ပြောင်းလည်းနေပါပြီ၊ ညီညွတ်ကြပါစို့
၂၀၁၅ရွေးကောက်ပွဲမှာ 'ပြောင်းလည်းချိန်တန်ပြီ' ဆိုတဲ့ခေါင်းစဉ်နဲ့ ပြည်သူ့ပါတီ NLD က တခဲနက်အနိုင်ရခဲ့သည်။ သည်လိုအချိန်ရောက်ဖို့ ၁၉၈၈ ကစပြီးရေတွက်လျှင်ပင်(၂၇)နှစ်တိတိ ကြာမြင့်ခဲ့၏။ ဘဝတွေရင်း အသက်တွေပေးပြီး ဒီမိုကရေစီလမ်းကြောင်းပေါ်ရောက်အောင် ထမ်းတင်ခဲ့ကြရသည်။ ဒီမိုကရေစီတင်းပြည့်မရသေးသည့်တိုင် ဒီမိုကရေစီလမ်းကြောင်းပေါ်ရောက်နေခဲ့ပြီ။ ပြည်သူ့ခေါင်းဆောင် အန်တီဒေါ်အောင်ဆန်းစုကြည်လည်း နိုင်ငံတော်အတိုင်ပင်ခံအဖြစ် ဦးဆောင်မှုပေးနိုင်ခဲ့ပြီ။
မောင်လူပေ ခေတ္တနေထိုင်ရာ ဆန်ဖရန်စစ္စကိုဧရိယာသို့ မြန်မာသံအမတ်ကြီးဦးအောင်လင်းမှ ဒုတိယအကြိမ် ရောက်လာပြီး ဒေသခံမြန်မာအသိုင်းအဝိုင်းနှင့်တွေ့ဆုံ မိတ်ဆုံစားပွဲလေး ဒီနေ့ညမှာ ကျင်းပခဲ့၏။ သံအမတ်ဖြစ်စ မနှစ်က တစ်ကြိမ်ရောက်လာခဲ့ပြီး တွေ့ဆုံခဲ့ဖူးရာ ဒီအကြိမ်က ဒုတိယအကြိမ်မြောက်။
မောင်လူပေ ဒီဒေသမှာ ရောက်ခဲ့တာ ဆယ်စုနှစ် နှစ်ခုနီးပါးရှိပါပြီ။ အရင်က မြန်မာသံအမတ်များဆိုသည်ကို ဖြူသလား၊ မဲသလားပင် မမြင်တွေ့ခဲ့ဘူးပါ။ သူတို့ကိုတွေ့ဖို့မဆိုထားနှင့် မြန်မာသံရုံးနှင့် ဆက်သွယ်ဖို့ပင် အတော်ခဲယဉ်းခဲ့သည့်အခြေအနေပါ။ အခွန်ဆောင်တာယူဖို့ကလွဲလျှင် ကျန်သည့်ကိစ္စအဝဝကား သူတို့နှင့်မသက်ဆိုင်သည့်အလား။
ပြည်သူ့ပါတီအစိုးရခန့်အပ်သည့် အမေရိကန်နိုင်ငံဆိုင်ရာ မြန်မာသံအမတ်ကြီးဦးအောင်လင်းကား အရပ်သားစစ်စစ်လည်းဖြစ်သည်။ အရင်ကတော့ အရပ်သားအမည်ခံသံအမတ်တွေသာဖြစ်လေ၏။ အရပ်သားစစ်စစ်သံအမတ်ကြီးက ရောက်လာသည်နှင့် အမေရိကန်အနှံ့သွားပြီး မြန်မာတွေနှင့်တွေ့သည်။ မြန်မာတွေပြောတာနားထောင်သည်။ မေးတာဖြေကြားသည်။ အခုကတော့ တစ်နှစ်မြောက်တွင် ဒုတိယအခေါက်ရောက်လာပြန်ပြီ။ ဒါကြောင့်လည်း ပြောင်းလည်းနေပါပြီ ဟု ဆိုရခြင်းပင်။
မြန်မာ၊အမေရိကန်နှစ်နိုင်ငံဆက်ဆံရေးအကြောင်း၊ စီးပွားရေးပူးပေါင်းမှုအကြောင်းနှင့် ရခိုင်ဒေသအခြေအနေအကြောင်းတွေပြောပြသည်။ မောင်လူပေတို့ ဆန်ဖရန်ဒေသခံတွေကလည်း မရှင်းလင်းတာတွေ ပြန်မေးသည်။ ဆွေးနွေးသည်။ သံအမတ်ကြီးကလည်း ပွင့်လင်းစွာ ဖြေကြားသည်။
နိုင်ငံတကာမီဒီယာတွေက သတင်းမှားတွေကို မှားကြောင်းထောက်ပြဖို့တွေလည်းပါသည်။ မြန်မာနိုင်ငံမွတ်စလင်အဖွဲ့ချုပ်က မောင်တောအကြမ်းဖက်မှုကိုရှုံ့ချသည့်ကြေညာချက်ထုတ်ပြီး အကြမ်းဖက်ဘဂါင်္လီများနှင့်မပတ်သက်ကြောင်းကြေညာသည့်အကြောင်းလည်းပါသည်။ ဒေသခံများမှ သက်ဆိုင်ရာလွတ်တော်အမတ်များထံ အခြေအနေမှန်များပေးပို့ရေးလည်းပါသည်။ သံရုံးမှလည်း နိုင်ငံခြားရေးဌာနအချင်းချင်း အဖြစ်မှန်များကို သတင်းအထောက်အထားတွေ ပေးပို့အစီရင်ခံနေသည်ဟုသိခဲ့ရသည်။ အခက်အခဲအမျိုးမျိုးကြားမှ ရရှိခဲ့သော ဒီမိုကရေစီလမ်းကြောင်းမှသွေဖီသွားစေမည့် မည်သည့်လုပ်ရပ်ကိုမျှ လက်ခံမည်မဟုတ်ကြောင်း၊ ပြည်တွင်းပြည်ပမှ မြန်မာများကလည်း အစိုးရနှငိ့တသားတည်း ညီညွတ်စွာ ရပ်တည်ပေးကြပါဟု သံအမတ်ကြီးက ပြောကြာသွားခဲ့သည်။
ဒါကြောင့်လည်း ပြီးခဲ့သည့် အမေရိကန်နိုင်ငံခြားရေးဌာန၏ အပတ်စဉ်သတင်းစာရှင်းလင်းပွဲတွင် မြန်မာပြည်ကို အမေရိကန်မှအရင်လို စီးပွားရေးပိတ်ဆို့ဖို့ သတင်းဌာနများမှ ဖိအားပေးမေးခွန်းတွေမေးနေကြသော်လည်း အမေရိကန်ဒုလက်ထောက်နိုင်ငံခြားရေးဝန်ကြီးမှ မြန်မာနိုင်ငံဖက်မှရပ်တည်ပြီး ' မြန်မာနိုင်ငံသည် လူမျိုးရာကျော်၊ ဘာသာပေါင်းစုံရှိသည်ဖြစ်ရာ ညီညွတ်အေးချမ်းရေးအတွက် အစွမ်းကုန်ကျိုးပမ်းနေကြောင်း၊ ဒီမိုကရေစီထွန်းကားစနိုင်ငံတစ်ခုဖြစ်၍ စိန်ခေါ်မှုတွေရင်ဆိုင်နေရသည်ကိုနားလည်ကြောင်း၊ နှစ်ဖက်အသိုင်းအဝိုင်းမှ တည်ငြိမ်ရေးအတွက် အစွမ်းကုန်အားထုတ်နေပါကြောင်း' နှင့် လိမ္မာပါးနပ်စွာ ကာကွယ်ပေးသွားခြင်းဖြစ်မည်။ အန်တီဒေါ်အောင်ဆန်းစုကြည်၏ နိုင်ငံတကာအသိုင်းအဝိုင်းအပေါ် အထူးသဖြင့် အမေရိကန်နှင့်ဥရေပနိုင်ငံများအပေါ် နိုင်ငံရေးအရ သြဇာရှိမှုနှင့် ကိုင်တွယ်တတ်မှုကို ဒီနေရာတွင် ထင်းနေအောင်မြင်တွေ့ရသည်။ နိုင်ငံတကာတွင် မြန်မာနိုင်ငံ အခုလို ပြန်လည်ဦးမော့လာခြင်းမှာလည်း ပြောင်းလည်းနေခြင်းတစ်ခုပါပင်။
မေးခွန်းများမေးကြရာတွင် မောင်လူပေကတော့ မေးခွန်းမဟုတ်ပဲ သံအမတ်ကြီးကို အကြံတစ်ခုပေးခဲ့ပါသည်။ သံအမတ်ကြီးကလည်း အသေအခြာမှတ်သားသွားမည်ဟုဆိုပါသည်။ မောင်လူပေပြောခဲ့သည်ကတော့...
" သံအမတ်ကြီးခင်ဗျား။ ယခုဆိုရင် မောင်တောအကြမ်းဖက်မှုဖြစ်ခဲ့တာ နှစ်ပတ်ကျော်ပါပြီ။ မြန်မာပြည်လည်း နိုင်ငံတကာမှာအတော်သိက္ခာကျရပါသည်။ သတင်းမှားတွေကြောင့်ဖြစ်သည်။
အနောက်နိုင်ငံတွေမှာ တစ်နေရာတွင် အကြမ်းဖက်မှုဖြစ်သည်နှင့် မြို့ကြီးများတွင် လူသိန်းချီသော ငြိမ်းချမ်းရေးဆုတောင်းပွဲတွေ ကျင်းပကြသည်။ ဘာသာပေါင်းစုံပါဝင်သည်။ သတင်းတွေတက်လာသည်။ နိုင်ငံတစ်ခု၏ဂုဏ်သိက္ခာလည်း ဖြစ်ပါသည်။
မြန်မာပြည်ကား နှစ်ပတ်ကျော်လာပြီး နှစ်ဖက်ဆဲရေးနေကြသည်သာတွေ့ရ၏။ မည်သည့်ဆုတောင်းပွဲကြီးတွေကိုမျှ မတွေ့ရ။ ဆုတောင်းပွဲမည်ကာမတ္တဆိုလျှင်လည်းသတင်းမဖြစ်။ အဖွဲ့အစည်းစုံကဦးဆောင်သော ဘာသာစုံမှ ခေါင်းဆောင်တွေတက်ရောက်သော လူသောင်းချီလည်းတက်ရောက်သော ငြိမ်းချမ်းရေးဆုတောင်းပွဲတွေ မြို့ကြီးတွေမှာ လုပ်နိုင်အောင်ကျိုးစားပါ။ ဒီအထဲမှာ ဆူပူလိုသူတွေပါလျှင်လည်း ထိရောက်စွာအရေးယူပါ။ နိုင်ငံတကာအမြင်တွင် ဘာသာပေါင်းစုံအေးချမ်းစွာချစ်ကြည်နေကြပါသည်ဆိုသောပြယုဒ်တစ်ခုဖြစ်စေရေး အားထုတ်ဖို့အလွန်အရေးကြီးသောအချိန်ဖြစ်နေပါပြီ။ ညီညွတ်ကြဖို့လိုပါပြီ။
ဒီလိုဆုတောင်းပွဲတွေကို နိုင်ငံတော်ပိုင်သတင်းဌာနတွေမှတိုက်ရိုက်လွှင့်ထုတ်ပေးပါ။ နိုင်ငံခြားသတင်းဌာနများ၏သတင်းများကို ငြင်းနေယုံမျှနှင့်မပြီးပါ။ လက်တွေ့ပြဖို့ လိုနေပါပြီ။ " ဟု ဖြစ်ပါသည်။
မြန်မာပြည်ငြိမ်းချမ်းပါစေ။
ချစ်ခြင်းအားဖြင့်
မောင်လူပေ
No comments:
Post a Comment