လွဲချက်ကတော့(၉)လောက်ရှိတယ်။
သွားတုန်းကတော့ တောထဲမှာရှိတဲ့ ရေတံခွန်ဆီ။ ရောက်သွားတာက ပင်လယ်။
အိမ်ကနေပြီး မဟော်ဂနီတောထဲကို တစ်နာရီကျော်ပဲကားမောင်းရတာ။ နှစ်ထောင်ကျော်သစ်ပင်ကြီးတွေက မိုးထိုးနေတော့ နေပျောက်မထိုးနိုင်ဘူး။
သစ်တောလမ်းညွှန်မြေပုံလည်း အဝင်ဝထဲက ပေးလိုက်တယ်။ သစ်တောမြေပုံကြီးလည်း ဟီးနေအောင်ချိတ်ထားတယ်။ လမ်းတွေအမျိုးမျိုးက ရှုတ်ရှက်ခတ်နေတော့ ကြည့်လေ နားမလည်လေ။ လမ်းပြလည်းမပါ။
ရှိပါစေတော့။ လမ်းညွှန်ဆိုင်းပုဒ်ဖတ်ပြီးသွားတာ ကောင်းပါတယ်ပေါ့။ ဒါနဲ့ တောထဲတိုး။
တစ်မိုင်ကျော်လောက်တောင်တက်လမ်းကို လျှောက်ပြီး လမ်းခွဲတွေ့တယ်။ အဝါရောင်ကြိုးတွေ အနီရောင်ကြိုးတွေနဲ့ ရှုပ်နေတဲ့လမ်းခွဲထဲဝင်။ ကိုယ့်ရှေ့က လူငယ်သုံးယောက်အုပ်စုကလည်း အဲဒီလမ်းထဲဝင်သွားတော့ အဖေါ်ရပြီဆိုပြီး ဆက်လိုက်။ စာတောင်သေချာမဖတ်တော့ဘူး။
အဲဒီမှာစတွေ့တာပဲ။ ကိုဇရာက စကားစပြောပြီ။ နောက်ကလိုက်နေပေမဲ့ ဟိုလူငယ်သုံးယောက်ကို ခြေဖျားတောင်မတွေ့ရတော့ဘူး။ နာရီဝက်ကျော်လောက်လည်း ကြာသွားပြီ။ သစ်ပင်လဲနေတာတွေ့ရင် ကျော်ခွ၊ ကျော်လို့မရရင် အောက်ကလျှိုဝင်။ လမ်းကလည်းကျဉ်း။ တယောက်စာလမ်းလေး။ တဖက်ကချောက်။ ကျသွားရင် သက်သာဖွယ်မမြင်။ တောင်နံရံကိုင်ပြီး ဘုရားတလျှောက်နဲ့ နောက်ဆုံးတော့ သစ်ပင်တွေအများကြီးလဲနေတဲ့ နေရာရောက်။
ဂျူရောဆစ်လို့ခေါ်တဲ့ ဒိုင်နိုဆောကားထဲက မြင်ကွင်း။ ပေလေးငါးရာရှည်တဲ့ သစ်ပင်ကြီးတွေလဲပြိုနေတာ မြင်မကောင်း။ ဒီသစ်ပင်ကြီးတွေဆီက ရေတွေ တတောက်တောက်နဲ့ကျနေရဲ့။ကိုရွှေသစ်ပင်ကြီးတွေက လဲပြိုနေတာတောင် လူတစ်ရပ်ကျော်မြင့်နေသေးတယ်။
ဟိုဖက်ခပ်လှမ်းလှမ်းမှာ လူသွားလမ်းတွေ့တယ်။ အဲဒီလူသွားလမ်းရောက်ဖို့ လဲပြိုနေတဲ့ သစ်ပင်အုပ်ကြီးကို ကျော်ဖြတ်ရမယ်။
'အားလုံးကို ကျော်ဖြတ်ရမယ်။ နွေကန္တာ၊ ခရီကြမ်းတွေ၊ ဆူးခင်းလမ်း၊ ခရောင်းတောနက်တွေ၊ စိတ်တစ္ဆညတွေ.... ' ကိုခိုင်ထူးသီချင်းထဲကလို ကျော်ဖြတ်မယ်ပေါ့လေ။ အတွေးက။
'စိတ်ထဲရှိရှိသမျှဟာ အပြင်ဖက်က လက်တွေ့ဘဝနဲ့ ကွာခြားတယ် ... ' တူးတူးသီချင်းက လက်တွေ့။
သစ်ပင်လုံးပတ်ကြီးဖက်တက် တစ်ဖက်ဆင်း။ သစ်ကိုင်းတွေဆွဲ။ နောက်တစ်ပင်ပေါ်ရောက်။ ရေတွေစိုနေတော့ ချော်နေသေး။ ရွံ့တွေက ခြေချော်။ တစ်ပင်ကျော်လိုက်၊ တစ်ပင်ဆင်းလိုက်။ သို့ပါသော်လည်း ဆက်သွားလို့မရတော့။ ဆူပါမင်းလို မိုးပျံမှပဲ ရောက်တော့မယ်ထင်။
ရှေ့တိုးမရတော့ ဘာဖြစ်လဲ။ နောက်ကြောင်းပြန်ပေါ့။ အောင်မြင်စွာ ဆုပ်ခွာခဲ့သည်ပေ့ါ။ ဒါနဲ့ပဲ လက်လျှော့ပြီး လမ်းခွဲရောက်အောင် သစ်ပင်တွေကျော်ခွ၊ အောက်ကလျှိုနဲ့ ပြန်ဆုတ်ခဲ့။
လမ်းခွဲရောက်မှ သေချာကြည့်မိ။ ဆိုင်းပုဒ်လေးနဲ့ဗျ။ ' ရှေ့တွင် မိုးဒါဏ်ကြောင့် မြေပြိုပြီးလမ်းပိတ်နေပါသည်။ ဤနေရမှစ၍ ရှေ့ဆက်မသွားပါနှင့်'တဲ့။ ဘုရား၊ဘုရား။ ဒီဆိုင်းပုဒ်ကို မမြင်ပဲ ဆင်ကန်းတောတိုးမိခဲ့တာပါလား။ပလတ်စတစ်ကြိုးနီ၊ ကြိုးဝါတွေကလည်း သတိထားပါ၊ အန္တရာယ်ရှိသည်လို့ စာတွေနဲ့။
လမ်းညွှန်စာတွေ သေသေချာချာ မဖတ်ပဲ ရှေ့ကလူငယ်တွေကိုယုံပြီး လိုက်မိတဲ့အပြစ်ပေါ့။ ဒီလူငယ်တွေကတော့ ဒီသစ်ပင်တွေကို ဘယ်လိုကျော်ခွပြီးဖြတ်သွားခဲ့သည်မသိ။ သူတို့က ပေါ့ပေ့ါပါးပါးပေမင့် ကိုယ်က ဒီလောက်မစွမ်းတော့ပြီလေ။
လမ်းခွဲကနေ လမ်းမှန်တွေ့တော့ စိတ်မလျှော့သေး။ ရောက်အောင်သွားမည်ပေါ့။ သစ်ကိုင်းခြောက်တွေကောက်။ တောင်မွှေးဖြစ်အောင်လုပ်၊ တုတ်ကောက်အားနဲ့တက်မဲ့ ဖိုးဖိုးကြီး။
အတော်လျှောက်မိတော့ လမ်းညွှန်ဆိုင်းပုဒ်တစ်ခုတွေ့ပြန်ရော။ ဒီအခေါက်တော့ မဖတ်ပဲမနေရဲတော့ပါ။ ဘာရေးထားပါလိမ့်။ ဖတ်ဦးမှပေါ့။ ရေးထားတာက ' ဤနေရာမှ ရေတံခွန်ထိ အသွားအပြန်(၆)မိုင်ခရီးရှိသည်။ အတော်မြင့်သည့် တောင်တက်လမ်းများလည်း တွေ့ရမည်။' တဲ့။
လမ်းလျှောက်ခဲ့တာ နှစ်နာရီမကတော့ပြီ။ ဒီနေရာကနေပြီး နောက်ထပ် (၆)မိုင်အသွားအပြန်ဆိုတော့ နှစ်နာရီကျော်ထပ်လျှောက်ရပေဦးတော့မည်။ ကားရပ်ရာဆီသို့ နောက်ထပ်တစ်နာရီတော့အသာလေးလျှောက်ရမည်။ နောက်ထပ်သုံးနာရီကျော်လေးနာရီနီးပါး တောင်တက်လမ်းကို လျှောက်နိုင်တော့မည်မထင်။ စိတ်ရှိသော်လည်း ခန္ဓာက မလိုက်တော့ပြီ။
ကိုယ်ရွေးခဲ့တဲ့လျှောက်လမ်းက အသွားအပြန်(၈)မိုင်။ တကယ်လျှေက်နေတဲ့လမ်းက အသွားအပြန်(၁၁)မိုင်ရှိတဲ့လမ်း။ လမ်းမှားနေတာ(၁)မိုင်ကျော်။ လွဲတတ်တာများသူမို့ လွဲလွဲလေးပဲကောင်းပါတယ်ပေါ့။
စိတ်ကိုလျှော့။ ကားဆီပြန်လျှောက်။ မထူးပါဘူးလေ။ ရေတံခွန်မရောက်တဲ့အတူတော့ နီးရာမှာရှိတဲ 'ရေ'ဆီသွားမယ်ဆိုပြီး ပင်လယ်ပြင်ရှိ သဘာဝတံတားဆီသို့ ရောက်ရှိခဲ့ပါကြောင်း။
(အိမ်မှာဇိမ်နဲ့မနားပဲ တောထဲသွားတဲ့ ဖြစ်ရပ်လေးကို သူငယ်ချင်းတွေကိုပြေပြတာပါ။ ရောက်အောင်သွားခဲ့သူတွေလည်းအများအပြားပါ။ နောက်အခေါက်မှပဲ ဒီရေတံခွန်ဆီကို လမ်းမှန်ကနေ ရောက်အောင်ချီတက်ပါဦးမည်။ )
ချစ်တဲ့
မောင်လူပေ
No comments:
Post a Comment