သူငယ်ချင်းမိတ်ဆွေကြီး ကိုရင်ချက်တို့စုံတွဲ မင်္ဂလာသက် ၂၅နှစ်ပြည့်တယ်။ အားရဝမ်းသာနဲ့ Congratulations...!!!! 🎉🎈🎊🍾 တွေလုပ်ပေ့ါ။ ခြင်းထဲမှာ ၂၅နှစ်ကြာနေနိုင်ဖို့ လွယ်တာမှတ်လို့။
ခင်မင်ရတဲ့ လူငယ်စုံတွဲကမေးတယ်။ နှစ်အကြာကြီး အိမ်ထောင်ရေးတည်မြဲအောင် ဘယ်လိုနေထိုင်ရပါလဲ..တဲ့။ ဟိုစပ်စပ် ဒီစပ်စပ်စာတွေရေးတတ်တော့ အတော်သိမယ်ထင်ပြီး အားကိုးတကြီးမေးရှာတယ်။ တကယ်ကတော့ ဘာဘာ..ဘာမှမသိ။
ဆရာနန္ဒသိန်းဇံရေးတဲ့စာလေးအမှတ်ရတယ်။ "အောင်မြင်တဲ့အိမ်ထောင်ရေးဆိုတာ မျက်စိကန်းနေတဲ့မိန်းမနဲ့နားပင်းနေတဲ့ယောက်ျားတို့ကြားက အိမ်ထောင်ရေးမျိုး" တဲ့။ အဲ့လိုနေတတ်ကြရင် အိမ်ထောင်ရေးသာယာပါတယ်လို့ သူများစာတွေငှားပြီး ပြောပြလိုက်တယ်။ နားလည်မှုတည်ဆောက်ပေါ့ ဘာညာနဲ့ အဆစ်ပေးလိုက်တော့ ဟုတ်မှာပဲဆိုပြီး ကျေးဇူးတွေတင်လို့။
တကယ်တော့ ဒီထောင်ကတစ်သက်တစ်ကျွန်း။ ကိုယ့်သဘောနဲ့ကိုယ် လက်မှတ်ထိုးပြီး ဝင်ခဲ့တာ။ ဘယ်သူမှ ရိုက်ပြီးထည့်ထားတာမဟုတ်ဘူး။ ဒီထောင်ထဲဝင်ဖို့လည်း လွယ်ခဲ့တာမဟုတ်။ အတော်ကြိုးစားပြီးမှ ရောက်ခဲ့တာ။
ဂရိပညာရှင်ကြီး ဆိုကရေးတီး(Socrates) အကြောင်းလည်းကြားဖူးရဲ့။ ဒီပုဂ္ဂိုလ်ကြီးက အရမ်းတော်တဲ့ အတွေးအခေါ်ပညာရှင် ဖလော်ဆော်ဖာ( philosopher) ကြီး။ တပည့်တွေလည်းအများကြီးရှိသတဲ့။ သူပြောရင်အကုန်နားထောင်ကြရတယ်။ သူကပြန်ပြီး နားထောင်ရတာ တစ်ယောက်ထဲရှိတာ။ အဲဒါသူ့မိန်းမပေါ့။
သူ့မိန်းမက အလွန်ပွစိပွစိနိုင်သူဆိုပဲ။ ဆိုကရေးတီးကြီးက အလွန်သည်းခံနိုင်သတဲ့။ သူ့ကို ဘာပဲပြောပြော ပြန်မပြောပဲ ငြိမ်နားထောင်နေတတ်သူပေါ့။ ဘာပြောပြောငြိမ်နားထောင်နေတဲ့ ဆိုကရေးတီးကို သူ့မိန်းမက စိတ်တွေတိုလာတဲ့ တစ်နေ့မှာတော့ " ကျုပ်ဘာပြောပြော ဘာမှပြန်မပြောပဲလုပ်နေတာ ကျုပ်ကိုဂရုမစိုက်တဲ့သဘောလား။" ဘာညာနဲ့ သူ့ခေါင်းပေါ်ကို ရေတွေလောင်းချလိုက်ပါရောတဲ့။
အဲဒီတော့မှ ဖလော်ဆော်ဖာကြီးက ဖလော်ဆော်ဖီအသစ်တွေ ထပ်ရပြီး" မိုးချိမ်းပြီးရင် မိုးရွာတတ်တာ ငါသိပြီ။ " လို့ ကျူးရင့်တယ်လို့ဆိုတယ်။ တိုက်တိုက်ဆိုင်ဆိုင်ပဲ အဲဒီအချိန်မှာ သူ့တပည့်တစ်ယောက်က အိမ်ထဲဝင်လာပြီး 'အိမ်ထောင်ပြုသင့်မပြုသင့်' ကိစ္စလာတိုင်ပင်တယ်။
အဲဒီမှာ ဖလော်ဆော်ဖာကြီး ပြောလိုက်တာက" မိန်းမယူမှာလား။ ရဲရဲသာယူပါကွာ။ အိမ်ထောင်ရေးအောင်မြင်တော့လည်း ပျော်ရတာပေါ့။ အိမ်ထောင်ရေးမအောင်မြင်ခဲ့ရင်တောင် အတွေးအခေါ်ပညာရှင် ဖလော်ဆော်ဖာကောင်းတစ်ယောက်တော့ ဖြစ်နိုင်ပါသေးတယ်။" တဲ့။
အဲ.. မဒန်ပေပါလား။ လက်ထဲမှာလည်း ရေအိုးကြီးနဲ့။
" ကျုပ်လည်း ကန်းချင်ယောင်ဆောင်နေတာကြာပြီ။ ပင်းချင်ယောင်ဆောင်နေတဲ့ ကလူပေ တော့ သိကြရောပေါ့။" ဆိုပြီး လိုက်နေပြီ။
မိုးချိမ်းပြီးရင် မိုးရွာတော့မှာ။ ခေါင်းပေါ်ကို သင်္ကြန်မကျခင် ပြေးပြီဗျို့....... ။ ဝှစ်.....။
(ကိုရင်ချက်တို့ ဇနီးမောင်နှံရဲ့ ၂၅နှစ်ပြည့် ငွေရတုအထိမ်းအမှတ် ရေးတဲ့စာ။ )
No comments:
Post a Comment