေးခံကြရပြီ။ ရုပ်ရှင်ကားတွေရာနှင့်ချီမို့ ဆုရဖို့ မလွယ်။

သို့ရာတွင် အမေရိကားအကယ်ဒမီက ဆုရသူအားလုံးကို တစ်ရုပ်ဆီပေး၏။ လေးယောက်ရှိလျှင် လေးယောက်လုံးရ၏။ ထို့ကြောင့် အိမ်ပြန်ရောက်လျှင် လုကြရန်မလို။ မြန်မာအကယ်ဒမီရုပ်ကား ရှားပါးကုန်ဖြစ်၍ နှစ်ယောက်လည်း တစ်ခုသာ ရရှာ၏။ ကိုကျောက်ဖြူနဲ့ကိုနေဝင်းတို့မှာ ကျားဗိုလ်ဆွဲပြီး ခွဲရမလိုလို၊ နှစ်ပိုင်းဖြတ်ပြီး ခေါင်းပန်းလှန်ရမလိုလို။

အမေရိကားက ကတုံးအော်စကာဆုကား တကယ့်ဆုအစစ်သာ ရဖို့ခက်သော်လည်း ပုံစံတူဆု အော်စကာရုပ်ထုကိုမူ မည်သူမဆို ရနိုင်သည်။ ဟောလိဝုဒ်ရှိ အမှတ်တရပစ္စည်းဆိုင်မှာ တစ်ပုံတစ်ပင်။ အရွယ်အစား အမျိုးမျိုး။ ကိုယ့်နာမည်ထွင်းလိုလျှင် ထွင်းပေးသေး၏။ ကြိုက်သလောက်ဝယ်ပေတော့။ ထပ်ဆင့်အကယ်ဒမီမကလို့ ဆယ်ထပ်ကွမ်း၊ ရာကျော်ကွမ်းအထိ ဝယ်နိုင်သည်။

ကိုယ့်ဟာကိုယ် ချဲ့ထွင်ထားသော ဆုများလည်း ထိုဆိုင်များတွင်ရှိသေး၏။ အကောင်းဆုံးအဖေဆု၊ အကောင်းဆုံးအမေဆု၊ အကောင်းဆုံးချစ်သူဆု၊ အကောင်းဆုံးသူငယ်ချင်းဆု၊ အကောင်းဆုံးအဖိုးအဖွားဆု စသည်ဖြင့် အော်စကာဆုရုပ်ထုတွေ တပုံတပင်ရှိသည်။ ကိုယ့်အကြိုက်ရွေးပြီး ပေးချင်သူကို အော်စကာအကယ်ဒမီရုပ်ကို ပေးနိုင်ကြပါ၏။

ဟောလိဝုဒ်ရှိ နေဝင်လမ်းမကြီး(Sunset Blvd) ပေါ်က စတားကျောက်ပြားလိုချင်သလား။ ကိုယ့်နာမည်ထွင်းထားသော စတားကျောက်ပြားကို ဝယ်ယူနိုင်သေးသည်။ ယခု ချက်ခြင်းစတားဖြစ်လိုသူများအတွက် ဟောလိဝုဒ်က ကူညီနိုင်၏။

ဈေးကွက်စီးပွားရေးကိုသွားနေသော မြန်မာပြည်ကြီးက ရုပ်ရှင်သမားများလည်း ထိုသို့လုပ်ပြီး စီးပွားရှာနိုင်လျှင် ရုပ်ရှင်အစည်းအရုံးကြီး ထောပြီပဲ။ မြန်မာများလည်း အကယ်ဒမီကို ချစ်ကြသည်လေ။ ထို့ကြောင့်လည်းစီးပွားရေးအမြင်ဖြင့် လိုင်စင်ပေးပြီး အကယ်ဒမီအရုပ်တွေကို ထုတ်လုပ်စေပြီး အမှတ်တရပစ္စည်းဆိုင်တွေမှာ တင်ရောင်းယုံသာ။ ကိုယ်ချစ်တဲ့သူတွေကို ပေးချင်တဲ့အကယ်ဒမီဆုတွေ ပေးနိုင်ပါသည်။

မောင်လူပေကတော့ အကယ်ဒမီရုပ်ထုရလျှင် လိုချင်ပါသည်။ အကောင်းဆုံးအလွဲသမားအကယ်ဒမီရုပ်ထုနှင့် ထိုက်တန်သူကား မောင်လူပေမှလွဲ၍ ရှိနိုင်ပါအံ့။ ရုပ်ရှင်အစည်းအရုံးကြီး၏ လိုင်စင်ရ အရုပ်ဆိုင်တွေပေါ်လာလျှင် မဒန်ပေကို တစ်ဆုဝယ်ခိုင်းပြီး အကယ်ဒမီမောင်လူပေ လုပ်ရပေမည်။

မောင်လူပေ၏ အကယ်ဒမီအကြံကို သိလျှင် မဒန်ပေက ဤနှယ်ပြောမည်ထင်၏။ ' တော်ကတော်၊ ကျုပ်ကကျုပ်၊ အကယ်ဒမီက အကယ်ဒမီ။ မဆီမဆိုင်၊ ' ဟူ၍။ ။