သင်္ကြန်အလွမ်း

အမေရိကားမှာတော့ သင်္ကြန်မကျသေးပါ။ သကြားမင်းလည်း အမေရိကားကို လာဖို့ဗီဇာရသေးဟန်မတူ။ အမျိုးသားရေးသမားကြီး ဒေါ်နယ်ထရန့်ကလည်း ဖိတ်ကြားဟန်မရှိသေး။

ဒေါ်နယ်ထရန့်လည်း သူ့ဒုက္ခနဲ့သူ။ သူ့ရဲ့ အရင်းနှီးဆုံးရှေ့နေကို အမေရိကန်ရဲ့ စသုံးလုံးအဖွဲ့ဖြစ်တဲ့ FBI က ရုံးခန်းတွေအိမ်တွေမှာ ရှောင်တခင် ဝင်စစ်နေ၏။ လွန်ခဲ့သော ၂၀၁၆ရွေးကောက်ပွဲမတိုင်ခင်ကာလက ထရန့်နဲ့ပတ်သက်ခဲ့ဖူးသူအပြာကားသရုပ်ဆောင်မော်ဒယ်ကို ဒေါ်လာတသိန်းကျော်ပေးပြီး ပါးစပ်ပိတ်ခိုင်းခဲ့သူက ထိုရှေ့နေပင်။

၂၀၁၆ရွေးကောက်ပွဲနိုင်ခဲ့အောင် ရုရှားက ပံ့ပိုးသည်ဆိုသောစွတ်စွဲချက်ကို စစ်ဆေးရန်ခန့်ထားသူ အထူးစစ်ဆေးရေးမှူးမူလာ၏အမိန့်ဖြင့် စသုံးလုံးဝင်စစ်ခဲ့သည်ကို ဒေါသတွေထွက်ရင်း အလုပ်များနေရှာသူထရန့်မှာ ဆီးရီးယား၏ဓါတုလက်နက်သုံးမှုကို အရေးယူရန်ဆိုကာ အထူးအစည်းအဝေးကလည်း ရှိနေပြန်သည်။

မကြာခင်ကတော့အသုံးမပြုတော့သည့် ဆီးရီယားလေဆိပ်တစ်ခုကို အမေရိကန်ဒုံးကျည်ဖြင့်ပစ်ခတ်ပြီး အရေးယူခဲ့သေး၏။ ဒီအခေါက်လည်း ထိုကဲ့သို့ဆိုလျှင် ဒုံးကျည်ကုန်တာပဲအဖတ်တင်လိမ့်မည်။ ဒုံးကျည်တွေ တောင်လိုပုံပြီး ထားရန်နေရာမရှိတော့၍ ဖြုံးတီးနေသည်လားမသိ။

ပြသနာပေါင်းသောင်းခြောက်ထောင်ကိုဖြေရှင်းရင်း မီဒီယာကို သတင်းတုတွေဟုစွတ်စွဲရင်း မအားရှာသော သမ္မတကြီးထရန့်ကား မြန်မာပြည်တွင် တနင်္ဂနွေဂြိုလ်မင်း မီးတုတ်ကိုင်ဆင်းမည်ကို ကြားအံ့မထင်။ တနင်္ဂနွေဂြိုလ်မင်း(ဝါ)မြန်မာတို့၏သကြားမင်းက ကျွဲစီးလိုက်၊ နွားစီးလိုက်နှင့် တစ်နှစ်မှတစ်ခါ မြန်မာပြည်သို့ ဆင်းနေရချိန်တွင် စကြာင်္ဝတေးမင်းထရန့်က အဲယားဖို့ဝမ်းကြီးစီးကာ သူဆင်းချင်ရာနေရာ ဆင်းနေပေ၏။

အမေရိကားပြည်၏သင်္ကြန်ကား သကြားမင်းနှင့်မဆိုင်။ သူဆင်းဆင်းမဆင်းဆင်း အကြောင်းမဟုတ်။ ထို့ကြောင့် အတာအိုးလည်း ထိုးရန်မလို။ သင်္ကြန်ကိုအဆင်ပြေသလို ကျ၍ရသည်။ ဘယ်သူမှလည်းတရားလာမစွဲ။ LAသင်္ကြန်က ရှေ့အပတ်၊ SF ကွန်မြူနတီသင်္ကြန်က မေလ(၂၇)ရက်၊ NY သင်္ကြန်က ဂျူလိုင်လ၊ အဆင်ပြေသလို ကြည့်လုပ်ရသော သင်္ကြန်များပါ။ ဘယ်နေ့ပဲ သင်္ကြန်ပွဲလုပ်လုပ် သကြားမင်းဝတ်စုံဝတ်ထားသူက စင်ပေါ်တက်ပြီး သင်္ကြန်ကျပြီလို့ ကြေညာလိုက်လျှင် သင်္ကြန်ကျပြီ။ မြန်မာနှစ်သစ်ကူးပြီ။ အမေရိကန်စတိုင်။

သို့ပါသောကြောင့် အမေရိကားတွင် ခေတ္တရောက်ရှိ အခြေချ၊ ရေမျောကမ်းတင်ဖြစ်နေရသူ မောင်လူပေမှာ ဘယ်သင်္ကြန်ကို ဖောလိုးရမည်မသိ။ ဒီကြားထဲမှာ ဘုန်းကြီးကျောင်းသင်္ကြန်လည်း ရှိသေးသည်။ လာမဲ့ မေလ(၆)ရက်နေ့မှာ မေတ္တာနန္ဒကျောင်း(ယခင် ဖရီးမောင့်ထန်းနှစ်ပင်ကျောင်း) သင်္ကြန်ရှိပါသည်။ ဈေးရောင်းကြပါမည်။ ရေပက်ကြပါမည်။ ကကြခုန်ကြပါမည်။ မိုက်ခဲကိုကို မမတွေ အပြတ်ဟဲကြပါဦးမည်။

ရွှေပြည်ကြီးမှာတော့ သင်္ကြန်နီးလေပြီ။ အိန္ဒိယက ဟိန္ဒြူတို့၏အယူအဆဆိုသည်ကို မည်သူမျှမသိကြတော့ပြီ။ မြန်မာကကော်ပီယူပြီး ဖြတ်ညှပ်ကပ်လုပ်ထားတာ ပုဂံခေတ်တရုတ်ပြေးမင်းလက်ထက်ထဲကဆိုတော့ မြန်မာမှုစစ်စစ်လိုလို ဖြစ်နေပြီ။ မြန်မာ့ယဉ်ကျေးမှုဆိုသည်များကလည်း ကော်ပီတစ်ဝက်မို့ ကော်ပီသင်္ကြန်ဖြစ်ဖြစ် အစစ်ဖြစ်ဖြစ် ပျော်စရာကောင်းလှသည်။

ယိုးဒယားသင်္ကြန်တို့ လာအိုသင်္ကြန်တို့က ဒီလောက်ပျော်စရာမကောင်းလှ။ ဆေးပြားတွေ အရက်တွေ ဘီယာတွေလည်း လှိုင်လှိုင်မပေါ။ ရိုးရာယဉ်ကျေးမှုအဝတ်တွေဝတ်ပြီး အလှပြကားတွေ ပတ်နေသည်ကများသည်။ ရေပက်တာနည်းနည်း။

မြန်မာသင်္ကြန်ကတော့ မြန်မာ့ယဉ်ကျေးမှုတွေဘာတွေကို ဗဟိုမဏ္ဍပ်မှာ ဆုပေးဖို့သာ ထားခဲ့တော့။ ကျန်တာ ကိုယ့်သဘော။ ဆေးပြားတွေ၊ အရက်တွေ၊ဘီယာတွေက မဏ္ဍပ်တိုင်းမှာ လိုသလောက်ရနိုင်သည်။ အလုံပိတ်အခန်းပါ နားနေနိုင်ဖို့ ထည့်ပေးသေးသတဲ့။ ကိုင်း.. ဘာလိုသေးသနည်း။ ပိုက်ဆံများများသာ ရှာပေတော့။ မရလျှင် သားသမီးများ၏ ရန်ရှာမှုကိုခံရပါအံ့။

ဘာအကြောင်းရေးနေမှန်းတောင်မသိတော့ပါ။ ဘာပဲဖြစ်ဖြစ် ရှေးလူကြီးဖြစ်နေသော အန်းတိတ်လူပေကတော့ ငယ်ငယ်က သင်္ကြန်ကိုလွမ်းပါသည်။ လူငယ်ပီပီ အရက်နှင့်မကင်းခဲ့သော်လည်း စည်းကမ်းနဲ့သာ သင်္ကြန်မှာပျော်ခဲ့ပါ၏။ တက္ကသီလာရေကစားမဏ္ဍပ်လုပ်ကြပြီး သူငယ်ချင်းတွေပျော်ခဲ့ကြသည်။ ယခုလည်း ထိုမဏ္ဍပ်က ပြန်လည်ရှင်သန်ခြင်းဖြင့် မွေးရပ်မှာ ပျော်ကြလိမ့်မည်။ လူမလာနိုင်သောကြောင့် စိတ်ဖြင့်သာ ရောက်ပါအံ့။

မကြာခင်ရောက်တော့မည့် မြန်မာနှစ်သစ်မှာ သူငယ်ချင်းရောင်းရင်း မိတ်ဆွေတွေ ကျန်းမာချမ်းသာကြပါစေ။

ချစ်ခြင်းအားဖြင့်

မောင်လူပေ

(သင်္ကြန်မရောက်သေး၍ မဗွမ်းသေးတာ ခွင့်လွှတ်ပါ။)