ရွှေတိဂုံကိုလွမ်းကြသူများ

ရွှေတိဂုံကို လွမ်းသူများ

မြန်မာမှန်လျှင် လူမျိုးမရွေး၊ ဘာသာမရွေး ရွှေတိဂုံကို သိကြပါသည်။ မြန်မာပြည်ကိုရောက်ဖူးကြသူအား
လုံးလည်း သိကြပါသည်။ အဘယ်ကြောင့်မူကား ပဲခူးရိုးမ၏ တောင်ဖက်အစွန်းရှိ ကုန်းမြေပေါ်တွင် လေထဲသို့ ၃၂၆ပေခန့်ထိုးထွက်နေသော ရွှေရောင်တွေဖြာနေသည့် ရွှေစေတီကြီးမို့ ကုန်း၊ရေ၊လေ ဘယ်လမ်းကပဲလာလာ အရင်ဆုံးတွေ့မြင်ကြရမည် ဖြစ်သောကြောင့်ပင်။

ရွှေတိဂုံသည်စေတီတစ်ဆူဟုဆိုရသော်လည်း မြန်မာတို့၏ယဉ်ကျေးမှုပြယုဒ်တစ်ခုဖြစ်သည်။ မြန်မာတို့၏ အားမန်တို့ကို ညွှန်းဆိုရာနေရာတစ်ခုဖြစ်သည်။ မြန်မာတို့၏ အလှူအတန်းရက်ရောမှု၏ သင်္ကေတလည်းဖြစ်ပါသည်။

ထိုစေတီကို မွန်တို့တည်ထားခဲ့သည်။ ပြုပြင်ခဲ့သည်။ မြန်မာတို့က ထပ်ဆင့်မွန်းမံစောင့်ရှောင့်ခဲ့ကြသည်။ ယခုခေတ်မြင်တွေ့ရသည့် လက်ရာသည် မြန်မာ့သမိုင်းတွင် တစ်ဦးတည်းသောဘုရင်မကြီးဖြစ်သည့် ရှင်စောပု ( မွန်ဘုရင်ကြီးရာဇာဓရာဇ်၏သမီးတော်) ၏ သမက်ဖြစ်သူ ဓမ္မစေတီမင်း (ပိဋကပ်သုံးပုံအောင်သောရဟန်းကို လူထွက်စေ၍ မင်းပြုခဲ့ရာမှ ရခဲ့သောဘွဲ့အမည်) လက်ထက်က မူလစေတီကိုငုံကာတည်ဆောက်ခဲ့ခြင်းဖြစ်သည်ဟုဆို၏။ မြန်မာပြည်မှကုန်သည်ညီနောင်သယ်ဆောင်ခဲ့သောဆံတော်ကို ဌာပနာ၍တည်စဉ်က ကိုးတောင်ပြည့်စေတီဟူ၏။ ခေတ်အဆက်ဆက် မင်းတို့က စေတီဟောင်းကို ပြုပြင်ခဲ့သည်ဆိုကြ၏။ မင်းတုန်းမင်းကြီးလက်ထက်တွင် အသပြာနှစ်သိန်းကျော် (ထိုခေတ်ကငွေမို့ ဒီခေတ်ဆိုလျှင် ဒေါ်လာသန်းပေါင်းများစွာ တန်ပါလိမ့်မည်။) အကုန်ခံပြီး ပြန်လည်ပြူပြင်ပြီး ထီးတော်အသစ်ပါ တင်လှူခဲ့သည်။

အင်္ဂလိပ်တို့ သိမ်းပိုက်ထားရာ အောက်ပြည်သို့ မြန်မာမင်းတစ်ပါးဆင်းလာခဲ့သည်မှာ အကြောင်းမဲ့တော့မဟုတ်တန်ရာ။ ဘာသာရေးမို့ လူယဉ်ကျေးအမည်ခံ အင်္ဂလိပ်များအတွက် ငြင်းရခက်ပြီး အောင့်သက်သက်နဲ့ ခွင့်ပြုခဲ့ကြရဟန်တူ၏။ မြန်မာဘုရင်အတွက်ကတော့ တစ်ချက်ခုတ် နှစ်ချက်ပြတ်ခရီးပါ။ ဘုရင်မဲ့နေသော အောက်ပြည်ရှိ မြန်မာများကို ခွန်အားပေးစေခဲ့သော ခရီးဆိုလည်း မမှားနိုင်ပါ။

မင်းတုန်းမင်းကောင်းမှုဟူသော ထီးတော်ကြီးကို မြန်မာ မြို့ပြအင်ဂျင်နီယာတို့၏ဘိုးအေဟု ခေါ်ထိုက်သည့် မင်းလက်ဝါးကြီးက မျက်လုံးအကြည့်ဖြင့် တင်ခဲ့သည်ဟုဆိုကြသည်။ သူ့မျက်လုံးကား အံ့မခန်း။ ခေတ်မှီပစ္စည်းများနှင့် တိုင်းကြည့်သောအခါ ဆံချည်တစ်မျှင်မျှ မတိမ်းစောင်းပါဟူ၏။

ရွှေတိဂုံစေတီတည်ဆောက်ခဲ့သော ဓမ္မစေတီမင်းလက်ထက်သည် မွန်များအဖို့ စစ်မက်ကင်းသောအချိန်ဖြစ်၏။ ထိုအချိန်မတိုင်မှီက မြန်မာတို့နှင့်မွန်တို့ နှစ်လေးဆယ်ကျော်စစ်ပွဲကြီး ဆင်နွှဲခဲ့ကြရသည်။ စစ်တွေပန်းခဲ့ရသည်။ ပြည်သူတွေသေခဲ့ကြသည်။ ဓမ္မစေတီမင်းလက်ထက်တွင်မှ ငြိမ်းချမ်းမှု၏ အရသာကို တင်းပြည့်ခံစားခဲ့ကြရသည်။ ပြည်သူတွေရဲ့ ခွန်အားတွေကို ဒီစေတီတည်ထားရာမှာ ပြည့်ဝစွာသုံးနိုင်ခဲ့သည်။ ပိသုကာအမြင်အရလည်း စေတီကြီးက အလွန်အချိုးအဆစ်ပြေပြီး လှပသလို ခိုင်ခန့်မှုတွင်လည်း ပြောဖွယ်မရှိ။ အောက်ခြေထုကြီးများအခိုင်အခန့်ဖြင့် တည်ဆောက်ခဲ့လေရာ ခေတ်အဆက်ဆက် ကြီးမားသောငလျှင်ကြီးများရန်မှလည်း လွတ်ကင်းခဲ့သည်။

မြန်မာတို့၏ရင်ထဲမှာ သွေးထဲမှာ ရွှေတိဂုံသည် အမြစ်ဖြစ်၏။ ရှေးမြန်မာတို့လက်ထက်မှသည် ယခုခေတ်တိုင် ခိုင်ခန့်နေကြဆဲ။ ထို့ကြောင့်လည်း နိုင်ငံရပ်ခြားသို့ အခြေချနေထိုင်ပြသော မြန်မာများသည် ရောက်လေရာအရပ်တို့တွင် ရွှေတိဂုံပုံစံတူ စေတီများကိုတည်ထားဖို့ကျိုးစားကြခြင်းဖြစ်၏။ ရွှေတိဂုံကိုမြင်လျှင် ကိုယ့်ပြည်ကိုယ့်မြေဟု ခံစားမိကြသည်မဟုတ်လား။

မောင်လူပေတို့နေထိုင်ရာ ဆန်ဖရန်စစ္စကိုဗေးဧရိယာရှိ Sebastopol မြို့ စေတော်ဝင်(၂) ဓမ္မစင်တာအတွင်းတွင်လည်း ဉာဏ်တော် ၁၉ ပေခွဲရှိသော ရွှေတိဂုံပုံစံတူစေတီတည်ဖို့ စီစဉ်နေကြသည်။ ထို့အတွက် စုပေါင်းဈေးရောင်းပွဲတစ်ခု ကျင်းပကြလိမ့်မည်။ ဈေးရောင်းပွဲနေရာမှာ Swiss Perk, 5911 Mowry Ave, Newark, CA 94560 တွင်ဖြစ်၏။ ၂၀၁၇ခုနှစ် အောက်တိုဘာလ(၁)ရက် တနင်္ဂနွေနေ့ နံနက်(၁၀)နာရီမှနေ့လည်(၂)နာရီအထိဟု သိရသည်။

သို့ပါသောကြောင့် ရွှေတိဂုံပုံစံတူစေတီတည်ထားရေး ဈေးရောင်းပွဲတော်သို့ ရွှေတိဂုံကိုလွမ်းကြသူမြန်မာမိသားစုများမှ အင်တိုက်အားတိုက်လာရောက်အားပေးကြပါစို့ဟု နှိုးဆော်တိုက်တွန်းအပ်ပါသည်ခင်ဗျား။

" ( ရွှေတိဂုံကိုမြင်လျှင်)၂ ကိုယ့်ပြည်ကိုယ့်မြေ ကိုယ့်ဌာနေတွင် ပြန်ရောက်သည်သို့ စိတ်အားရယ်ပျော်ရွှင်........။" (မြန်မာသီချင်းတစ်ပုဒ်မှ)

ချစ်ခြင်းအားဖြင့်

မောင်လူပေ