စိတ်ဆိုးစရာလား။
စိတ်ဆိုးသည်။ ဒေါပွသည်။ အတော်လွန်သည်။
ဟုတ်တာပြောတာတဲ့။ ဒါမျိုးက ဟုတ်နေလည်း မပြောသင့်။
၆၆(ဃ)နှင့်စွဲမည်။
" ကိုလူပေ။ ခင်ဗျားက အင်ဂျင်နီယာဆိုပေမဲ့ စာရေးကြီးသာသာပါဗျာ။ ခင်ဗျားအထက်မှာ အင်ဂျင်နီယာချုပ်တို့ ဌာနမှူးတို့ ရှိသေးတယ်လေ။ ပရိုတိုကောအရလည်း ခင်ဗျားက နံပါတ်သုံးနေရာမှာပဲရှိတာပါ။ " တဲ့။
ဒါ စော်ကားတာမဟုတ်ရင် ဘာလဲ။ အရင်လူတွေလည်း ၆၆(ဃ) နဲ့တွေ့ခဲ့ကြပြီ။ ဒါလည်းမမှတ်သေး။
အခြေအနေတစ်ခုအရ မောင်လူပေလည်း နေရာတကာ ကိုပါရာ ဖြစ်နေခဲ့ရသည်။ ဟိုအသင်းလည်း ကိုယ်ပဲ။ ဒီအသင်းလည်း ကိုယ်ပဲ။ ကိုယ်ကလည်း နေရာကောင်းလေးတွေမှာ ယူထားနေရသည်။
ဒီလို နေရာတကာဝင်ပါနေရတာ အာဏာမက်လွန်းလို့မဟုတ်။ ပါချင်လို့မဟုတ်။ မပါမဖြစ်လို့။ အစစ အဆင်ပြေအေးချမ်းနေရင် မပါတော့ဘူး။ အနားယူမှာ။ ဘယ်တော့လည်းဘာညာတော့ အချိန်ဇယား လာမတောင်းနဲ့။ သင့်တော်တဲ့အချိန်ပေါ့။
ဒီတစ်ခါ မောင်လူပေကို ဂလိုဆိုလိုက်သူက နည်နည်ရရမဟုတ်။ မိုးမခမဂ္ဂဇင်းအယ်ဒီတာချုပ်ကြီးဖြစ်သော ကိုရစ်ဖြစ်ပါ၏။
ဒါကြောင့် ဒီကိစ္စကို အရေးယူပေးဖို့ ကိုရစ်၏ အတိုင်ပင်ခံပုဂ္ဂိုလ်ဖြစ်သူ သူ့မဟေသီ မမေထံသို့ အကြောင်းကြားစာပို့လိုက်ပါ၏။
အတိုင်ပင်ခံပုဂ္ဂိုလ်ဖြစ်သူ မဒန်ရစ်(ခေါ်) မမေက ကိုရစ်ကို တိုးတိုးတိတ်တိတ် ခေါ်ဆူနေသည်ဟု ကြားသိရသည်။ ' မိတ်ပျက်အောင် မလုပ်နဲ့ တော်။ ကျုပ်တို့က မကင်းရာမကင်းကြောင်းတွေ။ သူလည်း တနေ့တော့ နေရာတကာမပါတော့ဘူးလို့ ပြောထားပြီပဲ။ ဘယ်နေ့မှန်းမသိတဲ့ အဲဒီနေ့ကိုပဲ စိတ်ရှည်ရှည်ထားပြီး စောင့်ပါ။ ' ဘာညာ ပေါ့လေ။
မရဘူး။ မရဘူး။ ဟုတ်တာပြောလည်း မရဘူး။ လာမထိနဲ့။ မီးပွင့်သွားမယ်။ အကုန်ပွင့်သွားမယ်။ ဘာမှတ်လည်း။ ငှင်း ငှင်း ငှင်း။
မောင်လူပေ
( တစုံတရာကို စောင်းပြောနေသည်ဟု ယူဆပါက ယူဆသူ၏ တာဝန်သာ ဖြစ်ပါကြောင်း။ 😄)
No comments:
Post a Comment